Encyclopedia of Prophetic Hadiths

«Yãmb sã n dag n bobend-y mensã boblg tεkẽ, A rag na rɩlg yãmb wala A sẽn rɩlgd liuuli wã, b yikda tõd beoogo tɩ b pʋsã yaa tabla n ta zaabr tɩ b pʋsã pidi».

«F zelemdã ra bak n yaa maasr ne Wẽnd yʋʋrã tẽegr ye».

M wʋma Wẽnd Tẽn-tʋʋma (Wẽnd pʋʋsg la A tɩlgr be a yĩnga) t'a yetẽ: « Wẽnd yeelame (A Naam zẽk yã): Adem-biiga, ad fo sẽn kos Maam la f tẽ Maam, M yaafda foom baa fo sẽn maan bũmb ninga, tɩ M toog ka be ye, Adem-biiga! Ad fo zũnuubã sã n ta saasã, rẽ poorẽ tɩ fo kos Maam yaafa, M yaafda foom tɩ Mam toog ka be ye, Adem-biiga! A d fo sã n wa Mam nengẽ ne tʋʋm tuuts sẽn ta Tẽngã tom, rẽ poorẽ tɩ fo seg Maam, n ka maan lagem-n-taar ne Maam baa fʋɩ, Mam na wa fo nengẽ ne yaafg sẽn ta Tẽngã tom».

«Sẽn be ninsaal Lɩslɑoong mɑnegr pʋgẽ: yɑɑ ɑ sẽn bɑs sẽn pɑ pɑk-ɑ».

«M kengd-y-la ne Wẽn-zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sũnnah la lεdsdb nins sẽn yaa tẽeg tɩrg-rãmbã sẽn yaa kãndgdbã Sũnnah, gãd-y rẽndã ne yẽn-wãbdɩ la m kengd yãmb tɩ y zãag yεl sɩngdsã, tɩ ad Bid'ah buud fãa yaa menengo».

«Adem biig ka pids yolg tɩ yaa wẽnga, n yɩɩd pʋg ye, seka Adem biiga, rɩ-bers sẽn na tẽeg a poorã, la sã n mikame tɩ yaa tɩlae t'a rɩ, bɩ a pʋɩ tãabo, a yembrã rɩɩb yĩngã, la yembrã yũubã yĩnga, la yembrã yaa a vʋʋsgã yĩnga».

«Bas bũmb ning sẽn maand foom sika la f maan sẽn ka maand foom sika».

«Sɩd la hakɩɩka f sok yel-zɩsg kibare, la ad yaa naana ne Wẽnd sẽn yols a soaba, tũ Wẽnde, ra maan lagem-n-taar ne-A baa fʋɩ, la f yãnes ne Pʋʋsgo la f kõ zaka, la f loe Ramadaan, la f kaag Roogã. Rẽ poorẽ t'a yeele: M kõn n tees foom n tʋg yel-sõmã wã ragnoore: no-loeerã yaa gãngo, la doaagã kiisda tʋʋm tuuti wã wala koomã sẽn kiisd bugumã, la raoa sẽn na n pʋʋs yʋn-sʋka. rẽ poorẽ t'a kareme: {B kɩremsã lɑkdɑme n bɑsd gãasã-zĩisi} halɩ n tʋg n tãag {n tʋmdẽ wã}». Rẽ poorẽ t'a yeele: «M kõn n kõ foom kibar ne yellã zu-raoogã la a zeng-raoogã la a zug-kã-lɩɩgã»? Tɩ m yeele: n-yee Wẽnd Tẽn-tʋʋmã, t'a yeele: Yellã zu-raaog yaa lɩslaangã, la a zeng-raoogã yaa Pʋʋsgã, la a zug-kã-lɩɩgã yaa Gihaadɩ wã. Rẽ poorẽ t'a yeele: M kõn n wilg foom woto fãa gill soogre? Tɩ mam yeele: n-yee, Wẽnd Tẽn-tʋʋmã. T'a gãd mam zelemdã n yeele: Gãd fo wãndɩ wã. Tɩ mam yeele: Wẽnd Nabiyaamã, rẽ yĩnga b na n yõka tõnd ne d sẽn gomdã bɩɩ? T'a yeele: Ad f ma kongo-f wε, rẽ yĩnga b fõgemda nebã Bugmẽ wã b nemsã zutu maa b yεgã zutu, tɩ sã n ka b zεlmã sẽn kẽebã».