Encyclopedia of Prophetic Hadiths

T'a waa kug-sabεllẽ wã n mõk-a, n yeele: « ad mam miime tɩ fo yaa kugri, f ka tõe n namse, la f ka tõe n nafe, la sã n ka mam sẽn yã Nabiyaamã (Wẽnd pʋʋsg lɑ A tɩlgr be ɑ yĩngɑ) t'a mokd foomã, m rag n kõn n mõk-f ye».

«B pẽnegda wĩntoogã dũni yikr raarã bõn-naandsã zutu, halɩ t'a wa lebg wala Miil alkadre,» a Sʋlaym ɭbn ʿAamir yeele: m wẽen ne Wẽnde, mam ka mi b yet tɩ Miilã yaa bõe la b rat ne? Yaa Tẽngã magbã bɩɩ? Maa yaa Miil ning sẽn yaa kɩrʋ bilã alkadre? A yeele: «Nebã na n yɩɩ b tʋʋmã alkadr tεka tʋʋlmẽ wã, bee beenẽ neb tʋʋlg sẽn na n ta b na-kuga, bee beenẽ neb tʋʋlg sẽn na n ta b rũma, be beenẽ neb tʋʋlg sẽn na n ta b yerb londo, be beenẽ neb tʋʋlg sẽn na n ta a noorẽ wã». La a yeele: La Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) tees a nugã a noorẽ wã.

«Ad Wẽnd gãndg n basa maam zamã wã, tudgr la yĩmbu la b sẽn modg-b tɩ b maan bũmb ningã».

«Ad yãmb yembr fãa zĩig arzãnã sẽn tʋg n yaa kɩdg n yɩɩda, yaa b sẽn na n yεεl-a: T'a tags yẽ sẽn rat bũmb ningã, tɩ b yεεl-a, fo saaga fo sẽn ratã fãa? T'a yeele: n-yee, T'a yεεl-a:Ad fo sẽn saag bũmb ningã fãa f paamame, la a bilg-n-taare n paase».

Tɩ b yeela Wẽnd Tẽn-tʋʋmɑ ãnd n yɩɩd zu-noog ne fo sugsgã dũni wã yikr rɑɑre? Tɩ Wẽnd Tẽn-tʋʋmɑ pʋʋsg lɑ tɩlgr be ɑ yĩng yeele: «Mɑm rɑ tẽedɑme ɑ Abʋʋ Hʋrɑyrɑtɑ tɩ ned rɑ reng foo n sok mɑɑm Hɑdiis-kãngã ye, mɑm sẽn ne tɩ fo tɑrɑ yã-beed ne Hɑdiisã bãngrã, ɑd nebã sẽn yɩɩd zu-noog ne mɑm sugsgã Dũni yikr rɑɑrã, yɑɑ ned ning sẽn yeelɑ tɩ lɑɑ ɩlɑɑhɑ ɩllɑl-Allɑh, n yɩlg-ɑ ɑ sũurẽ wã maɑ ɑ mengẽ wã».

«Dũni ka na n yiki, halɩ tɩ yãmb wa tʋg n zab ne Yahuud-rãmbã, halɩ tɩ kugr ning yahuud sẽn solg a soab poorẽ wã wa yeele: «lɩslaamã! Wa kaanẽ, tɩ woto yaa Yahuudã sẽn be mam poorẽ, wa kʋ-a».

A Ali ɭbn Abɩɩ Ṭaalib yeela maam: M ka na n tʋms foom bũmb ning yĩnga, Wẽnd Tẽn-tʋʋmã (Wẽnd pʋʋsg la A tɩlgr be a yĩnga) sẽn tʋms maam ne bũmb ningã? Tɩ f ra bas nin-naande rẽndame tɩ f saram-a, la f ra bas yaoog sẽn zẽke, rẽndame tɩ f zẽms a taaba.

«B kõo maam yεl a nu, b pa reng n kõ-b ned mam taoor ye, b sõnga maam ne pεlεng-yɩka kiuug kẽnd zĩigẽ, la b maan Tẽngã ne maam tɩ yaa miisri la yɩlgre, rẽnd ned ning fãa sẽn be mam poorẽ rãmbẽ wã, Pʋʋsg sẽn paam-a fãa, bɩ a pʋʋse, la b maan Ganiim arzεk tɩ ya halaal ne maam, la b ka maan-a tɩ yaa haalaal ne ned mam taoor ye, la b kõ maam Sugsgu, la nabiyaam fãa rag n tʋmsda a nebẽ wã toor zalle, la b tʋmsa maam nebã gill nengẽ».