Encyclopedia of Prophetic Hadiths

«B na n waa ne kũum t’a wõnd pesg sẽn tẽgse, tɩ boaand boole : «yaa yãmb a arzãn koamba!» Tɩ bãmb sɩndg n getẽ, t’a yeele, rẽ yĩnga yãmb mii yãwã bɩɩ? Tɩ b yeele, n-yee, yãwã la kũum, tɩ b fãa gill yã-a. Rẽ poorẽ t’a lebg n boole: « yaa yãmb a Bugum koamba!» Tɩ bãmb me sɩndge n zẽk n yetẽ, t’a yeele, la yãmb mii yãwã bɩɩ? Tɩ b yeele, n-yee, yãwã la kũum, b fãa gillã me yã-a lame, tɩ b koadg-a, rẽ poorẽ tɩ b yeele: arzãn koambã, yãmb na n duumame tɩ kũum ka leb n be ye, yãmb a Bugum koamb me y na n duumame tɩ kũum ka be ye, rẽ poorẽ tɩ Nabiyaamã kareme {La bugs-b ne nĩmsã raarã, yellã sẽn wat n bʋ wã; tɩ bãmb yaool n be yam yaal-yaal pʋgẽ n ka kõt sɩd ye.} [Maryam: 39], bãmbã la dũni yam yaal-yaal neba {n ka kõt sɩd ye} [Maryam: 39]».

Tɩ Nabiyaamã, (Wẽnd pʋʋsg la A tɩlgr be a yĩnga) yɩɩme t’a sã n kɩll a gãagẽ wã, n na n gãand yʋng fãa, a tigimda a nus a yiibã, rẽ poorẽ t’a fʋʋs b yiibã pʋgẽ, n karem b yiibã pʋgẽ {Ƙul huwallaah Ahadʋn} la {Ƙʋl A’ʋʋzʋ birabbil Falaƙɩ} la {Ƙʋl A’ʋʋzʋ biraabinnaas}, rẽ poorẽ t’a saag ne b yiibã, a yĩngã, a sẽn tõe tεka, a sɩngda saagrã a zugẽ wã la a nengã la yĩngã sẽn kellã, a maanda rẽnda noor a tãabo.

Maam n rag n yɩ n yũnugd nebã a Abɩɩ Talha zakẽ wã, la b rãamã wakat-kãngã yaa tamar sẽn lagem taaba, tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) tʋms boaand t'a moondẽ: Ad rãamã lebga haraam, a yeelame: t'a Abuu Talha yeel maam: yi n laεεg-a. Tɩ mam yi n laεεg-a. T'a waal Madiin soy wã, tɩ nebã sãnda yeele: ad b ra kʋʋ neb tɩ rãamã be b pʋsẽ wã. Tɩ Wẽnd siki:{Taal ka be ne sẽn kõ-b sɩdã la b tʋm tʋʋm sõmsã, b sẽn rɩ bũmb ning tɩ loogã ye} [Al-Maa'ɩda (Rɩɩbã sʋʋra): 93] Aayarã.

Nɑbiyɑɑmã (Wẽnd pʋʋsg la A tɩlgr be a yĩnga) ra yɩɩme n tẽegd Wẽnd yʋʋrã yelle, a wakat-rãmbã fãa pʋgẽ.

Wẽnd koεεgã pʋgẽ, (A Naam yɩ wagell n zẽke) A sẽn yeele: {Lɑ ned ning sẽn wa n rat n na n kɩll beenẽ ne wẽgdo, Tõnd leemsd-a lame nong sẽn zabde} [Al-Haǧ (Hagiimdã sʋʋra): 25]. A yeelame: «Lak rao sã n saag n na n maan wẽnga, n mik tɩ yẽ bee Adεn, Wẽnd na lεεms-a nang sẽn zabde».

Wakat ning kũumã sẽn wa n wa a Abʋʋ Taalibã, Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) waa a nengẽ, n mik a Abʋʋ Gεhl la Abdʋllaah ɭbn Abɩɩ Ʋmmayya ɭbn Mugɩɩra a nengẽ, t'a yeele: " m saam-bila, yeele: Laɑ ɭlɑɑhɑ ɩllɑl-Lɑɑh (soɑb sẽn tũud n tɩlg kɑe rẽndɑ Wẽnde), yaa gom-bil m sẽn tõe n tall-a n gom n sõng foom Wẽnd nengẽ", t'a Abʋʋ Gεhl la a Abdʋllaah ɭbn Abɩɩ Ʋmmayya yeele: fo na n kisga a Abdʋl Muttalib dĩinã? rẽnd Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) ka bak n yet-a t'a yeel-a, tɩ bãmba b yiibã le lebgd n yet a Abʋʋ Taalib gomd ning b sẽn yetã, halɩ t'a Abʋʋ Taalib wa yeel a baasg gomd ne-ba: " yaa Abdʋl Muttalib dĩinã pʋg la mam be", rẽnd a tõdgame n naz n yeel: " Laɑ ɭlɑɑhɑ ɩllɑl-Lɑɑh (soɑb sẽn tũud n tɩlg kɑe rẽndɑ Wẽnde)". A yeelame: Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) yeelame:" m wẽen ne Wẽnde, m na kos Wẽnd yaafa n kõ-fo, tɩ Wẽnd sã n ka gɩdg-ma". Tɩ Wẽnd na n sik Aayarã: {Pa sõmb ne nabiyaamã la neb nins sẽn be ne yẽ wã tɩ b kos yaafg n kõ lagem-n-taarã rãmb ye} [Attawba: 113], la Wẽnd sika a Abʋʋ Taalib zugu, n yeel Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ): {Ad fo ka kãndg fo sẽn noang-a soab ye, yaa Wẽnd n kãndgd A sẽn tʋlle, Yẽnda n leb n yɩɩd minim ne neb nins sẽn kãndã}. [Al-Ƙaṣaṣ: 56].

Wẽnd koεεgã sẽn wa n sigi: {Ad Tõnd pakame n kõ foom, pakr sẽn yaa vẽenega (Hʋdɑybiyɑ zems-n-tɑɑrã). Bʋɩl yĩng tɩ Wẽnd na yaaf foom f zũnuub-rãmb} {Bʋɩl yĩng t'A na kẽes Muumin-roapã la Muumin-pogsã arzãn-rãmbẽ, tɩ ko-sood zoet b tẽngre, tɩ b yaa duumdb a pʋgẽ, la A yaaf-b b yel-wẽna, la rẽnda yɩɩ Wẽnd nengẽ n yaa pʋɩɩr sẽn yaa bedre} [Al-fɑth (Pakrã sʋʋra):1-5]. A sẽn wa n lebg Hʋdaybɩyya n watẽ wã, tɩ sahaabsã yaa sũ-sãang la yεεms n tar-ba, rẽ tɩ b kʋʋ yʋgmã Al-hʋdaybɩyya, a yeelame: «Aayar n sig mam zugu, Aaya-kãngã n noom maam n yɩɩd dũni wã zãnga».

«Ned ning sẽn karema Aaya a yiib nins sẽn be Naafã sʋʋrã baasgẽ wã, yʋng pʋgẽ, b na sek-a n yi wẽng buud fãa».