Encyclopedia of Prophetic Hadiths

«Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye».

Tɩ ad Nabiyaamã (Wẽnd pʋʋsg la A tɩlgr be a yĩnga) a tʋms-a lame n tʋg Yamane, t'a sok-a bõn-yũudi b sẽn maan beenẽ, la a yeelre: yaa bõe? T'a yeele yaa: « Al-bit'ʋ la Al-mizr», la b soka a Abɩɩ Bʋrda Bit'ʋ yaa bõe? La a yeelre: yaa sɩɩd kõgb, la Mizr yaa sa'ɩɩr ki kõgb», tɩ Nabiyaamã yeele: «Sẽn suud fãa yaa haraam» a Al-Bʋhaariy n togs-a.

«Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be a nengẽ yẽ soab tara sɩf ɑ yembr sẽn yaa munaafɩglem, halɩ t'a wa tʋg n basb-a: yaa ned ningɑ t'a sã n na n yẽse a yagdame, a sã n rɩk alkaoole a viigdame, la a sã n zabe a wẽngdame, a sã n sak zems-n-taar zabrẽ la a sẽn zãmbde ».

«Ned ning sẽn wa n pãrg keelem n bas lɩslaama, Wẽnd pãrgda keelem n bas-a, sẽn yi dũni yikr raar keelemã, la ned ning sẽn wa n yols yell kãenkãe soab zugu, Wẽnd yolsd a zugu dũni la laahre. La ned ning sẽn wa n luda lɩslaam bãngo, Wẽnd maand-a la sʋtr dũni wã yikr raare. La Wẽnd yɩta sõngda ne A yamba tɩ yambã sã n be a ma-bi-taag sõngr poorẽ, la ned ning sẽn tuka sor n baood bãngr a pʋgẽ, Wẽnd yolsda sor ne-a n tʋg arzãna. La neb ka yɩ sẽn na tigme Roog sẽn yaa Wẽnd rotã pʋga, n karem Wẽnd gafã, la b pẽesd-a bãmb ne taab sʋka, rẽndame tɩ yĩn-yõgneg sig b zugu tɩ yolsgã bui-ba, tɩ malεgsã gilg-ba, tɩ Wẽnd tẽeg b yelle zama ning sẽn be A nengẽ wã pʋgẽ, la ned ning tʋʋmd sẽn wa n maag ne-a a buud ka na n taas-a ye».

«Ned ning sẽn wɑ tɩʋʋs bũmb tõnd yel-kãngã pʋgẽ, sẽn pɑ be ɑ pʋgẽ, tʋʋm-kãngɑ pɑ reegd ye».

Tɩ raoa n sok Wẽnd Tẽn-tʋʋma, Wẽnd pʋʋsg la A tɩlgr be a yĩnga, n yeele : kõ maam kibare, rẽ yĩnga mam sã n pʋʋs wakat-rãmb a nu wã, la m loe Ramadaanã, la m maan halaalã, la m bas haraamã, la m ka paas baa fʋɩ woto zugu, rẽn yĩnga m na kẽ arzẽnã? T’a yeele : « n-yee».

«Ad Wẽnd maaname tɩ yaa tɩlae tɩ b maneg n tʋg bũmb fãa gilli، rẽnd yãmb sã n na n kʋ, bɩ y maneg y kʋʋbã, y sã n na n kodge, bɩ y maneg y kodgrã, la ned fãa saas a sʋʋga la ɑ pems a rũn-koaatga».

«Ra maan-y taab sũ-kiir ye, la belg-y taab tɩ b ra n kẽ ye (belg ned t'ɑ rɑ bũmb wɑlɑ f sẽn nɑ n tɑ n dɑ toogo n nɑ yɩl n bleg sẽn rɑt n rɑ wã t'ɑ rɑ n kẽ), la y ra gẽ taab ye, la y ra maan raba-wẽns ne taab ye, yãmb sãnda ra wa koos taab koosg zug ye ( wɑ ne sẽn bɑrsd tɩ fo tʋg n pɑɑs ligdã n reeg n dɑ), yɩ-y Wẽnd yembse, n yaa ma-biisi, lɩslaam ne a to yɑɑ ma-biisi, a ka wẽgd-a, a ka basd a sõngre, a ka paoogd-a , Wẽnd zoεεgã yaa zĩ-kãngã» La a teesd a yãoogã noor a tãabo.«Wẽng ta tεk ne lɩslaam t'a wa tʋg n paoogd a ma-bi-taaga, lɩslaam gillã yaa haraam ne a lɩslaam taaga, a zɩɩmã yaa haraam, a arzεkã yaa haraam, a burkĩnd yaa haraam».