Енциклопедија на пророчките хадиси

„Жената не патува растојание кое се поминува за два дена, ако не е придружувана од мажот или од махрем. Нема постење на два дена: Фитр и Курбан Бајрам. Нема намаз од мугрите додека Сонцето не излезе потполно, ниту од попладне (икиндија) до зајдисонце. Не се патува со намера освен кон три џамии: Месџидул Харам во Мека, Месџидул Акса во Ерусалим и оваа џамија (во Медина).“

„Синовите Израилови беа предводени од нивните веровесници. Секогаш кога ќе починеше еден веровесник, на негово место доаѓаше друг. И навистина, после мене нема да има веровесник, туку ќе има халифи – и ќе бидат многубројни.“ Тие рекоа: „Па што ни наредуваш во таква ситуација?“ Тој одговори: „Исполнувајте му ја заклетвата на секој што прв ќе добие присега на верност, давајте им го нивното право, а Аллах нив ќе ги праша за тоа што им било доверено.“