Encyclopedia of Prophetic Hadiths

((بیلال؛ قامه‌تێ بۆ كرنا نڤێژێ بگره‌، مه‌ ب وێ ڕحه‌ت بكه‌)).

((ئەز شیره‌تێ ب ته‌قوا خودێ ل هه‌وە دکەم و ب گوهداریکرن و بجهئینانا فەرمانا مه‌زن و ده‌ستهه‌لاتدارێ موسلمان، خۆ ئەگەر عەبدەکی فەرمان ل سەر وە کر و بۆ مه‌زنێ هه‌وه‌. چونکی ب ڕاستی هەر کەسێ ژ هەوە پشتی من بژیت؛ دێ گه‌له‌ك ڤێكنه‌كرن و جۆداهییێ بینیت. ڤێجا هه‌وه‌ ئه‌مانه‌ت سوننەتا من و سوننەتا خەلیفەیێن من یێن سه‌رڕاست، وێ ب ددانێن خۆ یێن پشتێ بگرن و پدییێن خۆ ل سه‌ر بشدینن و هشیاری كارێن داهێنایی (بیدعه‌یان) بن د دینیدا، چونكی ب ڕاستی هەر بیدعەیەکا هه‌بیت سه‌رداچوون و به‌رزه‌بوونه‌)).

((ل ڕۆژا قیامه‌تێ خۆ تشته‌ك د ته‌ڕازییا باوه‌رداریدا ژ ڕه‌وشتێ جوان گرانتر (و سه‌نگینتر) نینه‌، و ب ڕاستی خودێ كه‌رب ژ كه‌سێ ئاخڤتنن پیس و خه‌به‌ربێژ ڤه‌دبن)).

((دێ ب هه‌ڤالێ قورئانێ (ئه‌وێ پێگیر ب قورئانێ ب خواندن و ژبه‌ركرنێ و كار پێ دكه‌ت) هێته‌ گۆتن: بخوینه‌ و بلندبه‌، بخوینه‌ هه‌روه‌كی چاوا ته‌ د دونیایێدا دخواند، چونكی ب ڕاستی پله‌یا ته‌ یا ل ده‌ڤ دویماهیك ئایه‌تا تو دخوینی)).

((باوه‌ردارێ باوه‌رییا وی ژ یا هه‌مییان ته‌مامتر؛ ئه‌وه‌ یێ ڕه‌وشتێ وی ژ یێ هه‌مییان جوانتر، باشترینێ هه‌وه‌ ژی ئه‌وه‌ یێ ژ هه‌مییان باشتر بیت بۆ ئافره‌تێن مالا خۆ)).

((هه‌ر كه‌سێ خۆ وه‌كی هنده‌كێن دی لێ بكه‌ت؛ ئه‌و ژ وانه‌)).

((مالێن خۆ نه‌كه‌نه‌ گۆڕستان، قه‌برێ من ژی نه‌كه‌نه‌ جه‌ژن (كو به‌رده‌وام بهێنه‌ سه‌ر) و صه‌له‌واتان بده‌نه‌ سه‌ر من، چونكی ب ڕاستی هه‌ر جهێ هوین لێ بن؛ صه‌له‌واتێن هه‌وه‌ دگه‌هنه‌ من)).

((دوعا عیباده‌ت ب خۆیه‌))، پاشی ئه‌ڤ ئایه‌ته‌ خواند: {وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ} [غافر: 60]، ئانكو: ((و خودايێ هه‌وه‌ - گه‌لی عيباده‌تكه‌ران - گۆت: هوين دوعايان ژ من ب تنێ بكه‌ن و عيباده‌تێ من بكه‌ن ئه‌ز دێ د به‌رسڤا هه‌وه‌ هێم، هندى ئه‌ون يێن خۆ ژ باوه‌رى ئينانا ب په‌رستنا من ب تنێ مه‌زنتر لێ دكه‌ن، ئه‌و ب ڕه‌زيلی و شه‌رمزاریڤه‌ دێ چنه‌ جه‌هنه‌مێ)).