Encyclopedia of Prophetic Hadiths

Tɩ raoa n yeel Nabiyaamã (Wẽnd pʋʋsg la A tɩlgr be a yĩnga) sagl-ma, t'a yeele: «Ra gẽ ye» t'a yɩlem noor wʋsgo, tɩ Nabiyaamã yeele: «Ra gẽ ye».

M soka Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) manegr la zũnuub tʋʋm sẽn yaa bũmb ninga, t'a yeele: «Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye».

«Lɩslaama yaa ned ning lɩslaambã sẽn tɩlg n yi a zelemde la a nugu, la muhaagɩrʋ (ned ning sẽn yik ne a dĩin n zoetẽ), yẽ la ned ning sẽn bas bũmb ning Wẽnd sẽn gɩdgã».

"Gom rɩgsd ka kẽed arzãn ye"

«Gũus-y y mens ne sãmbse, tɩ ad sãmbsã la gom sẽn tʋg n yɩɩd zĩri-beedo, la y ra pẽes n bãnge, la y ra vees n bãng ye, la y ra maan taab sũ-kiir ye, ra rabs-y taab ye, ra n gẽ-y taab ye, la y yɩ Wẽnd yembse, n yaa ma-biisi».

«Ned ning sẽn yaga maam ne pʋ-toogo, bɩ a bao a gãag zĩig Bugumẽ wã».

B soka Wẽnd Tẽn-tʋʋm, (Wẽnd pʋʋsg la A tɩlgr be a yĩnga) bũmb ning sẽn waoog n kẽesd nebã arzãn n yɩɩda, t'a yeele: "Yaa Wẽnd zoεεga la zʋg sõngo" la b leb n sok-a yεl nins sẽn yaa wʋsg n kẽesd nebã Bugmẽ wã, t'a yeele: " yaa noorã la taoorã".

Mam rag n zĩi Nabiyaamã nengẽ (Wẽnd pʋʋsg la A tɩlgr be a yĩngɑ) tɩ raop a yiib tʋʋd taaba, tɩ b yiibã yembr nengã mooge, t'a koko gĩinã yiki, tɩ Nabiyaamã (Wẽnd pʋʋsg la A tɩlgr be a yĩngɑ) yeele: «Mam mii gomde, t'a sã n yεεl-a, Wẽnd na n sεεsa sẽn be ne-a wã, a sã n yeele: m kot gũudum ne Wẽnde, n yi a sʋɩɩtãana, Wẽnd loogda ne bũmb ninga sẽn be ne-a wã» Tɩ b yeel raoã tɩ Nabiyaamã (Wẽnd pʋʋsg la A tɩlgr be a yĩngɑ) yeelame: «kos gũudum ne Wẽnde n yi a sʋɩɩtãana», la a yeel yã: rẽ yĩnga gẽemd n tar maam laa?