Skip to content
721 Hadiths

Encyclopedia of Prophetic Hadiths

Filter results

19 of 721 cards

Clear filters
Filter
Pick a property to filter by
الفئة المستهدفة1
حجم المحتوى4
الموسم1
التصنيفات اليومية1
التخريج المتعدد5
الخلفية الدينية للمستهدف3
التصنيف العقدي2
التخريج المتعدد: متفق عليه
«Ned sã n pʋʋs zama pʋgẽ, a yel-sõmdã yɩɩda ned sẽn na n pʋʋs a zakẽ, la a sẽn na n pʋʋs a raagẽ pisi la saare, la rẽnda yaa tɩ yãmb ned fãa sã n yõk koom, n maneg koomã yõgbo, rẽ poorẽ n yi n kẽng miisrẽ wã, tɩ bũmb ka kẽng ne-a rẽnda Pʋʋsgã, a ka rat bũmb sã n ka Pʋʋsgã, a ka zẽkd a na-tagdre rẽndame tɩ Wẽnd zẽk dargε ne-a, la A lub yel-beed ne a na-tagdrã zẽkre, halɩ t'a wa tʋg n ta miisrẽ wã. La a sã n kẽ miisrã pʋgẽ, a bee Pʋʋsg pʋgẽ bala, tɩ sã n mikame tɩ yaa Pʋʋsgã n gɩdg-a t'a be beenẽ. La malεgsã pʋʋsda ned fãa, sã n mikame t'a ket n bee ɑ Pʋʋsgã zĩigẽ, b yetame: m Soab a Wẽnde! Yols-a, m Soab a Wẽnde! Yaaf-a, m Soab a Wẽnde! Reeg a tuubgu. T'a sã n ka maan zũnuub tʋʋma a zĩigẽ wã, maa a koomã sã n ka kao».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيفضل الوضوء، فضل صلاة الجماعة وأحكامها، أحكام المساجدموضوعات الحديثأحكام الوضوء، صلاة الجماعة
Wẽnd Tẽn-tʋʋma (Wẽnd pʋʋsg la A tɩlgr be a yĩnga) ra yɩɩme t'a sã n yeel Allaahʋ akbarʋ Pʋʋsgẽ, a sĩndida bilfu, taoor t'a na n ka sɩng karengã ye, tɩ mam yeele: Wẽnd Tẽn-tʋʋmã, m na rɩk m ba wã la m ma wã n yao n fãag fo yõorã, kõ maam kibare; fo sĩndgã Allaahʋ Akbarʋ wã la f karengã sʋka, yaa bõe la f yeta? T'a yeele: "Mam yetame: «M Soab a Wẽnde, zãag maam ne tʋʋm-tuudsã sʋka, wa F sẽn zãag yaangã ne wĩnto-lʋɩɩngẽ wã sʋka, m Soab a Wẽnde, yɩlg-ma n yi m tʋʋm-tuutɩ wã, wala b sẽn yɩlgd fu-pεεlga n yi rẽgdã, m Soab a Wẽnde pεk-ma n yi m tʋʋm-tuutɩ wã ne koom la sa-pɩlma la maasga= Allahuma baa'ʿɩd baynɩɩ wa bayna ẖataayaaya kamaa baa'ʿadta bayna l-mašrɩƙɩ wal-maġrɩb; Allahumma naƙɩnɩɩ min ẖataayaaya kamaa yʋnaƙƙaɑ Aṯ -ṯawbʋ al-abyaḍu min ad-danas; Allahumma ġsɩlnɩɩ min ẖataayaaya bil maa'ɩ wa ṯ-ṯalǧɩ wal-barad».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيصفة الصلاة، أذكار الصلاةموضوعات الحديثسنن الصلاة، صفة الصلاة
«Yãmb yembr fãa ka yεεsd t'a sã n reng limaamã n roog a zugã, tɩ Wẽnd nɑ n maan a zugã tɩ lebg bõang zugu, maa A maan a yĩngã tɩ lebg bõang yĩnga».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيمبطلات الصلاة، أخطاء المصلين، أحكام الإمام والمأمومموضوعات الحديثمكروهات الصلاة، مبطلات الصلاة، صلاة الجماعة
«Wẽnd pa reegd yãmb yem kãm fãa pʋʋsgo, t'a sã n rẽgme, halɩ t'a wa yõk koom».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيشروط الصلاةموضوعات الحديثما يَحرُمُ على المُحْدِثِ عملُه، أحكام الوضوء، شروط الصلاة
«Yãmb yãame, lak kʋɩlg sã n be yãmb yembr fãa zak noore, t'a sood a pʋgẽ, raar fãa noor a nu, fo yetame tɩ rẽgd na n paa a yĩngẽ wã baa kɩdg bɩɩ?» La b yeel yã: baa fʋɩ ka na n pa a rẽgdẽ wã ye. La a yeel yã: «ad rẽnda yaa wala Pʋʋs-rãmb a nu wã, Wẽnd yẽesda tʋʋm-tuuti wã ne rẽnda».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيوجوب الصلاة وفضلها وحكم تاركهاموضوعات الحديثمكانة الصلاة وفضلها
Tɩ Weoogẽ laarab n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n wa yeel-a: wilg maam tʋʋmde, tɩ mam sã n maan-a m kẽeda arzãna, tɩ Nabiyaamã yeel-a: «Tũ Wẽnd A Ye, n ra maan lagem-n-taar ne-A ye, la f yals Pʋʋsgã sẽn yaa tɩlae wã, la f kõ Zakã sẽn yaa tɩlae wã, la f loe noore» la a yeel yã: m wẽen ne mam yõorã sẽn be Naab ning nugẽ wã, m ka na n paas baa fʋɩ woto zug ye, la a sẽn wa n loogã, Nabiyaamã (Wẽnd pʋʋsg lɑ A tɩlgr be ɑ yĩngɑ) yeelame: «ned ning sẽn wa n nong n rat n na n ges arzãn neda, bɩ a ges yãwã».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيآداب العالم والمتعلم، وجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، توحيد الألوهية، الإسلام، الإيمانموضوعات الحديثالزكاة ومكانتها، الصوم الواجب، أهمية التوحيد، مكانة الصلاة وفضلهامحاور التعريف بالإسلاموجوب إفراد الله بالعبادة، أركان الإسلام
T'a ra yɩɩme (Wẽnd pʋʋsg la A tɩlgr be a yĩnga) n maan "Allaahʋ Akbarʋ" Pʋʋsg fãa sẽn yaa tɩlae la zẽng sẽn ka tɩlae, Ramadaanã pʋgẽ la zẽng sẽn ka Ramadaane, rẽnd a yetame tɩ "Allaahʋ Akbarʋ" a sẽn wat n yik n yalsã, rẽ poorẽ t'a yeel "Allaahʋ Akbarʋ" a sẽn wat n tiuul rukuẽ wã, rẽ poorẽ t'a yeel "Sami Allaahʋ lɩman Hamidah", rẽ poorẽ t'a yeel "Rabbanaa walakal hamdʋ" taoor t'a na n ka maan suguudu, rẽ poorẽ t'a yeel « Allaahʋ Akbarʋ" a sẽn wat n sulgdẽ n nɑ n maan suguudã, rẽ poorẽ t'a yeel "Allaahʋ Akbarʋ" a sẽn wat n rõogd suguudẽ wã, rẽ poorẽ t'a yeel "Allaahʋ Akbarʋ", rẽ poorẽ t'a yeel tɩ "Allaahʋ Akbarʋ" a sẽn wat n roog n yit suguudẽ wã, rẽ poorẽ t'a yeel "Allaahʋ Akbarʋ" a sẽn wat n zĩnd rakaar a yiibã n na n yikã. A maanda woto rakaar fãa gill pʋgẽ, halɩ tɩ Pʋʋsgã wa sε. Rẽ poorẽ t'a Abʋʋ Hʋrayrat yeel a sẽn wa n rat n loogã: "m wẽen ne mam yõorã sẽn be A Soab Nugẽ wã, ad maam pʋʋsgã n yɩɩd wõneg ne Wẽnd Tẽn-tʋʋmã (Wẽnd pʋʋsg la A tɩlgr be a yĩnga) Pʋʋsgã, ne yãmbɑ, lɑ ad a Pʋʋsg rag n dɑ yaa woto bala, halɩ t'a wa bas dũni".
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيصفة الصلاة، أذكار الصلاةموضوعات الحديثمتابعة الرسول ﷺ، صفة الصلاة
Tɩ ad Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) a kẽe miisrẽ wã, tɩ rao kẽ n pʋʋse, la a ning Nabiyaamã sallem (Wẽnd pʋʋsg lɑ A tɩlgr be ɑ yĩngɑ), tɩ Nabiyaamã reeg a sallemã, la a yeele: « Lebg n tɩ pʋʋs, tɩ fo ka pʋʋs nand ye». T'a lebg n tʋg n pʋʋs wala a sẽn da pʋʋsã, rẽ poorẽ, t'a wa n ning Nabiyaamã sallem (Wẽnd pʋʋsg lɑ A tɩlgr be ɑ yĩngɑ), t'a yeele: «Lebg n tʋg n pʋʋse, ad fo ka pʋʋs ye». Noor a tãabo, tɩ nedã yeele: m wẽen ne Naab ning sẽn tʋmsa foom ne sɩdã, mam ka mi Pʋʋsg sẽn yɩɩd woto ye. Tɩ Nabiyaamã yeele: «Fo sã n yik n na n pʋʋse, bɩ f yeel Allaahʋ Akbarʋ, rẽ poorẽ bɩ f karem sẽn yaa yol-yol ne foom Alkʋrãanẽ wã, rẽ poorẽ bɩ f maan Rukuu halɩ tɩ f yĩnsã wa tʋg n yõgneg tɩ fo be Rukuuẽ wã, rẽ pooẽ bɩ f roog n wa tʋg n tẽeg n yalse, rẽ poorẽ bɩ f maan suguudu halɩ tɩ f yĩnsã wa tʋg n yõgend taaba, tɩ f yaa sẽn be suguudẽ wã, rẽ poorẽ bɩ f roog tɩ f yĩnsã wa tʋg n yõgne, tɩ f yaa sẽn zĩ, la f maan f Pʋʋsgã fãa woto».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيصفة الصلاة