Encyclopedia of Prophetic Hadiths

«Yãmb yembr fãa ka kõt sɩda (ne Wẽnde) hal t'a wa tʋg n nong ne a ma-biiga bũmb ning a sẽn nong ne a mengã».

"Ad tẽeg tɩrga rãmbã b bee zaoos zutu tɩ yaa nuura, tɩ be Arrahmaan Naabã rɩtg wεεngẽ, la A Nus a yiibã fãa rag n yaa rɩtgo, neb nins sẽn tẽegd tɩrga b bʋʋd wεεngẽ la b zags rãmbã la b taoor ningã b sẽn lʋɩɩs-ba".

«Ad bũmb ninga nebã sẽn mikã, sẽn yaa nabiyaamdemã goam kʋdgã: "f sã n ka zoet yãnde, bɩ f maan f sẽn rate!"».

«Bũmb ka be t'a zɩslem yɩɩd muumin peesgã laok pʋgẽ dũni wã yikr raare, n yɩɩd zʋg sõng ye, ad Wẽnd kisa zʋg wẽng soab sẽn yaa gom-be-neda».

«Yols-y la y ra keng ye, la y noog nebã sũy la y ra yεεs-b ye».

"Ned ning sẽn kõta sɩd ne Wẽnde la Yaoolem raarã bɩ a yeel sẽn be neere maa a sĩndi, la ned ning sẽn kõta sɩd ne Wẽnde la yaoolem raarã bɩ a waoog ɑ yaka, la ned ning sẽn kõta sɩd ne Wẽnde la yaoolem raarã bɩ a waoog ɑ sãana".

A ra pa yɩ n yaa wẽng soab ye, pa gom-beed soab me, a pa ye-raoog soaba raas pʋgẽ ye, a pa rond wẽng ne wẽng ye, la ad a yaafdame la a basd tɩ loogdẽ.

Tɩ raoa n yeel Nabiyaamã (Wẽnd pʋʋsg la A tɩlgr be a yĩnga) sagl-ma, t'a yeele: «Ra gẽ ye» t'a yɩlem noor wʋsgo, tɩ Nabiyaamã yeele: «Ra gẽ ye».