Encyclopedia of Prophetic Hadiths

«Ra sɩng-y Yahuud-rãmba la Nasaar-rãmba ne sallem ningr ye, la yãmb sã n seg b yembr sor zug bɩ y pẽdg-a t'a rɩk so-sẽkã».

«Yãmb ned fãa ra wa tʋg n gãd a taoorã ne a rɩtgã n rʋʋtẽ ye, la a ra wa yẽes a we-kεεng ne a rɩtg ye, la a ra tʋg n vʋʋsd laok pʋgẽ ye».

«Wẽnd yeelame (A Naam yɩ wagell n zẽke) Adam biig namsda Maam, a tʋʋda zamaanã, la Maam la zamaanã, bala yellã bee Mam Nugẽ, Maam n leebg yʋng la wĩndga».

Wẽnd Tẽn-tʋʋma (Wẽnd pʋʋsg la A tɩlgr be a yĩnga) ra yɩɩme t'a sã n na n tĩsi a ningda a nugã -maa a fuugã- a noorẽ, n lud a koεεga -ne rẽnda-.

«Zoambd n ningd sẽn kẽnda sallem, tɩ sẽn kẽndɑ n ningd zĩid sallem, tɩ neb kɩdg ning neb wʋsg sallem».

"Yãmb mii wɩdg sẽn yaa a sab bɩɩ?" Tɩ b yeele: Wẽnd la A Tẽn-tʋʋmã n yɩɩd minim, t'a yeele: " yaa fo sẽn na n tẽeg f saam-biig yelle, bũmb ninga a sẽn kisi", tɩ b yeele: la sã n mikame tɩ mam sẽn yet bũmb ningã bee mam saam-biigẽ wã? T'a yeele: " fo sẽn yetã sã n be a nengẽ fo wɩd-a lame, la sã n ka be a nengẽ, f yaga zĩri-beed n rogl-a.

Mam da yaa biiga, n be Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) naoẽ wã, la mam nugã rag n babenda laagã pʋgẽ, tɩ Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) yeel maam: « Biiga, f sã n na n rɩ bɩ f yeel bismillaah, la f rɩ ne f rɩtgo, la f rɩ f taoorã». Rẽnd mam rɩɩb ka bak n yaa woto bala, rẽ sẽn loogr tεkɑ.

«Lɩslaam hakε sẽn zao a lɩslaam taag yaa a yoobe» Tɩ b yεεl-a: bãmb la bʋse Wẽnd Tẽn-tʋʋmã? La a yeele: «F sã n seg-a bɩ f ning-a sallem, la a sã n bool-f bɩ f sak-a, la a sã n kos-f sagls bɩ f maan-a pʋ-peelem, la a sã n tĩsi n pẽg Wẽnd bɩ f yeel-a: Yarhamuka Allaah= Wẽnd na yols-fo, la a sã n bẽ bɩ f kaag-a, la a sã n maan kaalem bɩ f yãag-a».