Encyclopedia of Prophetic Hadiths

«Rɩbaat (koll n gɩd bεεbã todse) Wẽnd sorã pʋgẽ wã a sõmblemã yɩɩda dũni la bũmb ning sẽn be a zugu la yãmb ned fãa sãbsg rɩglg zĩiga, a sõmblem yɩɩda dũni la sẽn be dũni wã pʋgẽ, la zaabr kẽnde yamb sẽn na n kẽn-a Wẽnd sorã yĩnga, maa yʋng kẽnde, a yɩɩda dũni wã la bũmb ning sẽn be a pʋgẽ».

Tɩ ned n rɩ Wẽnd Tẽn-tʋʋmã nengẽ (Wẽnd pʋʋsg lɑ A tɩlgr be ɑ yĩngɑ) ne a goabgã, tɩ Nabiyaamã yeel-a: «rɩ ne f rɩtgã», t'a yeele: m ka tõe ye, t'a yeele: «f kõn n tol n leb n tõog ye», bũmb ka gɩdg-a rẽnda waoog-m-menga, la a Salamat ɭbn Al-akwa’ yeele: t'a ka tõog n zẽk sag-võrã n kẽng a noorẽ wã ye.

Yii Nabiyaamã nengẽ (Wẽnd pʋʋsg la A tɩlgr be a yĩnga)a sẽn togsd tɩ yaa sẽn yi a Soabã nengẽ, A Naam yɩ wagell n zẽke, n yeele: "Yamb maana zunuub tʋʋmde, n yeele: " Soaba Wẽnde yaaf m zunuubã". Tɩ Wẽnd yeele, A Naam yɩ wagell n zẽke: Mam yambã beegame la a leb n bãngame t'a tara Soabã sẽn yaafde la A leb n sɩbgd ne zunuuba" rẽ poorẽ tɩ yamba beege, n yeele: "m Soaba, yaaf-ma m zunnuubã, tɩ Wẽnd yeele, A Naam yɩ wagell n zẽke: " Mam yamba maana beegre, n bãng t'a tara Soaba, sẽn yaafd zunuuba la A leb n sɩbgd ne zunuuba. Tɩ yambã leb n maan zunuuba, n yeele: " m Soaba, yaaf-ma m zunuubã". Tɩ Wẽnd yeele, A Naam yi wagell n zẽke: "M yambã maana beegre, n bãng t'a tara Soaba, sẽn yaafd zunuuba, la A sɩbgd ne zunuuba, maan f sẽn rate, tɩ ad Mam yaaf-f lame".

«Zoe-y n zãag-y yel-halkds a yopoe wã», la b yeele: « Wẽnd Tẽn-tʋʋma, yaa bãmb la bʋse?" T'ɑ yeele: yaa lagem-n-taar ne Wẽnde, la tɩɩm, la yõor ning Wẽnd sẽn gɩdg tɩ b ra kʋ tɩ sã n ka tũ ne lɩslaang hakε wã kʋʋbo, la rɩbaag rɩɩbo, la kɩɩb arzεk rɩɩbo, la gũd kuidg n zoe zabr raare, la Muumin pogsã sẽn yaa yõk-m-mensã rãmbã, sẽn pa ning b toaag ne yel-beedã rõdbo».

«Yãmb yembr fãa ka kõt sɩda (ne Wẽnde) hal t'a wa tʋg n nong ne a ma-biiga bũmb ning a sẽn nong ne a mengã».

Mam rag n zao Nabiyaamã poorẽ, Wẽnd pʋʋsg la A tɩlgr be a yĩnga, bõang zug, b sẽn boon tɩ Ʋfayr, tɩ Nabiyaamã yeele : « Mu’aaze ! Rẽ yĩnga fo mii Wẽnd hakε wã sẽn zao A yembsã zugu, la yembsã hakε sẽn zao Wẽnd zug bɩɩ » ? Tɩ mam yeele : « Wẽnd la A Tẽn-tʋʋmã, n mi rẽnda ». t’a yeele : « bɩ f bãnge tɩ Wẽnd hakε wã, yaa b tũ Wẽnde la b ra maan lagem-n-taar ne-A ye, la yembsã hakε sẽn zao Wẽnde, yaa A ra wa tʋg n nams ned sẽn ka maan lagem-n-taar ne-A baa fʋɩ ye » Tɩ mam yeele : « rẽ yĩnga, m ka na n noog nebã sũur ne rẽ » ? Tɩ Nabiyaamã yeele : « ra noog-b sũur ne rẽ, tɩ b wat n teega rẽnda n bas tʋʋmã ».

la ad Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) a yii raar a yembr, t'a Ṣahaabsã gũgb n zĩẽ, t'a yeele: «bõe n zĩndig yãmba«? Tɩ b yeel: tõnd zĩime n tẽegd Wẽnd yʋʋre la d pẽgd-A ne A sẽn kãndg tõnd ne lɩslaangã la A maan tõnd neemã ne lɩslaangã, la Nabiyaam yeele: ne Wẽnd tɩ bũmb ka zĩndig yãmb tɩ ka rẽ? La b yeel yã: ne Wẽnde, bũmb ka zĩndig tõnd tɩ ka rẽ ye, t'a yeele: «ad mam ka kɩt tɩ y wẽene, tɩ m rõt-y lame yĩng ye, la a d Gibriil waa mam nengẽ, n togs maam, tɩ Wẽnde, (A Naam yɩ wagell n zẽke) A pugda malεgsã ne yãmba».

«Wakɩr sẽn tʋg n yɩɩd ned sẽn yãkd-a n kõtẽ, yaa wakɩr fo sẽn na n rɩk-a n rɩlg f zak rãmba, la wakɩr fo sẽn na n rɩk n rɩlg f bõn-zoɑmdg sẽn na n tall n zab Wẽnd sorã pʋga, la wakɩr fo sẽn na n rɩk-a n rɩlg f tũud-n-taas Wẽnd sorã pʋga». A Abʋʋ Ƙɩlaaba yeelame: a sɩnga ne koambã". Rẽ poorẽ t'a Abʋʋ Ƙɩlaaba yeele: La ãnd keoore n le yɩɩd ned ning sẽn rɩlgd koamb sẽn yaa kɩdse n sekd-b n yiis bõosgo tɩ Wẽnd nafd-ba la A sekd-ba sẽn tũ ne yẽndɑ.