Encyclopedia of Prophetic Hadiths

Tɩ raoa n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n gom ne-a yεl sãnda pʋgẽ, t'a yeele: "Wẽnd sã n sake tɩ fo sake", tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeel-a: «fo rɩka maam ne Wẽnd n maan tɩ yaa yembre? Yeele: Wẽnd A Yembr sã n sɑke».

«Ned fãa bee a nong-n-taag na-kẽndr zugu, bɩ yãmb yembr fãa tags n ges ned ning a sẽn na n rɩk n maan a zaoa».

«Ad mam sẽn yεεsd yãmb zugẽ n tʋg n yɩɩda, yaa lagm-n-ta-bila». Tɩ b yeele: yaa bõe la lagem-n-ta-bila Wẽnd Tẽn-tʋʋmã? T'a yeele: «yaa maan-tɩ-b-yã, Wẽnd yeta dũni yikr raarã, (A Naam yɩ wagell n zẽke), b sã n wa rol nebã b tʋʋmã: kẽng-y neb nins nengẽ yãmb sẽn da maan tɩ b yãt dũni wã, n tʋg n gese rẽ yĩnga yãmb na n pɑɑmɑ rolb b nengẽ bɩɩ?».

"Ned ning sẽn wa n tʋg n wõns a meng ne neba, yẽ me lebga bãmba".

«Ad sẽn be wẽeng rãmbã pʋgẽ, yaa neb nins dũni yikrã sẽn na n paam-b tɩ b ket n vɩ, la neb nins sẽn rɩk yaadã tɩ yaa miisa».

"Ned ning sẽn namsa nebã, Wẽnd namsd-a lame, ned ning sẽn kenga nebã, Wẽnd kengda a zugu".

Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) zama n wa a nengẽ, t'a balem neb a wae wã la a yõk a meng n bas ned a yembrã, tɩ b yeele: yaa Wẽnd Tẽn-tʋʋmã, fo reega neb a wae wã balamgo la f bas yãwã? T'a yeele: «ad a tara tɩ-yodre», t'a kẽes a nugã n tõsg-a, tɩ Wẽnd Tẽn-tʋʋm yaool n reeg a balamgã la a yeele: «ned ning sẽn wa n bob tɩ-yoadã, ad a maana lagem-n-taare».

«Baolleg (yεla) ka bak n be ne sɩd-kõta la sɩd-kõt paga, a mengẽ la a biigẽ, la a arzεkẽ, hal t'a wa tʋg n sεg Wẽnde, n ka tar zũnuub ye».