Skip to content
721 Hadiths

Encyclopedia of Prophetic Hadiths

Filter results

8 of 721 cards

Clear filters

التصنيف الشرعي

Tɩ ad Nabiyaamã (Wẽnd pʋʋsg la A tɩlgr be a yĩnga) a tʋms-a lame n tʋg Yamane, t'a sok-a bõn-yũudi b sẽn maan beenẽ, la a yeelre: yaa bõe? T'a yeele yaa: « Al-bit'ʋ la Al-mizr», la b soka a Abɩɩ Bʋrda Bit'ʋ yaa bõe? La a yeelre: yaa sɩɩd kõgb, la Mizr yaa sa'ɩɩr ki kõgb», tɩ Nabiyaamã yeele: «Sẽn suud fãa yaa haraam» a Al-Bʋhaariy n togs-a.
Naṣʋn Ṣahɩɩhʋn (Gom-sikdem sẽn manege) A Al-bʋẖaarɩy la a Muslim n reeg-a
التصنيف الشرعيالأشربة المحرمة، الأربعون النووية
«Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be a nengẽ yẽ soab tara sɩf ɑ yembr sẽn yaa munaafɩglem, halɩ t'a wa tʋg n basb-a: yaa ned ningɑ t'a sã n na n yẽse a yagdame, a sã n rɩk alkaoole a viigdame, la a sã n zabe a wẽngdame, a sã n sak zems-n-taar zabrẽ la a sẽn zãmbde ».
Naṣʋn Ṣahɩɩhʋn (Gom-sikdem sẽn manege) A Al-bʋẖaarɩy la a Muslim n reeg-a
التصنيف الشرعيالأربعون النووية، ذم المعاصي، النفاق
«Ned ning sẽn wɑ tɩʋʋs bũmb tõnd yel-kãngã pʋgẽ, sẽn pɑ be ɑ pʋgẽ, tʋʋm-kãngɑ pɑ reegd ye».
Naṣʋn Ṣahɩɩhʋn (Gom-sikdem sẽn manege) A Al-bʋẖaarɩy la a Muslim n reeg-a
التصنيف الشرعيالبدعة، الأربعون النووية
«Ad tʋʋmã tũudɑ ne Anniya-rãmbã, lɑ ɑd ned fãɑ sẽn tʋme n be ne-ɑ, rẽnd ned ning sẽn maana higra (yikɑ Mɑk n kẽng Mɑdiin) tɩ yɑɑ Wẽnd lɑ A Tẽn-tʋʋmã yĩngɑ, rẽnd yẽ soɑb Yikrã yɩtɑ Wẽnd lɑ A Tẽn-tʋʋmɑ yĩngɑ, lɑ ned ning Yikrã sẽn wɑ n yɑɑ dũni lɑ ɑ tɩ bɑo, mɑɑ yɑɑ pɑgɑ lɑ a rɑt n furi, rẽnd yẽ yikrã yɑɑ ɑ sẽn yik n kẽng bũmb ning yĩngã n be ne-a»
Naṣʋn Ṣahɩɩhʋn (Gom-sikdem sẽn manege) Hadiis bãngdbã imam-rãmb a yiibã, a Abʋʋ Abd Allaahi Mʋhammad ɭbn Ismaa'ɩɩl ɭbn ɭbraahɩɩm ɭbn Al-Mugɩɩra ɭbn Bardizbah a Al-bʋhaarɩy la a Abʋʋ Al-Husayn Muslim ɭbn Al-Haǧǧaaǧ ɭbn Muslim a Al-Ƙʋsšyriy a An-Naysaabʋʋriy n reeg-a b Sahɩɩh-rãmb (gaf-manegdsã) a yiibã pʋsẽ, sẽn yaa gaf-rãmb a yiib nins b sẽn yɩɩd manegrã.
التصنيف الشرعيالأربعون النووية، أعمال القلوب
«B mee lɩslɑɑngã zeng-raad a nu zugu, yaa kõ sɩda tɩ soab ka be sẽn tũud n tɩlg tɩ pa Wẽnd ye, a Mʋhammad me yaa Wẽnd Tẽn-tʋʋma, la Pʋʋsgã yãnesgo, la Zak kũuni, la Roogã kaagre, la Ramadaanã no-loeere».
Naṣʋn Ṣahɩɩhʋn (Gom-sikdem sẽn manege) A Al-bʋẖaarɩy la a Muslim n reeg-a
التصنيف الشرعيالأربعون النووية، وجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، وجوب الحج والعمرة وحكم تاركهما، الإيمان بالله عز وجل، النبوة والرسالة، الإسلام
«Bũmb ning mam sẽn gɩdg yãmb ne-a, bɩ y zãag-y-yã-a, la mam sẽn n sagl yãmb ne bũmb ningã, bɩ y maan-y-yã-a, y pãng tõog tεka, ad bũmb ning sẽn halk sẽn reng-b yãmb taoorã, yaa b sogs toogã la b yõsbã ne b nabiyaam-rãmbã».
Naṣʋn Ṣahɩɩhʋn (Gom-sikdem sẽn manege) A Al-bʋẖaarɩy la a Muslim n reeg-a
التصنيف الشرعيالأربعون النووية، الأنبياء والرسل السابقين عليهم السلام
«Ned fãa tara doaag a sũgsã fãa zugu, wĩntoog sẽn na n puk fãa tɩ fo maneg zabd-n-tɑɑs a yiib ne taab sʋka, f tara doaaga, fo sẽn na n sõng ned ne a rũnga, n zẽk-a n zombg a rũngã zugu, maa n zẽk a teedã n roglge, yaa doaaga, gom-yɩlenga yaa doaaga, na-tagdr fãa fo sẽn yãk n rabd Pʋʋsgẽ yaa doaaga, la tus bũmb sẽn namsd nebã n yi sor zugu, yẽ me yaa doaaga».
Naṣʋn Ṣahɩɩhʋn (Gom-sikdem sẽn manege) A Al-bʋẖaarɩy la a Muslim n reeg-a
التصنيف الشرعيالأربعون النووية، خصائص الإسلام وفضله ومحاسنه
«Ad Hɑlɑɑlã yɑɑ vẽenegɑ tɩ Hɑrɑɑmã me yɑɑ vẽenegɑ, lɑ b yiibã sʋkɑ yel-gẽts n be beenẽ, tɩ nebɑ wʋsg kɑ mi-b ye, lɑ ned ning sẽn gũusɑ yel-gẽtɩ wã ɑ yɩlg ɑ dĩinã lɑ a burkĩndã, lɑ sẽn lʋɩ ɑ yel-gẽtɩ wã pʋgẽ ɑd ɑ lʋɩɩ hɑrɑɑmẽ, ɑ bilgr yɑɑ wɑlɑ rũm-kɩɩmã sẽn wãmbd yɑmd-zɑbdg kɩrengɑ ɑ sã n kɑ gũusi ɑ nɑ n wãb-ɑ lɑme, lɑ ɑd nɑɑb fãɑ tɑrɑ ɑ yɑmd-zɑbdgɑ, lɑ ɑd Wẽnd wãmneg zĩig ning sẽn zɑbdã, yɑɑ A sẽn gɩdg yεl ninsã, lɑ ɑd yĩngɑ pʋgẽ nem-võre n be beenẽ, ɑ sã n mɑnege, yĩngã fãɑ mɑnegdɑme, lɑ ɑ sã n sãɑme, yĩngã fãɑ sãɑmɑme, ɑd yẽ yɑɑ sũurã».
Naṣʋn Ṣahɩɩhʋn (Gom-sikdem sẽn manege) A Al-bʋẖaarɩy la a Muslim n reeg-a
التصنيف الشرعيفضائل أعمال القلوب، الأربعون النووية، تزكية النفوس