Encyclopedia of Prophetic Hadiths

«zems-y soaf-rãmbã ne taaba, ad Soaf-rãmbã tẽesgã bee Pʋʋsgã pidsg pʋgẽ».

B yãka wakat n kõ tõnd no-kõbd wõrsgo la nu-yẽes wõrsgo la bãgd tõsbo la pend põngre, tɩ d ra bas-b tɩ b yɩɩg yʋnd pis-naas ye.

Nabiyaamã (Wẽnd pʋʋsg la A tɩlgr be a yĩngɑ), a sã n kẽng we-kεεnga, a yetame: «Allahumma, inni Aʋʋzʋ bika minal hʋbsi wal habaa'ɩs =M Soab A Wẽnde, m kota gũudem ne Foom n yi sʋɩɩtãan roapa la sʋɩɩtãan pogse».

Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) saglsã wʋsgã fãa kũumã sẽn wa n wa-a wã wakatã, rag n yɩɩme: «M sagend-y lame ne Pʋʋsgo, la y nusã sẽn so wã, m sagend-y-la ne Pʋʋsgã, la y nusã sẽn so wã». Halɩ tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) wa maand t'a be a sũurẽ wã n vũudẽ, t'a zelemdã ka tõe n yiis-a ye.

«Ned ning sẽn yĩma Pʋʋsgo, bɩ a pʋʋs-a a sẽn wa n tẽege, a ka tar sẽn na n maan n role, sã n ka woto ye: {yãnes Pʋʋsgã Mɑm yʋʋrã tẽegr yĩnga}: [Toɑhɑɑ: 14]».

Neb n wa sẽn yi ʿƲkl bɩ ʿƲrayna, la bãas n yõk-b Madiina tɩ Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) sagl-b ne yʋgmã, tɩ b yũ b rʋʋdmã la b bĩismã, tɩ b sɩd loog n na n pʋge, la b sẽn wa n paam laafɩ wã, b kʋʋ Nɑbiyɑɑmã rũm-kɩɩmã (Wẽnd pʋʋsg lɑ A tɩlgr be ɑ yĩngɑ) la b peeg rũmsã, tɩ b kibarã ta wĩndgã sɩngrẽ, t'a tʋm tɩ b pʋg-ba, la wĩndgã sẽn wa n zẽke, b waa ne-ba, tɩ Nabiyaam kɩt tɩ b kʋʋs b nusã la b nao wã, la lob-b kug-laagã zugu. tɩ b rat koom tɩ b ka kõt-b ye. A Abuu Ƙɩlaaba yeelame: rẽnd bãmbã b zuume la b kʋ, la b kɩflg b lɩɩmaoong poorẽ, la b zab ne Wẽnde la A Tẽn-tʋʋmã.

Maam n rag n yɩ n yũnugd nebã a Abɩɩ Talha zakẽ wã, la b rãamã wakat-kãngã yaa tamar sẽn lagem taaba, tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) tʋms boaand t'a moondẽ: Ad rãamã lebga haraam, a yeelame: t'a Abuu Talha yeel maam: yi n laεεg-a. Tɩ mam yi n laεεg-a. T'a waal Madiin soy wã, tɩ nebã sãnda yeele: ad b ra kʋʋ neb tɩ rãamã be b pʋsẽ wã. Tɩ Wẽnd siki:{Taal ka be ne sẽn kõ-b sɩdã la b tʋm tʋʋm sõmsã, b sẽn rɩ bũmb ning tɩ loogã ye} [Al-Maa'ɩda (Rɩɩbã sʋʋra): 93] Aayarã.

Nabiyaamã (Wẽnd pʋʋsg la A tɩlgr be a yĩnga) rag n yɩɩme n pekdẽ, maa n soodẽ, ne saawalle n tʋg n tãag mud a nu, la a yõgd koom ne mudri.