Encyclopedia of Prophetic Hadiths

«Wẽnd kãaba Yahuud-rãmba la Nasaar-rãmbã, b rɩka b nabiyaam-rãmbã yaad tɩ yaa miisa». A yeelame: sã n ka rẽ yĩnga, b rag n na vẽneg Nabiyaamã yaoogã, la a d b yεεsame tɩ b ra wa rɩk-a n maan tɩ yaa misr ye.

Neb n sok Wẽnd Tẽn-tʋʋmã (Wẽnd pʋʋsg la A tɩlgr be a yĩnga) bag-bʋgdbã yelle, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga)yeel-ba: «B ka baa fʋɩ». Tɩ b yeele: Wẽnd Tẽntʋʋma, ad raar ninga b yẽsda yεla tɩ yɩ sɩda. Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: «Ad gomd ning sẽn zĩnda be n yaa sɩdã, zĩnã zεεgda sɩd-kãnga n rɩk-a n tʋg n ning a noangã tʋbrẽ, wala no-yãang põgbo, tɩ b rɩk-a n gẽdg ne zĩri-beed sẽn yɩɩd koabga».

«Ned ning sẽn wɑ n tɩʋʋs bũmb tõnd yel-kãngɑ pʋgẽ, sẽn pɑ be ɑ pʋgẽ, tʋʋm-kãngɑ pɑ reegd ye» A Bʋhaarɩ la a Muslim n reeg-a. La a Muslim welg n yeelame: "ned ning sẽn maana tʋʋmde, tɩ ka tõnd sagelle, ad rẽnda lebsd n kõ a soabã».

Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) kẽe mam nengẽ tɩ mam luda m koglg bila ne peend sẽn gʋl bõn-naandse, la Nabiyaamã sẽn wa n yã-a wã a lak-a lame t'a nengã toeeme la a yeele: «ʿAaɩša, ad nebã sẽn yɩɩd namsgo Wẽnd nengẽ dũni yikr raare, yaa neb nins sẽn maand n wõnesd Wẽnd naanegã» , d ma a ʿAaɩša yeelame: «tɩ tõnd pãrs-a n maan-a zu-kʋka bɩ yaa zu-kʋgs a yiibu».

Mam yeelame : Wẽnd Tẽn-tʋʋma, a ɭbn Gʋd’aan ra yɩɩme, Zɩɩlem wakato, n da tõkd rogem la a rɩlgd nimbaan-nebã, la rẽ yĩnga, rẽnda nafd-a lame bɩ ? t'a yeele:« Ka na n naf-a ye, a ka yeel baa raar a yembre : “m Soab a Wẽnde! Yaaf maam m tʋʋm tuuti wã Dĩinã rolb raare».

t'a Ʋmmu Salamat togsa Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) Wẽnd roog (Egliisi) yẽ sẽn yã Habaša (Etioopi ) tẽngẽ wã, tɩ b boond t'a Maariya, a togsa Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) bãmb sẽn yã a pʋgẽ sẽn yaa nin-naandse, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) yeele: «Ad bãmbã yaa nebã tɩ yamb sõngo maa nin-sõng sã n ki b nengẽ la b sẽn met miisr a yaoogẽ wã, la b ning nin-naand-kãensã beenẽ, ad bãmbã la bõn-naandsã sẽn yɩɩd wẽng Wẽnd nengẽ».