Encyclopedia of Prophetic Hadiths

A Anas ɭbn Malik yẽsa tõndo, -Wẽnd yard be a yĩnga-, tɩ raoa n sok Wẽnd Nabiyaamã: b na n yika kɩfre n tigim-a t’a kẽn a nengã zug wãn-wãna? La Nabiyaamã yeele: “ rẽ yĩnga ka Soab ning sẽn da kẽnes-a a nao wã zugu dũni wã, Yẽ ka tar tõog n na n kɩt t’a kẽn a nengã zugu, yikr raarã?» A Ƙataada yeelɑme: yaa sɩda, m wẽen ne tõnd Soabã Zɩslemã.

Nabiyaamã (Wẽnd pʋʋsg la A tɩlgr be a yĩngɑ) pɩʋʋga yaad a yiibu, n yeele: «Ad b yiibã b namd-b lame, la ad b ka namsd-ba yel bedr poorẽ ye, b yiibã yembrã, yẽnda rag ka yɩ n gũusd a rʋʋdmã tɩ ra mat a mengã ye, la sã n yaa yembrã, yẽ rag n kẽnda ne tẽng-kãn-wẽendo nebã ne taab sʋka», rẽ poorẽ Nabiyaamã rɩka ra-maasre, n wedg-a yiibu, n rɩk yembr fãa n sel yaoog zugu, tɩ b yeele: Wẽnd Tẽn-tʋʋma bõe tɩ fo maan woto? T'a yeele: «tõe tɩ b boog nangã b yĩnga, tɩ b sã n na n ka kʋɩ»".

«Ned ning sẽn wa n tʋg n wẽena ne Amaana (bas-m-yam), yẽ soab ka be ne tõnd ye»

Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) a yalsa tõnd sʋk raar a yembre, n maan tõnd waazʋ, waazʋ sẽn ta tεka, tɩ sũy rigim a poorẽ, tɩ nintãm wɩdem a poorẽ, tɩ b yeele: Wẽnd Tẽn-tʋʋma, fo maana tõnd Wẽnd-na-wat-ne waazʋ, bɩ f rɩk alkaool ne tõndo. T'a yeele: «M kengd-y-la ne Wẽnd zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sunnah la lεdsdb nins sẽn yaa tẽeg tɩrg-rãmbã, sẽn yaa kãndgdbã Sunnah, gãd-y rẽndã ne yẽn-wãbdɩ la m kengd yãmb tɩ y zãag yεl sɩngdsã, tɩ ad Bid'ah buud fãa yaa menengo».

«Bas-y maam tɩ mam sã n bas yãmba, ad sẽn reng-b yãmb taoorã halkame, b sogsgã la b sẽn yõsd ne b nabiyaam-rãmbã yĩnga, rẽnd mam sã n gɩdg yãmb n yi yelle, bɩ zãag-a la m sã n sagl yãmb ne yelle, bɩ y maan-a y pãng tõog tεka».

«Raar sõmblem, wĩndgã sẽn puk a zugu, yaa arzũm raare, a pʋgẽ la b naan a Ādema, a pʋgẽ la b kẽes-a arzãna, a pʋgẽ la b yiis-a arzãnẽ wã, la dũni pa yikdi rẽnda arzũm raare».

Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ɑ yeelɑ ɑ Mu'ɑɑz ɭbn Gεbɑl, ɑ sẽn wɑ n tʋm-ɑ Yɑmɑnɑ: «Ad fo rabdɑ neb sẽn yɑɑ Gɑf rãmb nengẽ, lɑ fo sã n tɑ b nengẽ, bɩ f bool-bɑ n tʋg kɑset mɑɑnego, tɩ soɑb sẽn nɑ n tũ n tɩlg kɑ be rẽndɑ Wẽnde, lɑ ɑ Mʋhɑmmɑd yɑɑ Wẽnd Tẽn-tʋʋmɑ, tɩ b sã n sɑk n tũ rẽ, bɩ f kõ-b kibɑr tɩ Wẽnd mɑɑnɑ wɑkat ɑ nu tɩ yɑɑ tɩlɑe n rog-bɑ, yʋng lɑ wĩndg fãɑ, tɩ b sã n sɑk n tũ rẽ, bɩ f kõ-b kibɑr tɩ Wẽnd mɑɑnɑ doaɑg tɩ yɑɑ tɩlɑe n rog bãmb zugu, tɩ b reegd rɑkãɑgbẽ wã n kõt b tɑlsã, tɩ b sã n sɑk n tũ rẽndɑ, bɩ f gũus b arzεg yɩlmã reegre, lɑ f zoe b sẽn wẽg ɑ soɑb kãɑbgo, tɩ ɑd lill kɑ be ɑ kosgã ne Wẽnd sʋk ye».

«Bũmb fãa tũuda ne Wẽnd pʋlenga, halɩ n tʋg n tãag kongre, la yam, maa yam sɩlem la kongre».