Encyclopedia of Prophetic Hadiths

«Rẽ yĩnga, m ka na n kõ yãmb kibare, ne bũmb ning Wẽnd sẽn yẽesd zũnuub-rãmb ne-a, la A zẽkd dargε-rãmb ne-a?» La b yeele: N-yee, Wẽnd Tẽn-tʋʋma, la a yeele: «yaa koom yõk tɩ ta ne sẽn ka noomã fãa, la na-tagdɩ wʋsgo n tʋg miisã wã, la kolled Pʋʋsgo, Pʋʋsg loogr poorẽ, ad yaa yẽ bal la Ar-rɩbaate (kor n gɩd bεεba)».

«Ad sẽn be dũni wã yikr tagmas-rãmbẽ, b na n wa zẽka (yẽesa) bãngre, tɩ zɩɩlem wʋsge, tɩ yoobã wʋsge, tɩ rãamã yũub wʋsge, tɩ raopã sõor lebg kɩdga, tɩ pagbã wʋsge, halɩ tɩ pagb pis-nu na n wa yaa raoa a yembr n yãs ne b yelle».

Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a gɩdga som pok põngre.

«Ra maan-y taab sũ-kiir ye, la belg-y taab tɩ b ra n kẽ ye (belg ned t'ɑ rɑ bũmb wɑlɑ f sẽn nɑ n tɑ n dɑ toogo n nɑ yɩl n bleg sẽn rɑt n rɑ wã t'ɑ rɑ n kẽ), la y ra gẽ taab ye, la y ra maan raba-wẽns ne taab ye, yãmb sãnda ra wa koos taab koosg zug ye ( wɑ ne sẽn bɑrsd tɩ fo tʋg n pɑɑs ligdã n reeg n dɑ), yɩ-y Wẽnd yembse, n yaa ma-biisi, lɩslaam ne a to yɑɑ ma-biisi, a ka wẽgd-a, a ka basd a sõngre, a ka paoogd-a , Wẽnd zoεεgã yaa zĩ-kãngã» La a teesd a yãoogã noor a tãabo.«Wẽng ta tεk ne lɩslaam t'a wa tʋg n paoogd a ma-bi-taaga, lɩslaam gillã yaa haraam ne a lɩslaam taaga, a zɩɩmã yaa haraam, a arzεkã yaa haraam, a burkĩnd yaa haraam».

Tɩ Nɑbiyɑɑmã (Wẽnd pʋʋsg la A tɩlgr be a yĩnga) la a Mʋ'ʿaaz rag n zao Nabiyaamã poorẽ, a rũngã zugu, t'a bool-a n yeele: « Yaa a Mʋ'ʿaaz ɭbn Gεbale» t'a Mʋ'ʿaaz yeele: (Labbayka yaa rasʋʋlʋllaah wa sa'ʿadayka= m sak-fo, m sɑk f yĩngɑ Wẽnd Tẽn-tʋʋma), noor a tãabo. Wẽnd Tẽn-tʋʋm yeele: «Ned ka be, n maan kaset tɩ (laa ɩlaaha ɩllal-Allaah, wa ɑnna Mʋhammadan rasʋʋllaah) = (M maanda kaset tɩ soab hakɩɩk pa be rẽnda Wẽnde, la m maand kaset t'a Mʋhammad yaa Wẽnd Tẽn-tʋʋma) n kõ sɩda a sũurẽ wã, rẽndame tɩ Wẽnd harm-a ne Bugmã». Rẽ poorẽ, a Mʋ'ʿaaz yeelame : Wẽnd Tẽn-tʋʋma, rẽ yĩnga, m ka na n kõ nebã kiba-noogo, sẽn na yɩlẽ tɩ b kɩdme la b noog b sũur ne Wẽnd kũun-kãnga? Tɩ Nabiyaamã yeele: «fo sã n maan woto, b na n wa teega rẽndã». La a Mʋ'ʿaaz togsa kibarã, a kũumã sasa, a sẽn yεεsd t'a na n wa paam zũnuub yĩnga t'a sã n solge.

«Wẽnd ka get ned ning sẽn vuug a fuug waoog-m-meng yĩng ye».

"Ka sõmb ne neda t'a wãag a ma-bi taaga, tɩ yɩɩd rasem a tãab ye, tɩ b yekd taaba, tɩ yãwã kɩlled kaanẽ, tɩ yãwã kɩlled kaanẽ, la b yiibã sõma sẽn yɩɩda, yaa sẽn sɩnga a to wã pʋʋsgã".

Raoa n wa Nabiyaamã nengẽ (Wẽnd pʋʋsg la A tɩlgr be a yĩnga) n yeele: ad mam rũngã halkame, bɩ f bao rũng tɩ m zombe, tɩ Nabiyaamã yeele: " m ka tar ye" la rao yeele: Wẽnd Tẽn-tʋʋma, m na n wilg-a-la ned ning sẽn na n kõ-a rũng t'a zombe, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: "Ned ning sẽn wa n wilg sõma zĩigã, a tara yel-sõmb wala sõmã wã maand bilgri".