Encyclopedia of Prophetic Hadiths

«B mee lɩslɑɑngã zeng-raad a nu zugu, yaa kõ sɩda tɩ soab ka be sẽn tũud n tɩlg tɩ pa Wẽnd ye, a Mʋhammad me yaa Wẽnd Tẽn-tʋʋma, la Pʋʋsgã yãnesgo, la Zak kũuni, la Roogã kaagre, la Ramadaanã no-loeere».

«munaafɩk bilgri, a yaa wala pesg b sẽn peng rot a yiib sʋka, tɩ b pengd-a n kẽngd kaanẽ vugri, raar ning tɩ b leb n tall-a n kẽng rũng ro-kãngã».

Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) yeelame: «Wẽnd yeelame:Ned ning sẽn wa n maana Mam noang beem, ad M segla a soab ne zabre, la Mam yamba ka yɩ sẽn na n pẽneg Maam ne bũmbu, tɩ noom Maam n yɩɩd Mam sẽn maan faril ning n rogl-a wã ye, Mam yambã ka bake n pẽnegd Maam ne naafil-rãmba, halɩ tɩ M bʋ a nonglem, M sã n bʋ a nonglem, M lebgda a wʋmb ningã a sẽn wʋmdã, la a nifr ning a sẽn getã, la a nug ning a sẽn yõkdã, la a naoor ning a sẽn kẽnd ne wã. A sã n kos Maam, M na kõ-a, la a sã n kos Maam gũudum, M na maan-a gũudum, la Mam ka maand maas-maas ne yell Mam sẽn na n maan-a wala M sẽn maagd lɩslaam yõor yãkr ye, a kisa kũumã, tɩ Mam kisg a wẽngã maanego».

«Laandãan boondbã n yɩɩd nebã ne yubli woglem dũni yikr raarã».

Mam yeelame: Wẽnd Tẽn-tʋʋma, kõ maam kibare, tʋʋm mam sẽn da tʋmde, Zɩɩlem sasa wã, sẽn yaa doaag maanego, la yembd bas burkĩndi, la rogem tõkre, rẽ yĩnga keoor buud n be a pʋgẽ bɩɩ ? Tɩ Nabiyaama, -Wẽnd pʋʋsg la A tɩlgr be a yĩnga-, yeel-a: “ fo tuubame n lagem ne f tʋʋm nins fo sẽn da tʋm tɩ loog tɩ yaa sõmã wã».

«Ad bũmb ning sẽn be ne ned la lagem-n-taarã la kɩfẽndã sʋka, yaa Pʋʋsg basbo».

Raoa n wa Nabiyaamã nengẽ, -Wẽnd pʋʋsg la A tɩlgr be a yĩnga-, n yeele, Wẽnd Tẽn-tʋʋma, ad tõnd yembr fãa mi n paama a sũurẽ wã, bũmb ninga sẽn wat a sũurẽ wã a sã n na n yɩ tom-pegl tʋʋlga, yẽ n sõmb ne yẽnda, ne a sẽn na n gom yel-kãngã, tɩ (Nabiyaam) yeele " Allaahʋ akbar, Allaahʋ akbar, Pẽgr be ne Wẽnde, sẽn kɩta a rabrã tɩ legb yuus-yuusã».

M soka Nabiyaamã, (Wẽnd pʋʋsg la A tɩlgr be a yĩngɑ) yaa zũnuub pʋgo zɩslem n yɩɩd Wẽnd nengẽ? T'a yeele: «yaa fo sẽn na n maan mak-n-taag ne Wẽnde, tɩ Yẽ n yaool n naan foom», tɩ mam yeele: ad rẽ sɩd yaa yel-bedre, la m soke: rẽ poorẽ yaa bõe? T'a yeele: «yaa fo sẽn na n kʋ f biiga, fo sẽn yεεsd t'a na n wa naag foom n rɩ tɩ ka seke». Tɩ mam yeele: rẽ poorẽ yaa bõe? T'a yeele: «yaa fo sẽn na n yo ne f yak paga».