Skip to content
839 ಹದೀಸ್‌ಗಳು

ಪ್ರವಾದಿ ವಚನಗಳ (ಹದೀಸ್) ವಿಶ್ವಕೋಶ

ಫಲಿತಾಂಶಗಳನ್ನು ಫಿಲ್ಟರ್ ಮಾಡಿ

839 ರಲ್ಲಿ 8 ಕಾರ್ಡ್‌ಗಳು

ಫಿಲ್ಟರ್‌ಗಳನ್ನು ತೆಗೆದುಹಾಕಿ

ಹದೀಸ್‌ನ ದರ್ಜೆ

"ಒಬ್ಬ ವ್ಯಕ್ತಿಯಿದ್ದನು. ಅವನ ಮನೆಗಿಂತ ಮಸೀದಿಯಿಂದ ಹೆಚ್ಚು ದೂರವಿದ್ದ ಬೇರೊಬ್ಬ ವ್ಯಕ್ತಿಯನ್ನು ನಾನು ತಿಳಿದಿಲ್ಲ. ಅವನು ಯಾವುದೇ ನಮಾಝ್ ಅನ್ನು ತಪ್ಪಿಸುತ್ತಿರಲಿಲ್ಲ. (ಉಬೈ) ಹೇಳಿದರು: ಆಗ ಅವನಿಗೆ ಹೇಳಲಾಯಿತು: (ಅಥವಾ ನಾನು ಅವನಿಗೆ ಹೇಳಿದೆನು:) 'ನೀನು ಒಂದು ಕತ್ತೆಯನ್ನು ಖರೀದಿಸಿದ್ದರೆ (ಎಷ್ಟು ಚೆನ್ನಾಗಿತ್ತು). ಅದರ ಮೇಲೆ ನೀನು ಕತ್ತಲೆಯಲ್ಲಿ ಮತ್ತು ಬಿಸಿಲ ಬೇಗೆಯಲ್ಲಿ (ಕಾದ ನೆಲದಲ್ಲಿ) ಸವಾರಿ ಮಾಡಬಹುದಿತ್ತು'. ಅವನು ಹೇಳಿದನು: 'ನನ್ನ ಮನೆಯು ಮಸೀದಿಯ ಪಕ್ಕದಲ್ಲಿರುವುದು ನನಗೆ ಸಂತೋಷ ನೀಡುವುದಿಲ್ಲ. ಖಂಡಿತವಾಗಿಯೂ ಮಸೀದಿಯ ಕಡೆಗಿರುವ ನನ್ನ ನಡಿಗೆಗೂ, ಮತ್ತು ನಾನು ನನ್ನ ಕುಟುಂಬದ ಬಳಿಗೆ ಹಿಂತಿರುಗಿದಾಗ ನನ್ನ ಹಿಂತಿರುಗುವಿಕೆಗೂ ಪ್ರತಿಫಲ ಬರೆಯಲ್ಪಡಬೇಕೆಂದು ನಾನು ಬಯಸುತ್ತೇನೆ'. ಆಗ ಅಲ್ಲಾಹನ ಸಂದೇಶವಾಹಕರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಹೇಳಿದರು: "ಖಂಡಿತವಾಗಿಯೂ ಅಲ್ಲಾಹು ನಿನಗಾಗಿ ಅದೆಲ್ಲವನ್ನೂ ಒಟ್ಟುಗೂಡಿಸಿದ್ದಾನೆ".
ಸಹೀಹ್ ಇದನ್ನು ಮುಸ್ಲಿಂ ವರದಿ ಮಾಡಿದ್ದಾರೆ.
التصنيف الشرعيخصائص الإسلام وفضله ومحاسنه
"ಸನ್ಮಾರ್ಗಕ್ಕೆ ಕರೆಯುವವನು ಅವನನ್ನು ಅನುಸರಿಸಿದವನ ಪ್ರತಿಫಲಕ್ಕೆ ಸಮಾನವಾದ ಪ್ರತಿಫಲವನ್ನು ಪಡೆಯುತ್ತಾನೆ. ಅದು ಅವರ ಪ್ರತಿಫಲಗಳಲ್ಲಿ ಏನನ್ನೂ ಕಡಿಮೆಗೊಳಿಸುವುದಿಲ್ಲ. ದುರ್ಮಾರ್ಗಕ್ಕೆ ಕರೆಯುವವನು ಅವನನ್ನು ಅನುಸರಿಸಿದವನ ಪಾಪಕ್ಕೆ ಸಮಾನವಾದ ಪಾಪವನ್ನು ಪಡೆಯುತ್ತಾನೆ. ಅದು ಅವರ ಪಾಪಗಳಲ್ಲಿ ಏನನ್ನೂ ಕಡಿಮೆ ಮಾಡುವುದಿಲ್ಲ."
ಸಹೀಹ್ ಇದನ್ನು ಮುಸ್ಲಿಂ ವರದಿ ಮಾಡಿದ್ದಾರೆ.
التصنيف الشرعيالبدعة، فضل الدعوة إلى الله وأحكامهاموضوعات الحديثنشر العلم بالدعوة إلى الله، الدعوة إلى الله
ಒಬ್ಬ ವ್ಯಕ್ತಿ ಪ್ರವಾದಿಯವರ (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಬಳಿಗೆ ಬಂದು ಹೇಳಿದರು: "ನನ್ನ ಒಂಟೆ ಸುಸ್ತಾಗಿಬಿಟ್ಟಿದೆ. ಆದ್ದರಿಂದ ನನಗೆ ಸವಾರಿ ಮಾಡುವ ಒಂದು ಒಂಟೆಯನ್ನು ಕೊಡಿ." ಅವರು ಹೇಳಿದರು: "ನನ್ನ ಬಳಿ ಒಂಟೆಯಿಲ್ಲ." ಆಗ ಆ ವ್ಯಕ್ತಿ ಹೇಳಿದರು: "ಓ ಅಲ್ಲಾಹನ ಸಂದೇಶವಾಹಕರೇ! ಅವನಿಗೆ ಒಂಟೆ ಕೊಡುವ ವ್ಯಕ್ತಿಯನ್ನು ನಾನು ತೋರಿಸುತ್ತೇನೆ." ಆಗ ಅಲ್ಲಾಹನ ಸಂದೇಶವಾಹಕರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಹೇಳಿದರು: "ಯಾರು ಒಳಿತನ್ನು ತೋರಿಸಿಕೊಡುತ್ತಾರೋ ಅವನಿಗೆ ಆ ಒಳಿತು ಮಾಡಿದ ವ್ಯಕ್ತಿಗೆ ದೊರಕುವಷ್ಟೇ ಪ್ರತಿಫಲ ದೊರಕುತ್ತದೆ."
ಸಹೀಹ್ ಇದನ್ನು ಮುಸ್ಲಿಂ ವರದಿ ಮಾಡಿದ್ದಾರೆ.
التصنيف الشرعيفضائل الأعمال الصالحة، الأخلاق الحميدة، فضل الدعوة إلى الله وأحكامهاموضوعات الحديثنشر العلم بالدعوة إلى الله، الدعوة إلى الله، قضاء حوائج المسلمين، التعاون على البر والتقوى
ನಿಮಗಿಂತ ಹಿಂದಿನ ಕಾಲದವರಲ್ಲಿ ಒಬ್ಬ ರಾಜನಿದ್ದನು. ಅವನಿಗೆ ಒಬ್ಬ ಮಾಟಗಾರನಿದ್ದನು. ಅವನಿಗೆ (ಮಾಟಗಾರನಿಗೆ) ವಯಸ್ಸಾದಾಗ, ಅವನು ರಾಜನಿಗೆ ಹೇಳಿದನು: 'ನನಗೆ ವಯಸ್ಸಾಗಿದೆ, ಆದ್ದರಿಂದ ನನ್ನ ಬಳಿಗೆ ಒಬ್ಬ ಬಾಲಕನನ್ನು ಕಳುಹಿಸು, ನಾನು ಅವನಿಗೆ ಮಾಟಗಾರಿಕೆಯನ್ನು ಕಲಿಸುತ್ತೇನೆ'. ರಾಜನು ಮಾಟಗಾರಿಕೆ ಕಲಿಯಲು ಅವನ ಬಳಿಗೆ ಒಬ್ಬ ಬಾಲಕನನ್ನು ಕಳುಹಿಸಿದನು. ಅವನು (ಮಾಟಗಾರನ ಬಳಿಗೆ) ಹೋಗುವ ದಾರಿಯಲ್ಲಿ, ಒಬ್ಬ ಸನ್ಯಾಸಿ ಇದ್ದನು. ಬಾಲಕ ಅವನ ಬಳಿ ಕುಳಿತು ಅವನ ಮಾತುಗಳನ್ನು ಕೇಳಿದನು. ಅದು ಅವನಿಗೆ ಇಷ್ಟವಾಯಿತು. ಅವನು ಮಾಟಗಾರನ ಬಳಿಗೆ ಹೋಗುವಾಗಲೆಲ್ಲಾ, ಸನ್ಯಾಸಿಯ ಬಳಿ ಹೋಗಿ ಅವನ ಬಳಿ ಕುಳಿತುಕೊಳ್ಳುತ್ತಿದ್ದನು. ಅವನು ಮಾಟಗಾರನ ಬಳಿಗೆ (ತಡವಾಗಿ) ಬಂದಾಗ, ಮಾಟಗಾರನು ಅವನಿಗೆ ಹೊಡೆಯುತ್ತಿದ್ದನು. ಅವನು ಇದರ ಬಗ್ಗೆ ಸನ್ಯಾಸಿಗೆ ದೂರು ನೀಡಿದನು. ಸನ್ಯಾಸಿ ಹೇಳಿದನು: 'ನೀನು ಮಾಟಗಾರನನ್ನು ಹೆದರಿದರೆ, "ನನ್ನ ಮನೆಯವರು ನನ್ನನ್ನು ತಡೆದರು" ಎಂದು ಹೇಳು, ಮತ್ತು ನೀನು ನಿನ್ನ ಮನೆಯವರಿಗೆ ಹೆದರಿದರೆ, "ಮಾಟಗಾರನು ನನ್ನನ್ನು ತಡೆದನು" ಎಂದು ಹೇಳು'. ಹೀಗಿರುವಾಗ, ಒಂದು ದಿನ ಅವನು (ಮಾಟಗಾರನ ಬಳಿಗೆ ಹೋಗುವಾಗ ದಾರಿಯಲ್ಲಿ) ಒಂದು ದೊಡ್ಡ ಪ್ರಾಣಿ ಇರುವುದನ್ನು ಕಂಡನು. ಅದು ಜನರನ್ನು (ದಾರಿಯಲ್ಲಿ ನಡೆಯಲು) ಬಿಡುತ್ತಿರಲಿಲ್ಲ. ಅವನು (ಬಾಲಕನು) ಹೇಳಿದನು: 'ಮಾಟಗಾರನು ಶ್ರೇಷ್ಠನೋ ಅಥವಾ ಸನ್ಯಾಸಿಯು ಶ್ರೇಷ್ಠನೋ ಎಂದು ಇಂದು ನನಗೆ ತಿಳಿಯುತ್ತದೆ'. ಅವನು ಒಂದು ಕಲ್ಲನ್ನು ತೆಗೆದುಕೊಂಡು ಹೇಳಿದನು: 'ಓ ಅಲ್ಲಾಹ್, ಒಂದು ವೇಳೆ ಸನ್ಯಾಸಿಯ ಮಾರ್ಗವು ಮಾಟಗಾರನ ಮಾರ್ಗಕ್ಕಿಂತ ನಿನಗೆ ಹೆಚ್ಚು ಇಷ್ಟವಾಗಿದ್ದರೆ, ಈ ಪ್ರಾಣಿಯನ್ನು ಕೊಂದುಹಾಕು. ಇದರಿಂದ ಜನರು (ತಮ್ಮ ದಾರಿಯಲ್ಲಿ) ನಡೆಯಬಹುದು'. ಅವನು ಕಲ್ಲನ್ನು ಎಸೆದನು. ಅದು ಅದನ್ನು ಕೊಂದಿತು, ಮತ್ತು ಜನರು (ತಮ್ಮ ದಾರಿಯಲ್ಲಿ) ನಡೆದರು. ಅವನು ಸನ್ಯಾಸಿಯ ಬಳಿಗೆ ಬಂದು (ನಡೆದದ್ದನ್ನು) ತಿಳಿಸಿದನು. ಆಗ ಸನ್ಯಾಸಿ ಹೇಳಿದನು: 'ಮಗೂ, ಇಂದು ನೀನು ನನಗಿಂತ ಶ್ರೇಷ್ಠನಾಗಿರುವೆ. ನಿನ್ನ ವಿಷಯವು ನಾನು ನೋಡುತ್ತಿರುವಂತೆ ದೊಡ್ಡ ಮಟ್ಟವನ್ನು ತಲುಪಿದೆ. ಖಂಡಿತವಾಗಿಯೂ ನಿನ್ನನ್ನು ಪರೀಕ್ಷಿಸಲಾಗುವುದು. ಒಂದು ವೇಳೆ ನಿನ್ನನ್ನು ಪರೀಕ್ಷಿಸಲಾದರೆ, ನನ್ನ ಬಗ್ಗೆ ತಿಳಿಸಬೇಡ'. ಆ ಬಾಲಕನು ಹುಟ್ಟು ಕುರುಡರನ್ನು ಮತ್ತು ಕುಷ್ಠರೋಗಿಗಳನ್ನು ಗುಣಪಡಿಸುತ್ತಿದ್ದನು ಇತರ ಎಲ್ಲಾ ರೋಗಗಳಿಗೂ ಜನರಿಗೆ ಚಿಕಿತ್ಸೆ ನೀಡುತ್ತಿದ್ದನು (ಅಲ್ಲಾಹನ ಅನುಮತಿಯೊಂದಿಗೆ). ರಾಜನ ಒಬ್ಬ ಆಸ್ಥಾನಿಕನಿಗೆ ಈ ಬಾಲಕನ ಬಗ್ಗೆ ತಿಳಿಯಿತು. ಅವನು ಕುರುಡನಾಗಿದ್ದನು. ಅವನು ಅನೇಕ ಉಡುಗೊರೆಗಳೊಂದಿಗೆ ಬಾಲಕನ ಬಳಿಗೆ ಬಂದು ಹೇಳಿದನು: 'ಒಂದು ವೇಳೆ ನೀನು ನನ್ನನ್ನು ಗುಣಪಡಿಸಿದರೆ ಇಲ್ಲಿರುವುದೆಲ್ಲವೂ ನಿನಗೆ ಸೇರುತ್ತದೆ'. ಬಾಲಕ ಹೇಳಿದನು: 'ನಾನು ಯಾರನ್ನೂ ಗುಣಪಡಿಸುವುದಿಲ್ಲ, ಅಲ್ಲಾಹು ಮಾತ್ರ ಗುಣಪಡಿಸುತ್ತಾನೆ. ಒಂದು ವೇಳೆ ನೀವು ಅಲ್ಲಾಹನಲ್ಲಿ ವಿಶ್ವಾಸವಿಟ್ಟರೆ, ನಾನು ಅಲ್ಲಾಹನಲ್ಲಿ ಪ್ರಾರ್ಥಿಸುತ್ತೇನೆ. ಆಗ ಅವನು ನಿಮ್ಮನ್ನು ಗುಣಪಡಿಸುತ್ತಾನೆ'. ಆಸ್ಥಾನಿಕನು ಅಲ್ಲಾಹನಲ್ಲಿ ವಿಶ್ವಾಸವಿಟ್ಟನು, ಆಗ ಅಲ್ಲಾಹು ಅವನನ್ನು ಗುಣಪಡಿಸಿದನು. ಅವನು ರಾಜನ ಬಳಿಗೆ ಬಂದು, ಮೊದಲು ಕುಳಿತುಕೊಳ್ಳುತ್ತಿದ್ದಂತೆಯೇ ಕುಳಿತುಕೊಂಡನು. ರಾಜನು ಕೇಳಿದನು: 'ನಿನ್ನ ದೃಷ್ಟಿಯನ್ನು ನಿನಗೆ ಹಿಂದಿರುಗಿಸಿದವರು ಯಾರು?'. ಅವನು ಹೇಳಿದನು: 'ನನ್ನ ಪರಿಪಾಲಕ'. ರಾಜನು ಕೇಳಿದನು: 'ನನ್ನ ಹೊರತು ನಿನಗೆ ಬೇರೆ ಪರಿಪಾಲಕನಿದ್ದಾನೆಯೇ?'. ಅವನು ಹೇಳಿದನು: 'ನನ್ನ ಪರಿಪಾಲಕ ಮತ್ತು ತಮ್ಮ ಪರಿಪಾಲಕ ಅಲ್ಲಾಹನಾಗಿದ್ದಾನೆ'. ಆಗ ಅವನು (ರಾಜ) ಅವನನ್ನು ಹಿಡಿದು, ಅವನು ಬಾಲಕನ ಬಗ್ಗೆ ತಿಳಿಸುವವರೆಗೆ ಚಿತ್ರಹಿಂಸೆ ನೀಡಿದನು. ಬಾಲಕನನ್ನು ಕರೆತರಲಾಯಿತು. ರಾಜನು ಹೇಳಿದನು: 'ಮಗೂ, ನಿನ್ನ ಮಾಟಗಾರಿಕೆಯು ಎಷ್ಟು ಮುಂದುವರೆದಿದೆ ಎಂದರೆ ನೀನು ಹುಟ್ಟು ಕುರುಡರನ್ನು ಮತ್ತು ಕುಷ್ಠರೋಗಿಗಳನ್ನು ಗುಣಪಡಿಸುತ್ತಿರುವೆ, ಮತ್ತು ನೀನು ಇಂತಿಂತಹದ್ದನ್ನು ಮಾಡುತ್ತಿರುವೆ'. ಅವನು (ಬಾಲಕ) ಹೇಳಿದನು: 'ನಾನು ಯಾರನ್ನೂ ಗುಣಪಡಿಸುವುದಿಲ್ಲ, ಅಲ್ಲಾಹು ಮಾತ್ರ ಗುಣಪಡಿಸುತ್ತಾನೆ'. ಆಗ ಅವನು (ರಾಜ) ಅವನನ್ನು ಹಿಡಿದು, ಅವನು ಸನ್ಯಾಸಿಯ ಬಗ್ಗೆ ತಿಳಿಸುವವರೆಗೆ ಅವನಿಗೆ ಚಿತ್ರಹಿಂಸೆ ನೀಡಿದನು. ಸನ್ಯಾಸಿಯನ್ನು ಕರೆತರಲಾಯಿತು. ಅವನೊಂದಿಗೆ ಹೇಳಲಾಯಿತು: 'ನಿನ್ನ ಧರ್ಮವನ್ನು ಬಿಟ್ಟು ಬಾ'. ಅವನು (ಧರ್ಮವನ್ನು ಬಿಡಲು) ನಿರಾಕರಿಸಿದನು. ಆಗ ರಾಜನು ಗರಗಸವನ್ನು ತರಿಸಿದನು. ಗರಗಸವನ್ನು ಅವನ ತಲೆಯ ಮಧ್ಯಭಾಗದಲ್ಲಿ ಇರಿಸಿ, ಅವನನ್ನು ಎರಡು ತುಂಡುಗಳಾಗುವವರೆಗೆ ಸೀಳಿದನು. ನಂತರ ರಾಜನ ಆಸ್ಥಾನಿಕನನ್ನು ಕರೆತರಲಾಯಿತು. ಅವನೊಂದಿಗೆ ಹೇಳಲಾಯಿತು: 'ನಿನ್ನ ಧರ್ಮವನ್ನು ಬಿಟ್ಟು ಬಾ'. ಅವನು ನಿರಾಕರಿಸಿದನು. ಆಗ ಗರಗಸವನ್ನು ಅವನ ತಲೆಯ ಮಧ್ಯಭಾಗದಲ್ಲಿ ಇರಿಸಿ, ಅವನನ್ನು ಎರಡು ತುಂಡುಗಳಾಗುವವರೆಗೆ ಸೀಳಿದನು. ನಂತರ ಬಾಲಕನನ್ನು ಕರೆತರಲಾಯಿತು. ಅವನೊಂದಿಗೆ ಹೇಳಲಾಯಿತು: 'ನಿನ್ನ ಧರ್ಮವನ್ನು ಬಿಟ್ಟು ಬಾ'. ಅವನು ನಿರಾಕರಿಸಿದನು. ಆಗ ರಾಜನು ಅವನನ್ನು ತನ್ನ ಕೆಲವು ಸಹಚರರ (ಸೈನಿಕರ) ವಶಕ್ಕೆ ಒಪ್ಪಿಸಿದನು. ರಾಜ ಹೇಳಿದನು: 'ಇವನನ್ನು ಇಂಥಿಂಥ ಬೆಟ್ಟಕ್ಕೆ ಕರೆದೊಯ್ಯಿರಿ. ಅವನನ್ನು ಬೆಟ್ಟದ ಮೇಲೆ ಹತ್ತಿಸಿ. ನೀವು ಅದರ ಶಿಖರವನ್ನು ತಲುಪಿದಾಗ, ಒಂದು ವೇಳೆ ಅವನು ತನ್ನ ಧರ್ಮದಿಂದ ಹಿಂದೆ ಬಂದರೆ (ಸರಿ), ಇಲ್ಲದಿದ್ದರೆ ಅವನನ್ನು ಕೆಳಗೆ ಎಸೆಯಿರಿ'. ಅವರು ಅವನನ್ನು ಕರೆದೊಯ್ದು ಬೆಟ್ಟದ ಮೇಲೆ ಹತ್ತಿಸಿದರು. ಆಗ ಬಾಲಕನು ಹೇಳಿದನು: 'ಓ ಅಲ್ಲಾಹ್, ನೀನು ಬಯಸಿದ ರೀತಿಯಲ್ಲಿ ಅವರಿಂದ ನನ್ನನ್ನು ಕಾಪಾಡು'. ಆಗ ಬೆಟ್ಟವು ಅವರೊಂದಿಗೆ ಕಂಪಿಸಿತು, ಅವರು (ಸೈನಿಕರು) ಕೆಳಗೆ ಬಿದ್ದರು. ಬಾಲಕ ನಡೆದುಕೊಂಡು ರಾಜನ ಬಳಿಗೆ ಬಂದನು. ರಾಜನು ಕೇಳಿದನು: 'ನಿನ್ನ ಸಹಚರರು (ಸೈನಿಕರು) ಏನಾದರು?'. ಅವನು ಹೇಳಿದನು: 'ಅಲ್ಲಾಹು ಅವರಿಂದ ನನ್ನನ್ನು ಕಾಪಾಡಿದನು'. ಆಗ ರಾಜನು ಅವನನ್ನು (ಬೇರೆ) ಕೆಲವು ಸಹಚರರ ವಶಕ್ಕೆ ಒಪ್ಪಿಸಿದನು. ಅವನು ಹೇಳಿದನು: 'ಇವನನ್ನು ಕರೆದೊಯ್ದು ಒಂದು ಸಣ್ಣ ದೋಣಿಯಲ್ಲಿ ಹತ್ತಿಸಿ. ಅವನನ್ನು ಸಮುದ್ರದ ಮಧ್ಯಕ್ಕೆ ಕರೆದೊಯ್ಯಿರಿ. ಒಂದು ವೇಳೆ ಅವನು ತನ್ನ ಧರ್ಮದಿಂದ ಹಿಂದೆ ಬಂದರೆ (ಸರಿ), ಇಲ್ಲದಿದ್ದರೆ ಅವನನ್ನು ಸಮುದ್ರಕ್ಕೆ ಎಸೆಯಿರಿ'. ಅವರು ಅವನನ್ನು ಕರೆದೊಯ್ದರು. ಆಗ ಬಾಲಕನು ಹೇಳಿದನು: 'ಓ ಅಲ್ಲಾಹ್, ನೀನು ಬಯಸಿದ ರೀತಿಯಲ್ಲಿ ಅವರಿಂದ ನನ್ನನ್ನು ಕಾಪಾಡು'. ಆಗ ದೋಣಿ ಅವರೊಂದಿಗೆ ಮಗುಚಿಬಿದ್ದು, ಅವರು (ಸೈನಿಕರು) ಮುಳುಗಿಹೋದರು. ಬಾಲಕ ನಡೆದುಕೊಂಡು ರಾಜನ ಬಳಿಗೆ ಬಂದನು. ರಾಜನು ಕೇಳಿದನು: 'ನಿನ್ನ ಸಹಚರರು (ಸೈನಿಕರು) ಏನಾದರು?'. ಅವನು ಹೇಳಿದನು: 'ಅಲ್ಲಾಹು ಅವರಿಂದ ನನ್ನನ್ನು ಕಾಪಾಡಿದನು'. ಬಾಲಕನು ರಾಜನಿಗೆ ಹೇಳಿದನು: 'ನೀವು ನಾನು ಹೇಳುವಂತೆ ಮಾಡುವವರೆಗೆ ನನ್ನನ್ನು ಕೊಲ್ಲಲು ನಿಮಗೆ ಸಾಧ್ಯವಿಲ್ಲ'. ರಾಜನು ಕೇಳಿದನು: 'ಏನು ಮಾಡಬೇಕು?'. ಬಾಲಕನು ಹೇಳಿದನು: 'ನೀವು ಜನರನ್ನು ಒಂದು ಬಯಲು ಪ್ರದೇಶದಲ್ಲಿ ಒಟ್ಟು ಸೇರಿಸಿರಿ, ಮತ್ತು ನನ್ನನ್ನು ಒಂದು ಮರದ ಕಾಂಡದ ಮೇಲೆ ಶಿಲುಬೆಗೇರಿಸಿರಿ. ನಂತರ ನನ್ನ ಬತ್ತಳಿಕೆಯಿಂದ ಒಂದು ಬಾಣವನ್ನು ತೆಗೆದುಕೊಳ್ಳಿರಿ. ನಂತರ ಬಾಣವನ್ನು ಬಿಲ್ಲಿನ ನಡುಭಾಗದಲ್ಲಿ ಇರಿಸಿರಿ. ನಂತರ, "ಈ ಬಾಲಕನ ಪರಿಪಾಲಕನಾದ ಅಲ್ಲಾಹನ ಹೆಸರಿನಿಂದ" ಎಂದು ಹೇಳಿರಿ. ನಂತರ ನನ್ನ ಮೇಲೆ ಬಾಣವನ್ನು ಪ್ರಯೋಗಿಸಿರಿ. ನೀವು ಹೀಗೆ ಮಾಡಿದರೆ, ನೀವು ನನ್ನನ್ನು ಕೊಲ್ಲಬಹುದು'. ರಾಜನು ಜನರನ್ನು ಒಂದು ಬಯಲಿನಲ್ಲಿ ಒಟ್ಟುಗೂಡಿಸಿದನು, ಮತ್ತು ಬಾಲಕನನ್ನು ಒಂದು ಮರದ ಕಾಂಡದ ಮೇಲೆ ಶಿಲುಬೆಗೇರಿಸಿದನು. ನಂತರ ಅವನ ಬತ್ತಳಿಕೆಯಿಂದ ಒಂದು ಬಾಣವನ್ನು ತೆಗೆದುಕೊಂಡನು. ನಂತರ ಬಾಣವನ್ನು ಬಿಲ್ಲಿನ ಮಧ್ಯದಲ್ಲಿ ಇರಿಸಿದನು. ನಂತರ, "ಈ ಬಾಲಕನ ಪರಿಪಾಲಕನಾದ ಅಲ್ಲಾಹನ ಹೆಸರಿನಿಂದ" ಎಂದು ಹೇಳಿದನು. ನಂತರ ಅವನ ಮೇಲೆ ಬಾಣವನ್ನು ಪ್ರಯೋಗಿಸಿದನು. ಬಾಣವು ಅವನ ಕಿವಿಯ ಬಳಿ ಬಡಿಯಿತು. ಅವನು ಬಾಣ ಬಡಿದ ಸ್ಥಳದಲ್ಲಿ, ತನ್ನ ಕಿವಿಯ ಬಳಿ ಕೈಯಿಟ್ಟುಕೊಂಡು ಪ್ರಾಣಬಿಟ್ಟನು. ಆಗ ಜನರು (ಜೋರಾಗಿ) ಹೇಳಿದರು: 'ನಾವು ಈ ಬಾಲಕನ ಪರಿಪಾಲಕನಲ್ಲಿ ವಿಶ್ವಾಸವಿಟ್ಟೆವು! ನಾವು ಈ ಬಾಲಕನ ಪರಿಪಾಲಕನಲ್ಲಿ ವಿಶ್ವಾಸವಿಟ್ಟೆವು! ನಾವು ಈ ಬಾಲಕನ ಪರಿಪಾಲಕನಲ್ಲಿ ವಿಶ್ವಾಸವಿಟ್ಟೆವು!'. ಆಗ ರಾಜನ ಬಳಿಗೆ ಬಂದು ಹೇಳಲಾಯಿತು: 'ನೀನು ಯಾವುದಕ್ಕೆ ಹೆದರುತ್ತಿದ್ದೆಯೋ ಅದನ್ನು ನೋಡಿದೆಯಾ? ಅಲ್ಲಾಹನಾಣೆ, ನೀನು ಹೆದರಿದ್ದು ನಿನಗೆ ಸಂಭವಿಸಿದೆ. ಜನರು ವಿಶ್ವಾಸವಿಟ್ಟಿದ್ದಾರೆ'. ಆಗ ಅವನು ರಸ್ತೆಗಳ ದ್ವಾರಗಳಲ್ಲಿ ಅಗಲವಾದ ಹೊಂಡಗಳನ್ನು ತೋಡಲು ಆದೇಶಿಸಿದನು. ಅವುಗಳನ್ನು ತೋಡಲಾಗಿ ಬೆಂಕಿಯನ್ನು ಹೊತ್ತಿಸಲಾಯಿತು. ರಾಜ ಹೇಳಿದನು: 'ಯಾರು ಅವರ ಧರ್ಮದಿಂದ ಹಿಂದೆ ಬರುವುದಿಲ್ಲವೋ, ಅವರನ್ನು ಇದರಲ್ಲಿ ಎಸೆಯಿರಿ'. ಅಥವಾ ಅವರಿಗೆ ಹೇಳಲಾಯಿತು: 'ಇದರಲ್ಲಿ ಪ್ರವೇಶಿಸಿರಿ'. ಅವರು (ರಾಜನ ಸೈನಿಕರು) ಹಾಗೆಯೇ ಮಾಡಿದರು. ಕೊನೆಗೆ ಒಬ್ಬ ಮಹಿಳೆ ಬಂದಳು. ಅವಳೊಂದಿಗೆ ಅವಳ ಮಗುವೂ ಇತ್ತು. ಅವಳು ಅದರಲ್ಲಿ (ಬೆಂಕಿಯಲ್ಲಿ) ಬೀಳಲು ಹಿಂದೇಟು ಹಾಕಿದಳು. ಆಗ ಅವಳ ಮಗು ಅವಳಿಗೆ ಹೇಳಿತು: 'ಅಮ್ಮಾ, ತಾಳ್ಮೆಯಿಂದಿರು. ಖಂಡಿತವಾಗಿಯೂ ನೀನು ಸತ್ಯದ ಮೇಲಿರುವೆ!' ".
ಸಹೀಹ್ ಇದನ್ನು ಮುಸ್ಲಿಂ ವರದಿ ಮಾಡಿದ್ದಾರೆ.
التصنيف الشرعيسير الدعاة وواجباتهم، قصص وأحوال الأمم السابقة
"ಧರ್ಮವು ಹಿತಚಿಂತನೆಯಾಗಿದೆ." ನಾವು ಕೇಳಿದೆವು: "ಯಾರ ಹಿತಚಿಂತನೆ?" ಅವರು ಉತ್ತರಿಸಿದರು: "ಅಲ್ಲಾಹನ, ಅವನ ಗ್ರಂಥದ, ಅವನ ಸಂದೇಶವಾಹಕರ, ಮುಸ್ಲಿಂ ಆಡಳಿತಗಾರರ ಮತ್ತು ಮುಸ್ಲಿಂ ಜನಸಾಮಾನ್ಯರ ಹಿತಚಿಂತನೆ."
ಸಹೀಹ್ ಇದನ್ನು ಮುಸ್ಲಿಂ ವರದಿ ಮಾಡಿದ್ದಾರೆ.
التصنيف الشرعيالأخلاق الحميدة، فضل الدعوة إلى الله وأحكامها، حق الإمام على الرعية، الإسلامموضوعات الحديثالأمر بالمعروف والنهي عن المنكر، الدعوة إلى الله، النصيحة، أحكام الإمامةمحاور التعريف بالإسلاممحاسن الأخلاق
"ಜನರ ಪ್ರತಿಯೊಂದು ಕೀಲು (ಮೂಳೆಯ ಸಂಧಿ) ಯ ಮೇಲೂ, ಸೂರ್ಯನು ಉದಯಿಸುವ ಪ್ರತಿಯೊಂದು ದಿನವೂ ಸದಕಾ (ದಾನ ಮಾಡುವುದು) ಕಡ್ಡಾಯವಾಗಿದೆ. ಇಬ್ಬರ ನಡುವೆ ನ್ಯಾಯ ತೀರ್ಮಾನ ಮಾಡುವುದು ಸದಕಾ ಆಗಿದೆ. ಒಬ್ಬ ವ್ಯಕ್ತಿಗೆ ಅವನ ಸವಾರಿಯ ವಿಷಯದಲ್ಲಿ ಸಹಾಯ ಮಾಡಿ, ಅವನನ್ನು ಅದರ ಮೇಲೆ ಹತ್ತಿಸುವುದು, ಅಥವಾ ಅವನ ಸರಕನ್ನು ಅದರ ಮೇಲೆ ಎತ್ತಿಡುವುದು ಸದಕಾ ಆಗಿದೆ. ಒಳ್ಳೆಯ ಮಾತು ಸದಕಾ ಆಗಿದೆ. ನೀನು ನಮಾಝ್‌ಗಾಗಿ ನಡೆಯುವ ಪ್ರತಿಯೊಂದು ಹೆಜ್ಜೆಯೂ ಸದಕಾ ಆಗಿದೆ. ದಾರಿಯಿಂದ ತೊಂದರೆಯ ವಸ್ತುವನ್ನು ತೆಗೆದುಹಾಕುವುದು ಸದಕಾ ಆಗಿದೆ".
ಸಹೀಹ್ ಇದನ್ನು ಬುಖಾರಿ ಮತ್ತು ಮುಸ್ಲಿಂ ವರದಿ ಮಾಡಿದ್ದಾರೆ.
التصنيف الشرعيالأربعون النووية، خصائص الإسلام وفضله ومحاسنه
"ನಿಶ್ಚಯವಾಗಿಯೂ ಅಲ್ಲಾಹು ಪ್ರತಿಯೊಂದು ವಿಷಯದಲ್ಲೂ ಉತ್ತಮವಾಗಿ ವರ್ತಿಸುವುದನ್ನು ಕಡ್ಡಾಯಗೊಳಿಸಿದ್ದಾನೆ. ಆದ್ದರಿಂದ ನೀವು (ಪ್ರತೀಕಾರಕ್ಕಾಗಿ) ಕೊಲ್ಲುವಾಗ ಉತ್ತಮ ರೀತಿಯಲ್ಲಿ ಕೊಲ್ಲಿರಿ. ನೀವು (ಪ್ರಾಣಿಗಳನ್ನು ಮಾಂಸಕ್ಕಾಗಿ) ಕೊಯ್ಯುವಾಗ ಉತ್ತಮ ರೀತಿಯಲ್ಲಿ ಕೊಯ್ಯಿರಿ. ನಿಮ್ಮಲ್ಲೊಬ್ಬನು ಕೊಯ್ಯುವಾಗ ಚೂರಿಯನ್ನು ಹರಿತಗೊಳಿಸಲಿ ಮತ್ತು ಪ್ರಾಣಿಗೆ ನಿರಾಳತೆಯನ್ನು ನೀಡಲಿ."
ಸಹೀಹ್ ಇದನ್ನು ಮುಸ್ಲಿಂ ವರದಿ ಮಾಡಿದ್ದಾರೆ.
التصنيف الشرعيالتذكية، الأخلاق الحميدة، حقوق الحيوان في الإسلام، الإحسانموضوعات الحديثالرحمة، الإحسان إلى الخلقمحاور التعريف بالإسلاممحاسن الأخلاق
ಅಲ್ಲಾಹನ ಸಂದೇಶವಾಹಕರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಅವರ ಚಿಕ್ಕಪ್ಪರಿಗೆ ಹೇಳಿದರು: "ಅಲ್ಲಾಹನ ಹೊರತು ಆರಾಧನೆಗೆ ಅರ್ಹರಾದ ಅನ್ಯ ಆರಾಧ್ಯರಿಲ್ಲ ಎಂದು ಹೇಳಿರಿ. ಪುನರುತ್ಥಾನ ದಿನದಂದು ನಾನು ಅದರ ಮೂಲಕ ನಿಮ್ಮ ಪರವಾಗಿ ಸಾಕ್ಷಿ ಹೇಳುವೆನು." ಅವರು ಹೇಳಿದರು: "ಕುರೈಷರು ನನ್ನನ್ನು ಆಕ್ಷೇಪಿಸುವರು ಮತ್ತು ಅವರು (ಸಾವಿನ) ಭಯದಿಂದ ಹಾಗೆ ಹೇಳಿದರು ಎಂದು ನನ್ನ ಬಗ್ಗೆ ಹೇಳುವರೆಂಬ ಭಯವಿಲ್ಲದಿರುತ್ತಿದ್ದರೆ ನಾನು ನಿನ್ನ ಮಾತನ್ನು ಒಪ್ಪಿ, ನಿನಗೆ ಸಂತೋಷ ಉಂಟಾಗುವಂತೆ ಮಾಡುತ್ತಿದ್ದೆ." ಆಗ ಅಲ್ಲಾಹು ಈ ವಚನವನ್ನು ಅವತೀರ್ಣಗೊಳಿಸಿದನು: "ತಾವು ಪ್ರೀತಿಸುವವರನ್ನು ಸನ್ಮಾರ್ಗಕ್ಕೆ ತರಲು ತಮಗೆ ಸಾಧ್ಯವಿಲ್ಲ. ಆದರೆ ಅಲ್ಲಾಹು ಅವನು ಬಯಸಿದವರನ್ನು ಸನ್ಮಾರ್ಗಕ್ಕೆ ತರುತ್ತಾನೆ." [ಕಸಸ್: 56].
ಸಹೀಹ್ ಇದನ್ನು ಮುಸ್ಲಿಂ ವರದಿ ಮಾಡಿದ್ದಾರೆ.
التصنيف الشرعيأسباب النزول، فضائل التوحيد، فضل الدعوة إلى الله وأحكامها، العهد المكي بعد بعثته صلى الله عليه وسلم، الإيمان بالقضاء والقدر، توحيد الألوهية، الإسلامموضوعات الحديثالدعوة إلى الله، أهمية التوحيد، معنى «شهادة أن لا إله إلا الله»محاور التعريف بالإسلامفوائد الدخول في الإسلام، الخوف من نظرة الناس، النطق بالشهادتين