Skip to content
721 Hadiths

Encyclopedia of Prophetic Hadiths

Filter results

7 of 721 cards

Clear filters
Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ɑ yeelɑ ɑ Mu'ɑɑz ɭbn Gεbɑl, ɑ sẽn wɑ n tʋm-ɑ Yɑmɑnɑ: «Ad fo rabdɑ neb sẽn yɑɑ Gɑf rãmb nengẽ, lɑ fo sã n tɑ b nengẽ, bɩ f bool-bɑ n tʋg kɑset mɑɑnego, tɩ soɑb sẽn nɑ n tũ n tɩlg kɑ be rẽndɑ Wẽnde, lɑ ɑ Mʋhɑmmɑd yɑɑ Wẽnd Tẽn-tʋʋmɑ, tɩ b sã n sɑk n tũ rẽ, bɩ f kõ-b kibɑr tɩ Wẽnd mɑɑnɑ wɑkat ɑ nu tɩ yɑɑ tɩlɑe n rog-bɑ, yʋng lɑ wĩndg fãɑ, tɩ b sã n sɑk n tũ rẽ, bɩ f kõ-b kibɑr tɩ Wẽnd mɑɑnɑ doaɑg tɩ yɑɑ tɩlɑe n rog bãmb zugu, tɩ b reegd rɑkãɑgbẽ wã n kõt b tɑlsã, tɩ b sã n sɑk n tũ rẽndɑ, bɩ f gũus b arzεg yɩlmã reegre, lɑ f zoe b sẽn wẽg ɑ soɑb kãɑbgo, tɩ ɑd lill kɑ be ɑ kosgã ne Wẽnd sʋk ye».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيفضل الدعوة إلى الله وأحكامها، وجوب الصلاة وفضلها وحكم تاركها، وجوب الزكاة وحكم تاركها، مصارف الزكاة، دعوة غير المسلمين، الإسلامموضوعات الحديثالدعوة إلى الله، الظلممحاور التعريف بالإسلامأركان الإسلام، الإسلام هو الدين الحق
Mam yeelame: Wẽnd Tẽn-tʋʋma, kõ maam kibare, tʋʋm mam sẽn da tʋmde, Zɩɩlem sasa wã, sẽn yaa doaag maanego, la yembd bas burkĩndi, la rogem tõkre, rẽ yĩnga keoor buud n be a pʋgẽ bɩɩ ? Tɩ Nabiyaama, -Wẽnd pʋʋsg la A tɩlgr be a yĩnga-, yeel-a: “ fo tuubame n lagem ne f tʋʋm nins fo sẽn da tʋm tɩ loog tɩ yaa sõmã wã».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيفضائل الأعمال الصالحة، خصائص الإسلام وفضله ومحاسنه، الإسلامموضوعات الحديثأهمية التوحيد، سعة فضل الله عز وجلمحاور التعريف بالإسلامفوائد الدخول في الإسلام
«Ned fãa tara doaag a sũgsã fãa zugu, wĩntoog sẽn na n puk fãa tɩ fo maneg zabd-n-tɑɑs a yiib ne taab sʋka, f tara doaaga, fo sẽn na n sõng ned ne a rũnga, n zẽk-a n zombg a rũngã zugu, maa n zẽk a teedã n roglge, yaa doaaga, gom-yɩlenga yaa doaaga, nag-tagdr fãa fo sẽn yãk n rabd Pʋʋsgẽ yaa doaaga, la tus bũmb sẽn namsd nebã n yi sor zugu, yẽ me yaa doaaga».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيفضائل الأعمال الصالحة، فضائل أعمال الجوارح، خصائص الإسلام وفضله ومحاسنه، صدقة التطوعموضوعات الحديثحفظ اللسان، الإحسان إلى الخلق، قضاء حوائج المسلمين، الاصلاح بين الناس، إماطة الأذى عن الطريق، التعاون على البر والتقوى، صدقة التطوع، صلاة الجماعةمحاور التعريف بالإسلاممحاسن الأخلاق
«Yols-y la y ra keng ye, la y noog nebã sũy la y ra yεεs-b ye».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالأخلاق الحميدة، سير الدعاة وواجباتهم، خصائص الإسلام وفضله ومحاسنهموضوعات الحديثالدعوة إلى الله، حسن الخلقمحاور التعريف بالإسلاممحاسن الأخلاق
Wakat ning kũumã sẽn wa n wa a Abʋʋ Taalibã, Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) waa a nengẽ, n mik a Abʋʋ Gεhl la Abdʋllaah ɭbn Abɩɩ Ʋmmayya ɭbn Mugɩɩra a nengẽ, t'a yeele: " m saam-bila, yeele: Laɑ ɭlɑɑhɑ ɩllɑl-Lɑɑh (soɑb sẽn tũud n tɩlg kɑe rẽndɑ Wẽnde), yaa gom-bil m sẽn tõe n tall-a n gom n sõng foom Wẽnd nengẽ", t'a Abʋʋ Gεhl la a Abdʋllaah ɭbn Abɩɩ Ʋmmayya yeele: fo na n kisga a Abdʋl Muttalib dĩinã? rẽnd Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) ka bak n yet-a t'a yeel-a, tɩ bãmba b yiibã le lebgd n yet a Abʋʋ Taalib gomd ning b sẽn yetã, halɩ t'a Abʋʋ Taalib wa yeel a baasg gomd ne-ba: " yaa Abdʋl Muttalib dĩinã pʋg la mam be", rẽnd a tõdgame n naz n yeel: " Laɑ ɭlɑɑhɑ ɩllɑl-Lɑɑh (soɑb sẽn tũud n tɩlg kɑe rẽndɑ Wẽnde)". A yeelame: Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) yeelame:" m wẽen ne Wẽnde, m na kos Wẽnd yaafa n kõ-fo, tɩ Wẽnd sã n ka gɩdg-ma". Tɩ Wẽnd na n sik Aayarã: {Pa sõmb ne nabiyaamã la neb nins sẽn be ne yẽ wã tɩ b kos yaafg n kõ lagem-n-taarã rãmb ye} [Attawba: 113], la Wẽnd sika a Abʋʋ Taalib zugu, n yeel Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ): {Ad fo ka kãndg fo sẽn noang-a soab ye, yaa Wẽnd n kãndgd A sẽn tʋlle, Yẽnda n leb n yɩɩd minim ne neb nins sẽn kãndã}. [Al-Ƙaṣaṣ: 56].
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالتفسير، أحكام الولاء والبراء، أسباب النزول، الدعوة إلى الله، الشركموضوعات الحديثالدعوة إلى الله، معاداة الكفار، معنى «شهادة أن لا إله إلا الله»، القرآن وعلومهمحاور التعريف بالإسلامالتعلق بالدين الموروث، النطق بالشهادتين
«Beoogo, m na n kõo tãp-kao-kãngã raoa, sẽn nong Wẽnd la A Tẽn-tʋʋmã, tɩ Wẽnd me la A Tẽn-tʋʋmã nong-a, tɩ Wẽnd pake sẽn tu a nugu», a yeelame: tɩ nebã gãand yʋngã n sõsda: yaa ãnda la b na n kõ tãp-kaoorã, la nebã sẽn wa n vẽeg beoogã, b sãdame n kẽng Wẽnd Tẽn-tʋʋma nengẽ (Wẽnd pʋʋsg la A tɩlgr be a yĩnga), tɩ ned fãa rat tɩ b kõ-a, tɩ Nabiyaamã yeele: «a ʿAli ɭbn Abɩɩ Ṭaalib bεε?» Tɩ b yeel-a: yaa Wẽnd Tẽn-tʋʋma, ad a nin a yiibã zabdame. T'a yeele: «tʋm-y tɩ b bool-a». Tɩ b tall-a n wa ne, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) tʋbs a nin a yiibẽ wã n kos Wẽnd a yĩnga, t'a maage, tɩ yaa wala zabdem ra ka be ne-a ye, t'a kõ-a tãp-kaoorã, t'a ʿAli yeele: Wẽnd Tẽn-tʋʋma: m na n zaba ne-b halɩ tɩ b yɩ wala tõnd bɩɩ? T'a yeele: «maag f meng n kẽnge, halɩ n tʋg n sig b samandẽ wã, rẽ poorẽ bɩ f bool-b n tʋg lɩslaangẽ, la f togs-ba bũmb ning sẽn yaa tɩlae n zao b zugu sẽn yaa Wẽnd hakε wã tɩ m wẽen ne Wẽnde, ad Wẽnd sã n kãndg rao a yembr fo yĩnga, rẽ sõmblem ne foom n yɩɩd ne dũni yʋgem miidu (neemã yɩlma)».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالصحابة وفضلهم، الطب والتداوي والرقية الشرعية، فضل الدعوة إلى الله وأحكامها، غزواته وسراياه صلى الله عليه وسلم، أحكام ومسائل الجهاد وآدابه، دلائل النبوةموضوعات الحديثالدعوة إلى الله، الصحابة رضي الله عنهممحاور التعريف بالإسلاملا يقبل الله غير دين الإسلام، عدل الإسلام
Raar a yembre tõnd sẽn wa n zĩ Nabiyaamã nengẽ, (Wẽnd pʋʋsg la A tɩlgr be a yĩnga), miisrã pʋgẽ, la ned sẽn kẽ ne a yʋgemde, n gãneg a yʋgemdã miisrã pʋga, rẽ poorẽr t’a loe-a, n yaool n yeel bãmbã: yaa ãna la a Mohammad yãmb sʋka, tɩ Nabiyaamã, (Wẽnd pʋʋsg la A tɩlgr be a yĩnga) yaa sẽn kɩll bãmb sʋka, tɩ tõnd yeele: “ Yaa rao-kãngã sẽn yaa pεεlgã, sẽn kɩllã” la raoa yeele: “ a Abdʋl Mutalib biigã?” Tɩ Nabiyaamã, (Wẽnd pʋʋsg la A tɩlgr be a yĩnga), yeele: “m sak-f lame” tɩ raoa yeel Nabiyaamã, (Wẽnd pʋʋsg la A tɩlgr be a yĩnga), : “m na n soka foom la m na n kenga m meng n sok-fo, bɩ f ra sãam f sũur ne maam ye, tɩ Nabiyaamã yeel-a: “sok bũmb ning f sẽn rate” la a yeele: “ m kota foom f Soabã yĩnga, la sẽn reng-b foom Soabã yĩnga, yaa Wẽnd n tʋms foom nebã fãa gill nengẽ?” Tɩ Nabiyaamã yeele: “m Soab a Wẽnde, n-yee” la a yeele: “ m yõkd-f-la sεεg ne Wẽnde, yaa Wẽnd n sagl foom tɩ tõnd pʋʋs Wakat a nu wã, raar pʋgẽ la wĩndga?” T’a yeele: “ m Soab a Wẽnde, n-yee” t’a yeele: “ m yõkd-f-la sεεg ne Wẽnde, yaa Wẽnd n sagl foom tɩ tõnd loe noor kiu-kãngã yʋʋmdã pʋgẽ?” T’a yeele: “ m Soab a Wẽnde, n-yee”, t’a yeele: “ m yõkd-f-la sεεg ne Wẽnd, yaa Wẽnd n sagl foom tɩ d reeg sarã wã tõnd rakãagbã nengẽ, n pʋɩ-a talsã?” Tɩ Nabiyaamã, (Wẽnd pʋʋsg la A tɩlgr be a yĩnga) yeele: “m Soab a Wẽnde, n-yee” tɩ raoa yeele: “ m kõo sɩd ne bũmb ning fo sẽn wa ne wã, la ma me yaa tẽn-tʋmda, n na n taas neb nins sẽn be mam poorẽ sẽn yaa mam nebã la ad yaa maam la a Damaam, ɭbn Sa’alaba, n yaa Banii Sa’ad ɭbn Bakr neda.
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالدعوة إلى الله، وجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، الإيمان بالله عز وجل، الإيمان بنبينا محمد صلى الله عليه وسلم، الإسلامموضوعات الحديثالزكاة ومكانتها، الصوم الواجب، الدعوة إلى الله، التواضع، حقوق النبي ﷺ، مكانة الصلاة وفضلهامحاور التعريف بالإسلامالتعريف بالنبي محمد صلى الله عليه وسلم، أركان الإسلام