Encyclopedia of Prophetic Hadiths

« yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã sʋka, la ad Pʋʋsgã yaa vẽenem, la sãra (doaag) maanego a yaa daliil sẽn wilgd lɩɩmaangã, la ad sugr yaa vẽenem, la Alkʋrãanã a yaa gom lubdga, sẽn na n sõng foom, maa sẽn na n nams foom, ad nebã fãa gilli, b sãta beoogo, n koosd a mengã, be beenẽ sẽn basd a yõor burkĩndi n yi Bugmã, be b pʋgẽ ned sẽn na n halk a yõorã n kẽes-a Bugmã pʋgẽ».

«Yãmb ned baa a yembr ka be rẽndame tɩ Wẽnd gom ne-a, no-rεεs ka na n zĩnd b sʋk ye, t'a ges a rɩtg wεεngẽ n ka ne rẽnda yẽ sẽn tʋm tɩ reng taoore, la a ges a goabg wεεngẽ n ka ne rẽnda yẽ sẽn tʋm tɩ reng taoore, t'a ges a taoore, n ka ne rẽnda Bugmã yẽ neng taoore, bɩ y zoe Wẽnde, baa tɩ na n yɩ ne tamarʋ wεdgɑ».

Wakat a tãab n be be, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) gɩdga tõndo tɩ d ra pʋʋs b pʋgẽ ye, la d ra mum d kũ-rãmbã b pʋgẽ, yaa wĩntoogã sẽn wat n pukdẽ wã halɩ t'a wa zẽke, la sõorã sẽn wat n lugã halɩ t'a wa gobge, la wĩntoogã sẽn wat n mooge n na n lʋɩ wã halɩ t'a wa lʋɩ.

«Baag sã n yũ yãmb yembr laok pʋgẽ, bɩ a pek-a naoor a yopoe».

A Abuu muusa bẽe bãag sẽn yaa kεgenga, t'a sobge, la mikame t'a zugã rag n bee a pagbã a yembr naoẽ, la a ka tõe n leok baa fʋɩ ye, la a sẽn wa n vʋʋgã a yeelame: m zãagame n yi ned ning Wẽnd Tẽn-tʋʋmã (Wẽnd pʋʋsg la A tɩlgr be a yĩnga) sẽn zãag a soabã, Ad Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a zãaga a meng n yi kaas poaka la põnd poaka la pãrs poaka.

Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) wilga maam -tɩ mam tallã be a tal a yiibã sʋka- Sahdã wala a sẽn wilgd maam sʋʋrã Alkʋrãanẽ wã: «At-tahɩyaatʋ Lɩllaahɩ, waṣ-ṣalawaatʋ waṭ-ṭaybaatʋ, assalaamʋ alayka Ayyʋhannabɩyʋ wa rahmatʋllaahɩ wabarakaatʋhʋ, assalaamʋ alaynaa wa ʿalaa ʿɩbaadɩllaah Aṣ-ṣaalɩhɩɩna, ashadʋ anlaa-ɩlaaha ɩllallaahʋ, wa Ashadʋ anna Mʋhammadan Abdʋhʋhʋʋ wa rasʋlʋʋhʋʋ». La wɑɑ Al-bʋhɑɑri lɑ Muslim pʋgẽ gom-biis ɑ tɑɑbɑ, yeelɑme: «Ad Wẽnde, Yẽ la Tɩlgrã (Assalaamu) rẽnd yãmb yembr fãɑ sã n zĩnd Pʋʋsgẽ wã, bɩ a yeele: «At-tahɩyaatʋ lɩllaahɩ, waṣṣalawaatʋ waṭ-ṭaybaatʋ, Assalaamu Alayka Ayyʋhannabiiyʋ wa rahmatʋllaah wabarakaatʋhʋʋ, Assalaamʋ ʿAlaynaa, wa ʿalaa ʿɩbaadɩllaah Aṣ-ṣaalɩhɩɩna», rẽnd a sã n yeel-a a yel-sõmdã tata Wẽnd yamb sõng fãa sẽn be saasẽ la tẽngẽ, ashadʋ anlaa-ɩlaaha ɩllallaahʋ, wa Ashadʋ anna Mʋhammadan Abdʋhʋʋ wa rasʋʋlʋhʋʋ, rẽ poorẽ, a tũus yẽ sẽn rat n na n bõos bũmb ning fãa, n kose»

«Ad Wẽnd yarda yãmb ne yεl a tãabo, la A kis yεl a tãabo, A yarda yãmba: tɩ y tũ-A A Yembre, la y ra maan lagem-n-taar ne-A baa fʋɩ, lɑ y gãd Wẽnd Wĩirã y gilli lɑ y rɑ weel tɑɑb ye, la ad Wẽnd kisga yãmb ne: b yeelame la a yeelame (zĩri-beedo), la kos-toogo, la arzεk yeebgo».

«Yãmb yem kãm fãa gilli yaa gũuda, la yem kãm fãa gill me, b na n sok-a-la a rũmsã yelle, limaam yaa gũuda, b na n sok-a-la a bõn-gũudɩ wã yelle, rao me a yaa gũuda a zakã rãmbẽ, b na n sok-a lame a bõn-gũudɩ wã yelle. Pag me yaa gũuda a sɩdã zakẽ, b na n sok-a lame a bõn-gũudɩ wã yelle. Sõgnɑ yẽ me yaa gũuda a zu-soabã arzεkẽ, b na n sok-a lame a bõn-gũudɩ wã yelle. Yãmb yembr fãa yaa gũuda, b nɑ n sok-y lame y bõn-gũudɩ wã yelle» .