Encyclopedia of Prophetic Hadiths

«Lɩslaam hakε sẽn zao a lɩslaam taag yaa a yoobe» Tɩ b yεεl-a: bãmb la bʋse Wẽnd Tẽn-tʋʋmã? La a yeele: «F sã n seg-a bɩ f ning-a sallem, la a sã n bool-f bɩ f sak-a, la a sã n kos-f sagls bɩ f maan-a pʋ-peelem, la a sã n tĩsi n pẽg Wẽnd bɩ f yeel-a: Yarhamuka Allaah= Wẽnd na yols-fo, la a sã n bẽ bɩ f kaag-a, la a sã n maan kaalem bɩ f yãag-a».

«Ned ning sẽn yẽsɑ tɩ mɑɑm n yeele, n neẽ t'a yaa zĩri, rẽnd nin-kãng naaga zĩri-be-nebã».

«Ad Wẽnd maaname tɩ yaa tɩlae tɩ b maneg n tʋg bũmb fãa gilli، rẽnd yãmb sã n na n kʋ, bɩ y maneg y kʋʋbã, y sã n na n kodge, bɩ y maneg y kodgrã, la ned fãa saas a sʋʋga la ɑ pems a rũn-koaatga».

«Rẽ yĩnga, m ka na n kõ yãmb kibare, ne bũmb ning Wẽnd sẽn yẽesd zũnuub-rãmb ne-a, la A zẽkd dargε-rãmb ne-a?» La b yeele: N-yee, Wẽnd Tẽn-tʋʋma, la a yeele: «yaa koom yõk tɩ ta ne sẽn ka noomã fãa, la na-tagdɩ wʋsgo n tʋg miisã wã, la kolled Pʋʋsgo, Pʋʋsg loogr poorẽ, ad yaa yẽ bal la Ar-rɩbaate (kor n gɩd bεεba)».

«Liu-n-bʋgrã (zu-beed saagrã) ad a yaa lagem-n-taare, liu-n-bʋgrã (zu-beed saagrã) ad a yaa lagem-n-taare, liu-n-bʋgrã (zu-beed saagrã) ad a yaa lagem-n-taare, -noor a tãabo», la ned ka be tõnd pʋgẽ wã, rẽndame t'a saag-a, la Wẽnde, (A Naam yɩ wagell n zẽke), A loogɑ ne-a ne bobl-m-meng ne Wẽndã.

«Ad sẽn be dũni wã yikr tagmas-rãmbẽ, b na n wa zẽka (yẽesa) bãngre, tɩ zɩɩlem wʋsge, tɩ yoobã wʋsge, tɩ rãamã yũub wʋsge, tɩ raopã sõor lebg kɩdga, tɩ pagbã wʋsge, halɩ tɩ pagb pis-nu na n wa yaa raoa a yembr n yãs ne b yelle».

Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a gɩdga som pok põngre.

«Ra maan-y taab sũ-kiir ye, la belg-y taab tɩ b ra n kẽ ye (belg ned t'ɑ rɑ bũmb wɑlɑ f sẽn nɑ n tɑ n dɑ toogo n nɑ yɩl n bleg sẽn rɑt n rɑ wã t'ɑ rɑ n kẽ), la y ra gẽ taab ye, la y ra maan raba-wẽns ne taab ye, yãmb sãnda ra wa koos taab koosg zug ye ( wɑ ne sẽn bɑrsd tɩ fo tʋg n pɑɑs ligdã n reeg n dɑ), yɩ-y Wẽnd yembse, n yaa ma-biisi, lɩslaam ne a to yɑɑ ma-biisi, a ka wẽgd-a, a ka basd a sõngre, a ka paoogd-a , Wẽnd zoεεgã yaa zĩ-kãngã» La a teesd a yãoogã noor a tãabo.«Wẽng ta tεk ne lɩslaam t'a wa tʋg n paoogd a ma-bi-taaga, lɩslaam gillã yaa haraam ne a lɩslaam taaga, a zɩɩmã yaa haraam, a arzεkã yaa haraam, a burkĩnd yaa haraam».