Encyclopedia of Prophetic Hadiths

«Yãmb a pagb zama, maan-y doose, tɩ ad b wilga maam yãmba, tɩ yãmb sõor n yɩɩd Bugum koambẽ wã». La b yeel yã: la yaa bõe yĩnga Wẽnd Tẽn-tʋʋmã? La a yeele: «yãmb wʋsgda kãabgo la y maan sõm-zɩɩlem ne sɩdr vɩɩm-n-taare, mam ka yã neb yam la b dĩin sẽn booge, n tõe n menemes rao yam sẽn yaa sẽb sʋk soaba n leb n yɩɩd yãmb a pagb ye», la pagbã yeel yã: la tõnd dĩinã la d yamã boogrã yaa bõe, Wẽnd Tẽn-tʋʋmã? La a yeele: «Rẽ yĩnga pag kaseto a ka wala rao kaset pʋsʋk laa?» La b yeele: yaa sɩda, la a yeele: «Yaa rẽnda la yamã boogrã, la rẽ yĩnga yãmb ned fãa sã n yã Pekre, a ka basd Pʋʋsg la no-loeere?» La b yeel tɩ yaa sɩda, la a yeel yã:«Yaa rẽnda la dĩinã boogrã».

«Ad Bugmã koam namsg sẽn wa n yaa faag n yɩɩda, yaa ned sẽn na n tar neooda a yiib sẽn tar yʋʋd a yiibu sẽn yaa Bugum neoodã, t'a kalkõtã kot neoodã wã keelem, tɩ yaa wala rʋk sẽn kot to-to ningã, yẽ ka tẽed tɩ ned a to namsg keelem n leb n yɩɩd-a ye, la ad yẽndã nangã n yaool n yɩɩd yol-yole».

«Yãmb dũni bugmã yaa Gεhannam Bugmã sẽn pʋɩ zĩis pîs-yopoe bεk a yembre », la b yeel yã: yaa Wẽnd Tẽn-tʋʋma, ad yẽ meng sekame, la a yeel yã : «ad laahr Bugmã b yɩɩs-a-la dũni bugmã noor pis-yoob la a wae, a yembr fãa yaa wala dũni bugmã tʋʋlem».

«Ad Wẽnde (A Naam yɩ wagell n zẽke) na n yeela arzãn koambã: arzãn koamba? D sak yã, m sɑk F yĩngɑ, tɩ Wẽnd yeele: rẽ yĩnga yãmb maana yardo? Tɩ b yeele: bõe n tar tõnd tɩ d ka na n yare, tɩ sɩd la hakɩɩka F yaool n kõo tõndo F sẽn ka kõ ned Fo bõn-naandsẽ wã? Tɩ Wẽnd yeele: la M na n kõo yãmb sõmblerm sẽn yɩɩd woto, la b na n yeele: la yaa bõe n yɩɩd sõmblem ne woto? Tɩ Wẽnd yeele: Mam na n kõo yãmb M yardã, rẽnd Mam kõn n tall gẽe yãmb zugu yẽ loogr poorẽ bada».

«Ad rẽenem zãma sẽn kẽed arzãnã, b yalε wã yaa wala kiuug rasem piig la a naase, rẽ poorẽ neb nins sẽn pʋgd bãmbã b peelemã yɩɩda ãd-pɩndga saasẽ wã, b ka rʋʋte, b ka maan wa-kεεnga, b ka tʋbsde, b ka fẽesd b yõy ye, b zutã sãasdsã yaa sãnem, yũ-nood b sẽn fuusd yaa misk, b wisd laasã yaa wisd noodo, b pagb yaa Huuru ʿAyn, b bee rao a yembr tãa naaneg zugu, b saamb a Aadam yalε wã, yaa kãntɩɩs pis-yoob saasẽ wã».

«Ad sɩd-kõt tara arzãnã pʋgẽ zãnd sẽn yaa sãnem sẽn yaa gõko, sẽn tar pʋga, a woglemã yaa Miil pis-yoobe (kilo kobg la zaka), sɩd-kõt tara zak rãmb beenẽ, tɩ b gilgd a nengẽ, tɩ b ka ne taab ye».

«B na n waa ne kũum t’a wõnd pesg sẽn tẽgse, tɩ boaand boole : «yaa yãmb a arzãn koamba!» Tɩ bãmb sɩndg n getẽ, t’a yeele, rẽ yĩnga yãmb mii yãwã bɩɩ? Tɩ b yeele, n-yee, yãwã la kũum, tɩ b fãa gill yã-a. Rẽ poorẽ t’a lebg n boole: « yaa yãmb a Bugum koamba!» Tɩ bãmb me sɩndge n zẽk n yetẽ, t’a yeele, la yãmb mii yãwã bɩɩ? Tɩ b yeele, n-yee, yãwã la kũum, b fãa gillã me yã-a lame, tɩ b koadg-a, rẽ poorẽ tɩ b yeele: arzãn koambã, yãmb na n duumame tɩ kũum ka leb n be ye, yãmb a Bugum koamb me y na n duumame tɩ kũum ka be ye, rẽ poorẽ tɩ Nabiyaamã kareme {La bugs-b ne nĩmsã raarã, yellã sẽn wat n bʋ wã; tɩ bãmb yaool n be yam yaal-yaal pʋgẽ n ka kõt sɩd ye.} [Maryam: 39], bãmbã la dũni yam yaal-yaal neba {n ka kõt sɩd ye} [Maryam: 39]».

«Boaand n boond n yetẽ: arzãn koambã ad yãmb na n talla laafɩ, n ka na n tol n bẽ lae ye, y na n vɩɩmdame n ka tol n ki lae, ad yãmb na n yɩɩ rasãmba, n ka na n kʋʋl lae, y na n yɩɩ neemã rãmba, sũ-sãang kõn n paam-y lae» yẽ la Wẽnd koεεg sẽn yeele (A Naam yɩ wagell n zẽke): {Lɑ b bool-b n yeele: arzãn-kãngã b kõ-ɑ-lɑ yãmbɑ y sẽn dɑ yɩ n tʋmdẽ wã yĩngɑ}. [Al-Aʿraaf: 43].