Encyclopedia of Prophetic Hadiths

Mam yeelame, Wẽnd Tẽn-tʋʋma, d maanda a wãn n põse? T'a yeelae: « Yõk f zelemdã, pa f zakẽ wã la f kũm f zũnuubã».

«Ned ka be sẽn na n tʋm zũnuuba, rẽ poorẽ n yik n yɩlge, rẽ poorẽ n pʋʋse, rẽ poorẽ t'a kos Wẽnd yaafa, rẽndame tɩ Wẽnd yaaf-a», rẽ poorẽ t'a karem Aayar-kãngã {Lɑ neb nins tɩ b sã n tʋm wẽngɑ mɑɑ b wẽgɑ b mense, b tẽegdɑ Wẽnd yelle n kos b zũnuubã yɑɑfɑ} [Aalʋ ʿɭmraane: 135].

«Balm-y maam tɩ y kõn n lagem Wẽnd ne Bũmb ye, la y kõn n zu, y kõn n yo, y kõn n kʋ y koambã, y kõn n wa ne zĩri-beed koɑmbɑ n yet tɩ yɑɑ y sɩdbã koɑmbɑ, y kõn n kɩɩs manegr pʋgẽ ye, ned ning sẽn wa n pidsa alkaool-kãngã, a keoor bee ne Wẽnde, la ned ning sẽn wa n tʋg n maan bũmbu, tɩ b nams-a dũni wã pʋgẽ, rẽnda yaa kaffaara ne-a, la ned ning sẽn wa n tʋg n tʋm wẽng tɩ Wẽnd maan-a sʋtra, a yellã bee ne Wẽnde, A sã n tʋlla, t'A yaaf n bas-a, la A sã n tʋlla t'A sɩbg-a» Tɩ tõnd balm-a rẽnda zugu.

«Zãag-y yel-kãensã Wẽnd sẽn gɩdgã, rẽnd ned ning sẽn wa n tʋg n kẽ yellã pʋgẽ, bɩ a bao sʋtr Wẽnd nengẽ, la a tuub n tʋg Wẽnd nengẽ, tɩ ad ned ning sẽn wa n vẽneg a tʋʋmã seb-nengɑ, tõnd na n maana Wẽnd sẽn saglã a zugu (A Naam yɩ wagell n zẽke)».

«Ad Wẽne, (A Naam yɩ wagell n zẽke) A tẽegda A nugã yʋngo, sẽn na yɩl tɩ wĩndg wẽngd tuubi, la A tẽegd A nugã wĩndgã sẽn na yɩl tɩ yʋng wẽngd tuubi, halɩ tɩ wĩndgã wa tʋg n puk a sẽn lʋɩtẽ wã».