Пайгамбар хадистеринин энциклопедиясы

«Ким жалган ант ичип, бир мусулмандын акысын тартып алса, Аллах ага тозокту милдеттүү кылат жана бейишти арам кылат». Ошондо бир адам: "Оо, Аллахтын Элчиси! Эгер ал кичинекей эле нерсе болсо дагыбы?" – деп сурады. Пайгамбарыбыз: "Эгер ал мисвак жыгачынын бир бутагы болсо дагы", – деп жооп берди».

Аллахтын Элчисинин (ага Аллахтын тынчтыгы жана мактоосу болсун) талбиясы: «Лаббайкаллаахумма лаббайк, лаббайка лаа шариика лака лаббайк, иннал хамда уан-ниъмата лака вал-мулк, лаа шариика лак». Ал айтты: Абдуллах ибн Умар (Аллах алардан ыраазы болсун) буга (төмөндөгүлөрдү) кошот эле: «Лаббайка лаббайк, уа саъдайка, вал-хайру би-ядайка, лаббайка уар-рагбаау илайка уал-ъамал».

"Эмизүү да төрөт (туугандык) арам кылган нерсени арам кылат".

"Эгерде силердин бирөөңөр мечитке кирсе, анда ал: "Аллахум-мафтах ли абвааба рахматик. (Оо, Аллах! Мага ырайымыңдын эшиктерин ач)" - деп айтсын. Ал эми мечиттен чыкканда: "Аллахумма инни ас алука мин фадлик. (Оо, Аллах! Мен Сенин жакшылыгыңдан сураймын)" - деп айтсын".

"Силерден бирөөңөр уйкудан турганда мурдун үч жолу кеңилжээрине чейин тазалап жуусун. Анткени шайтан мурундун кеңилжээринде түнөйт".

"Ким бир намазды унутса, аны эстегенде окусун. Ага андан башка каффарат (8) жок. Аллах таала айтты: "Мени эстөө үчүн намаз оку" [Таха: 14]".

"Кимде-ким жума күнү жунуптуктан жуунгандай жуунуп, анан эртелеп мечитке барса, төөнү курмандыкка чалгандай сооп алат. Андан кийинки убакта барган адам уйду курмандыкка чалгандай сооп алат. Андан кийинки убакта барган адам мүйүздүү кочкорду курмандыкка чалгандай сооп алат. Андан кийинки убакта барган адам тоокту садака кылгандай сооп алат. Андан кийинки убакта барган адам жумуртканы садака кылгандай сооп алат. Имам кутпа айтуу үчүн минбарга чыкканда периштелер зикирди угуу үчүн чогулат".

«Тазалык – ыймандын жарымы. "Алхамдулиллах" деп айтуу амал таразасын толтурат. "Субхааналлах" жана "Алхамдулиллах" деп айтуу асман менен жердин ортосун толтурат. Намаз – нур, садага - далил, ал эми сабырдуулук -жылуу таптуу нур. Куран - сенин пайдаңа же зыяныңа күбө болот. Ар бир инсан күндө өз напсисин Аллах үчүн же шайтан үчүн сатыкка коёт, анан аны куткарып алат же аны зыянга учуратат».