Encyclopedia of Prophetic Hadiths

«Zãag-y yel-kãensã Wẽnd sẽn gɩdgã, rẽnd ned ning sẽn wa n tʋg n kẽ yellã pʋgẽ, bɩ a bao sʋtr Wẽnd nengẽ, la a tuub n tʋg Wẽnd nengẽ, tɩ ad ned ning sẽn wa n vẽneg a tʋʋmã seb-nengɑ, tõnd na n maana Wẽnd sẽn saglã a zugu (A Naam yɩ wagell n zẽke)».

«Ad dũni wã yaa noogo n yaa bʋgsgo, la ad Wẽnd na n ledsa yãmb a pʋgẽ arzεgsẽ wã n ges bũmb ning yãmb sẽn na n tʋme, bɩ y zoe dũni la pagbã, tɩ ad rẽenem fitna (zarb-n-ges) sẽn zĩnd ɭsraεεl koambẽ yɩɩ pagbẽ wã».

«Tɩ Adam-biisã sũyã fãa bee A nus a yiib sʋka sẽn yi Arrahmaan Naab nus-biisẽ wã, tɩ yaa wala sũur a yembre t'A leebd-a, A sẽn rate» Rẽ poorẽ Wẽnd Tẽn-tʋʋmã yeele, (Wẽnd pʋʋsg la A tɩlgr be a yĩnga): «M Soabã! Foom A sũyã Lεεbdã, lebg d sũyã Fo tũudmã zugu».

«Mam ka bas m poorẽ wã fɩtna (zarb-n-gesg) sẽn namsd raopã n leb yɩɩd pagbã ye».

B soka Wẽnd Tẽn-tʋʋm, (Wẽnd pʋʋsg la A tɩlgr be a yĩnga) bũmb ning sẽn waoog n kẽesd nebã arzãn n yɩɩda, t'a yeele: "Yaa Wẽnd zoεεga la zʋg sõngo" la b leb n sok-a yεl nins sẽn yaa wʋsg n kẽesd nebã Bugmẽ wã, t'a yeele: " yaa noorã la taoorã".

Mam rag n zĩi Nabiyaamã nengẽ (Wẽnd pʋʋsg la A tɩlgr be a yĩngɑ) tɩ raop a yiib tʋʋd taaba, tɩ b yiibã yembr nengã mooge, t'a koko gĩinã yiki, tɩ Nabiyaamã (Wẽnd pʋʋsg la A tɩlgr be a yĩngɑ) yeele: «Mam mii gomde, t'a sã n yεεl-a, Wẽnd na n sεεsa sẽn be ne-a wã, a sã n yeele: m kot gũudum ne Wẽnde, n yi a sʋɩɩtãana, Wẽnd loogda ne bũmb ninga sẽn be ne-a wã» Tɩ b yeel raoã tɩ Nabiyaamã (Wẽnd pʋʋsg la A tɩlgr be a yĩngɑ) yeelame: «kos gũudum ne Wẽnde n yi a sʋɩɩtãana», la a yeel yã: rẽ yĩnga gẽemd n tar maam laa?

«Neb ka zĩndid zĩigẽ, n ka tẽeg Wẽnd yʋʋrã a pʋgẽ, la b ka pʋʋs Nabiyaamã, rẽndame t'a yɩ bõn ne-ba, Wẽnd sã n tʋlla t'A sɩbg-ba, la A sã n tʋlla, A yaafdame n bas-ba».

«Kõbg a yiib sẽn yi Bugum koambẽ wã, mam ka yã b buud lae, yaa nebã b tara sãbse, tɩ yaa wala yʋgmã zʋya tɩ b pãbd nebã ne-ba, la pagba sẽn yeelge n yaool n yaa bεεla, n toeemd rao yam, n kẽnd n kɩlledẽ, b zutã yaa wala yʋgma zẽg sẽn kɩlle, b ka na n kẽ arzãnã, b ka na n wʋm a yũugã, la arzãn yũuga bee fo sẽn na n kẽn woto la woto zĩigẽ».