Encyclopedia of Prophetic Hadiths

Raar a yembr tõnd sẽn da zĩ Wẽnd Tẽn-tʋʋm nengẽ, (Wẽnd pʋʋsg la A tɩlgr be a yĩnga), la raoa sẽn puk tõnd nengẽ, t'a futã peelem yaa wʋsgo, t'a zugã zoobd sablem yaa wʋsgo, b ka ne sor vũun a zug ye, ned baa a yembr me ka mi-a tõnd pʋgẽ, halɩ t'a wa tʋg n zĩnd Nabiyaama nengẽ, (Wẽnd pʋʋsg la A tɩlgr be a yĩnga), n tik a rũm a yiibã n teeg Nabiyaamã rũmã, n rɩk a nus tal a yiibã n rogl a gε a yiibã zugu, n yeele: « Mʋhammade, wilg maam lɩslaang sẽn yaa a soaba, t'a yeele: « tɩ Wẽnd Tẽn-tʋʋma, -Wẽnd pʋʋsg la a tɩlgr be a yĩnga-, yeele: « lɩslaangã yaa f maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, la f yals ne Pʋʋsgo la f yãk Zaka n kõ, la f loe Ramadaane, la f kaag Roogã tɩ f sã n paam sor n na n tʋg beenẽ». La a yeele: « f togs sɩda». T'a Ʋmar yeele: «tɩ tõnd maan yel-solemd ne-a, a sẽn sokd Nabiyaamã la a leb n sɩdgd-a wã». La raoã yeele: « bɩ f kõ maam kibare sɩd-kũun sẽn yaa a soaba»,Tɩ Nabiyaamã yeele: « yaa f kõ sɩd ne Wẽnde, la A malεgsã la A Gaf-rãmbã la A Tẽn-tʋʋmbã la Yaoolem Raarã, la f kõ sɩd ne Pʋlengã, a wẽnga la a sõma». La a yeele: « f togsa sɩda». T'a yeele: « bɩ f togs maam manegre». La a yeele: «yaa fo tũ Wẽnde, tɩ yaa wala fo ne-A lame, bala fo sã n yɩ n ka ne-A, ad A ne-f lame». T'ɑ yeele: «bɩ f togs mɑɑm dũni yikr wɑkato», lɑ ɑ yeele: «ɑd fo pɑ mi-ɑ mɑ me kɑ mi-ɑ», t'ɑ yeele: « bɩ f togs mɑɑm ɑ tɑgms-rãmbã». T'ɑ yeele: «yɑɑ yemb-poɑkɑ sẽn nɑ n wɑ rog ɑ zu-soɑbɑ, lɑ fo sẽn nɑ n wɑ yã nɑ-zɑɑlã rãmbɑ sẽn yɑɑ bεεlɑ rãmbɑ sẽn yɑɑ tɑlsã n yɑɑ rũm-gũudbã, tɩ b wogend meebã». Rẽ poorẽ t'ɑ looge tɩ mɑm zĩnd woko, rẽ poorẽ tɩ Nɑbiyɑɑmɑ yeele: « Ʋmɑru! Fo mii sokdɑ bɩɩ?» Tɩ mɑm yeele: «Wẽnd la A Tẽn-tʋʋmɑ n yɩɩd minim». T'ɑ yeele: « ɑd yɑɑ a Gibriilɑ, ɑ wɑɑme n wilgd yãmbɑ y dĩinã».

Tɩ neb sẽn yi Nabiyaamã Ṣahaabsẽ wã (Wẽnd pʋʋsg la A tɩlgr be a yĩnga), yeela Nabiyaamã (Wẽnd pʋʋsg la A tɩlgr be a yĩnga): Wẽnd Tẽn-tʋʋmã: ad arzεgsã rãmb looga ne keoorã zãnga, b pʋʋsda wala tõnd sẽn pʋʋsdã la b loe noor wala tõnd sẽn loetã, la b leb n maand sara ne b arzεgsã sẽn kellã, t'a yeele:«La Wẽnd ka kõ yãmb bũmb ning y sẽn tõe n maan sara ne laa? Ad sʋbhaanallaah fãa yaa sara, la Allaahʋ akbarʋ fãa yaa sara, la Alhamdʋ lillaah yaa sara, la laa'ɩlaaha ɭllallaah yaa sara, sagl ne manegr yaa sara, gɩdg ned n yi yel-kiti yaa sara, yãmb yembr fãa kẽed-n-taar ne a paga yaa sara». La b yeel yã Wẽnd Tẽn-tʋʋmã, rẽ yĩnga tõnd yembr fãa na n wa n bao a yõor yamleoog ne a paga la a leb n tall keoore? T'a yeele: «Yãmb ka ne t'a sã n rag ning-a haraamã pʋgẽ, a na n talla zũnuub laa? Yaa woto bala, a sã n rɩk-a n ning halaalẽ wã me a tara keoore».

«Yĩgs dũni wã tɩ Wẽnd na yɩ f nonglem, la f yĩgs bũmb ning sẽn be nebã nengẽ wã, tɩ nebã na yɩ f nonglem».

«Pʋɩ-y faadã n kõ b rãm nins Wẽnd sẽn yãk b pʋɩyã, la sã n kelle, yaa rog-pẽt sẽn yɩɩd pẽnegre, sẽn yaa raoa n sõmb ne-ɑ»

«Ad Wẽnd la A Tẽn-tʋʋmã harma rãam koosgo, la gɩfo la kurkuri, la rʋbse, la b yeel yã: Wẽnd Tẽn-tʋʋmã fo yãnda gɩfã kaamã? Ad b tar-a lame n sõod kogendo, la b nomd gãndo la nebã widgd bugum ne-a! La a yeel yã: «Ayoo, yẽ yaa haraam» Rẽ poorẽ tɩ Wẽnd Tẽn-tʋʋmã yeele (Wẽnd pʋʋsg la A tɩlgr be a yĩnga): «Wẽnd na halk yahuud-rãmbã, ad Wẽnd sẽn wa n harma rũmsa kaamã la b sẽn yẽneg-a, rẽ poorẽ n tɩ koos-a, n rɩ a ligdã».

«Yɩ dũni wã tɩ yaa wala fo yaa sãana maa so-toak soaba», la a ɭbn ʿƲmar rag n yɩɩme n yetẽ: f sã n ta zaabr bɩ f ra koll yibeoog ye, la f sã n yik yibeoog bɩ f ra koll zaabr ye, la f zaεεg fo laafɩ wã wakato bãagã yĩnga, la f zaεεg vɩɩmã wakat kũumã yĩnga».

«Biigɑ! ɑd mɑm nɑ n wĩnigɑ foo gom-biisi: gũus Wẽnd t'A nɑ gũus-fo, gũus Wẽnd tɩ fo nɑ mik-A f togellẽ wã, f sã n nɑ n kos bɩ f kos Wẽnde, lɑ f sã n nɑ n kos sõngre bɩ f kos Wẽnde, lɑ f bãnge: tɩ nebã fãɑ sã n nɑɑg tɑɑbɑ n nɑ nɑf foo ne bũmb b pɑ nɑ n nɑf foo rẽndɑ ne bũmb ningɑ Wẽnd sẽn gʋls n kõ foo, b sã n leb n tigim tɑɑbɑ n nɑ n nɑmes foo ne bũmbu b pɑ tõe n nɑmes foo rẽndɑ ne bũmb ning Wẽnd sẽn gʋls n doglg foomã, gʋls-mood zẽkɑme sεbã me kʋɩɩme».

«Ad Hɑlɑɑlã yɑɑ vẽenegɑ tɩ Hɑrɑɑmã me yɑɑ vẽenegɑ, lɑ b yiibã sʋkɑ yel-gẽts n be beenẽ, tɩ nebɑ wʋsg kɑ mi-b ye, lɑ ned ning sẽn gũusɑ yel-gẽtɩ wã ɑ yɩlg ɑ dĩinã lɑ a burkĩndã, lɑ sẽn lʋɩ ɑ yel-gẽtɩ wã pʋgẽ ɑd ɑ lʋɩɩ hɑrɑɑmẽ, ɑ bilgr yɑɑ wɑlɑ rũm-kɩɩmã sẽn wãmbd yɑmd-zɑbdg kɩrengɑ ɑ sã n kɑ gũusi ɑ nɑ n wãb-ɑ lɑme, lɑ ɑd nɑɑb fãɑ tɑrɑ ɑ yɑmd-zɑbdgɑ, lɑ ɑd Wẽnd wãmneg zĩig ning sẽn zɑbdã, yɑɑ A sẽn gɩdg yεl ninsã, lɑ ɑd yĩngɑ pʋgẽ nem-võre n be beenẽ, ɑ sã n mɑnege, yĩngã fãɑ mɑnegdɑme, lɑ ɑ sã n sãɑme, yĩngã fãɑ sãɑmɑme, ɑd yẽ yɑɑ sũurã».