Skip to content
721 Hadiths

Encyclopedia of Prophetic Hadiths

Filter results

20 of 721 cards

Clear filters
«Lɩslaamb a yiib ka be n yek taab n yõk taab nusi, rẽndame tɩ b yaafa b yiibã zũnuuba, taoor tɩ b na n ka welg taaba».
Ṣahɩɩhʋn bɩ Maǧmuuʿ Ṭʋrʋƙɩhɩ (A manegame tɩ b sã n lagem a sõya fãa gilli) A Abʋʋ Daawʋʋd la a At-tirmizii la a ɭbn Maaǧa la a Ahmad n reeg-a
التصنيف الشرعيفضائل الأعمال الصالحة، آداب السلام والاستئذان
«Wẽnd na põees ned ning neng sẽn wʋm bũmb tõnd nengẽ, n taas-a wala a sẽn wʋm-a wã, bala sõor waoog b sẽn taas ned bũmb tɩ yẽnda sẽn fasema yɩɩda wʋmdã».
Naṣʋn Ṣahɩɩhʋn (Gom-sikdem sẽn manege) A At-tirmiiziy la a ɭbn Maaǧa la a Ahmad n reeg-a
التصنيف الشرعيفضل العلم، آداب العالم والمتعلم
«Yeelg-y y fu pεεlã, tɩ ad yaa yãmb futã sẽn yɩɩd sõmblem, la y mum y kũ-rãmbã ne-ba».
Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a At-tirmizii la a ɭbn Maaǧa n reeg-a
التصنيف الشرعيآداب اللباس
"Yãmb sã n dag n bobend-y mensã boblg tεkẽ, A rag na rɩlg yãmb wala A sẽn rɩlgd liuuli wã, b yikda tõd beoogo tɩ b pʋsã yaa tabla n ta zaabr tɩ b pʋsã pidi".
Naṣʋn Ṣahɩɩhʋn (Gom-sikdem sẽn manege) A At-tirmiiziy la a ɭbn Maaǧa la a Ahmad n reeg-a
التصنيف الشرعيفضائل أعمال القلوب، أعمال القلوبموضوعات الحديثالتوكل
« Ra karem-y bãngrã n rat n na n pug ne-a bãngdb ye, maa y wẽ no-koeemd ne yalms ye, la y ra tũus zĩndg zĩisɩ bãngrã yĩng ye, la ad ned ning sẽn maana woto, Bugmã n sõmb ne-a »
Naṣʋn Ṣahɩɩhʋn (Gom-sikdem sẽn manege) A ɭbn Maaǧa n reeg-a
التصنيف الشرعيآداب العالم والمتعلم، أمراض القلوب، ذَمُّ الهوى والشَّهواتموضوعات الحديثالمراء والجدال بالباطل، الإخلاص، الرياء
« Ad Wẽnd na n yiisa ned mam poorẽ rãmbẽ wã, bõn-naandsã taoore, yikrã raarã, n yεdg a tʋʋm sεb pis-wae la a wae, sebr fãa gilli, a yaa nif gesg tεkẽ, rẽ poorẽ tɩ Wẽnd yeel-a : fo kɩɩsda bũmb tʋʋm-kãensã pʋgẽ baa fʋɩ bɩɩ ? Rẽ yĩnga Ma malεgs nins sẽn yaa gũusdbã, n yaa gʋlsdbã b wẽga foom bɩɩ ? T’a yeele : « ayoo ! M Soaba Wẽnde » tɩ Wẽnd yeel-a : « rẽ yĩnga fo tara padang bɩɩ ? » T’a yeele : « ayoo ! M Soaba Wẽnde » Tɩ Wẽnd yeel-a « ad fo tara tʋʋm sõng Tõnd nengẽ, ad wẽgb ka be fo zug rũnda ye » tɩ b yiis seb bila tɩ gʋlsa a pʋgẽ, Ashadu Anlaa’ilaa illallah, wa ashadu anna Muhammadan abduhuu wa Rasuuluhuu (m maan kaset tɩ soab sẽn na n tũ n tɩlg ka be rẽnda Wẽnde, m leb n maana kaset t’a Mohammad yaa Wẽnd yamba n leb n yaa A Tẽn-tʋʋma) tɩ Wẽnd yeele : « wa ne fo tʋʋma » tɩ nedã yeele : « seb-kãngã na n maana bõe ne seb-kãensã fãa gilli ? » Tɩ Wẽnd yeel-a : « ad foom, b ka na n vẽg-f ye » [Nabiyaamã yeelame] tɩ b rɩk tʋʋm wẽnsã sebrã n ning kɩreng a yembre, la b rɩk sebrã n ning kɩreng a to wã, tɩ sebrã sẽn ningẽ wã zɩsge, tɩ sebã sẽege, rẽnd bũmb baa fʋɩ ka be sẽn na n zɩsg n naag Wẽnd yʋʋrã ye ».
Naṣʋn Ṣahɩɩhʋn (Gom-sikdem sẽn manege) A At-tirmiiziy la a ɭbn Maaǧa n reeg-a
التصنيف الشرعيفضائل التوحيد، الحياة الآخرةموضوعات الحديثأهمية التوحيد، سعة فضل الله عز وجل، الإيمان باليوم الآخرمحاور التعريف بالإسلامالحساب، النجاة بالدخول في الإسلام
B soka Wẽnd Tẽn-tʋʋm, (Wẽnd pʋʋsg la A tɩlgr be a yĩnga) bũmb ning sẽn waoog n kẽesd nebã arzãn n yɩɩda, t'a yeele: "Yaa Wẽnd zoεεga la zʋg sõngo" la b leb n sok-a yεl nins sẽn yaa wʋsg n kẽesd nebã Bugmẽ wã, t'a yeele: " yaa noorã la taoorã".
Hasanʋn Ṣahɩɩhʋn (A be neere, a manegame) A At-tirmiiziy la a ɭbn Maaǧa la a Ahmad n reeg-a
التصنيف الشرعيالأخلاق الحميدة، أعمال القلوب، ذم المعاصي، صفات الجنة والنارموضوعات الحديثالزنا، اللواط، حفظ اللسان، حسن الخلق، التقوىمحاور التعريف بالإسلاممحاسن الأخلاق
«Lɩslaam fu-sẽk (kurgu=fuugu) yaa a kar-koeemsã pʋsʋka, la taal ka be ne bũmb ning sẽn be kar-koεεngã la na-kugã sʋk ye, la bũmb ning sẽn sig na-kugã tẽngrã yẽ yaa Bugmẽ, la ned ning sẽn vuuga a fu-sẽka waoog-m-menga, Wẽnd ka gεt-a ye».
Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a ɭbn Maaǧa la a Ahmad n reeg-a
التصنيف الشرعيآداب اللباس