Encyclopedia of Prophetic Hadiths

«Lɩslaam tʋʋr yaa dĩin yiibu la a zab ne-a yaa kɩfẽndo».

A ra pa yɩ n yaa wẽng soab ye, pa gom-beed soab me, a pa ye-raoog soaba raas pʋgẽ ye, a pa rond wẽng ne wẽng ye, la ad a yaafdame la a basd tɩ loogdẽ.

«Yãmb a neba! Tuub-y n tʋg Wẽnd nengẽ, tɩ ad mam lebgdame n tʋgd Wẽnd nengẽ raar pʋgẽ noor koabga».

Tɩ raoa n yeel Nabiyaamã (Wẽnd pʋʋsg la A tɩlgr be a yĩnga) sagl-ma, t'a yeele: «Ra gẽ ye» t'a yɩlem noor wʋsgo, tɩ Nabiyaamã yeele: «Ra gẽ ye».

«La tɩ nebã sã n da miẽ sẽn be laandaanã boolgã la rẽenem safã pʋgẽ, rẽ poorẽ tɩ b pa paam sẽk n na n kẽng beenẽ, rẽnda b maan Poeere, b rag n na maan-a n yãke, la b sã n rag n mi bũmb ning sẽn be sãd n kẽng miisrẽ wã, b rag na rengẽ taab beenẽ, la b sã n rag n mi bũmb ning sẽn be likã la yibeoogã Pʋʋsg pʋgẽ, b rag n na seed b yiibã, baa tɩ b na n vũnemame».

«Neb ka be sẽn na n zĩnd zĩigẽ, n ka tẽeg Wẽnd yʋʋrã beenẽ, rẽndame tɩ b yik wala bõang gɩfo, zĩnd-kãngã me na n yɩɩ bõn ne-ba».

«Wẽnd na põees ned ning neng sẽn wʋm bũmb tõnd nengẽ, n taas-a wala a sẽn wʋm-a wã, bala sõor waoog b sẽn taas ned bũmb tɩ yẽnda sẽn fasema yɩɩda wʋmdã».

«Yeelg-y y fu pεεlã, tɩ ad yaa yãmb futã sẽn yɩɩd sõmblem, la y mum y kũ-rãmbã ne-ba».