Skip to content
417 Hadiths

Encyclopedia of Prophetic Hadiths

Filter results

48 of 417 cards

Clear filters
((هه‌ر كه‌سێ ل جهه‌كى ب روينيته‌ خوار، پاشی گۆت: ئه‌ز خۆ ب په‌یڤێن خودێ یێن ته‌مام دپارێزم، ژ خرابییا وی تشتێ ئافراندی، خۆ تشته‌ك زیانێ ناگه‌هینیته‌ وی هه‌تا ئه‌و ژ وی جهی دچیت و باردكه‌ت)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيآداب وأحكام السفر، الأذكار للأمور العارضةموضوعات الحديثالذِّكْر
((مه‌ته‌لا وی باوه‌ردارێ قورئانێ دخوینیت؛ وه‌كی مه‌ته‌لا نارنجێیه‌ (فێقییه‌كێ تڕشه‌ وه‌كی لیمون و پڕته‌قالێیه‌، به‌لێ د قه‌باره‌یدا ژ وان مه‌زنتره‌)، تاما وێ یا خۆشه‌ و بێهنا وێ ژی یا خۆشه‌، و مه‌ته‌لا وی باوه‌ردارێ قورئانێ ناخوینیت؛ وه‌كی مه‌ته‌لا خورمێیه‌، چ بێهن نینن و تاما وێ یا شرینه‌، و مه‌ته‌لا وی مونافق و دووڕوییێ قورئانێ دخوینیت؛ وه‌كی مه‌ته‌لا ڕحانێیه‌، بێهنا وێ یا خۆشه‌ و تاما وێ یا ته‌عله‌، و مه‌ته‌لا وی مونافق و دووڕوییێ قورئانێ ناخوینیت؛ وه‌كی مه‌ته‌لا په‌تریشۆكێیه (گیایه‌كێ گه‌له‌ك ته‌عله‌، ژ لایێ شكلێ خۆڤه‌ وه‌كی شتییه، به‌لێ ب كێر خوارنێ ناهێت، ژ به‌ر كو گه‌له‌كێ ته‌عله و یێ ژه‌هراوییه)‌‌، چ بێهن نینن و تاما وێ یا ته‌عله‌)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيوصف القرآن وفضائله، الإيمان، النفاقموضوعات الحديثتلاوة القرآن، الإيمان
((هه‌ر كه‌سێ ب شه‌ڤێ هه‌ردوو ئایه‌تێن دویماهیكا سووڕه‌ت به‌قه‌ڕه‌ بخوینیت؛ ئه‌و تێرا وی هه‌نه‌)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيأذكار الصباح والمساء، فضائل السور والآياتموضوعات الحديثالذِّكْر، أذكار الليل، فضائل السور والآيات
((دوعا عیباده‌ت ب خۆیه‌))، پاشی ئه‌ڤ ئایه‌ته‌ خواند: {وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ} [غافر: 60]، ئانكو: ((و خودايێ هه‌وه‌ - گه‌لی عيباده‌تكه‌ران - گۆت: هوين دوعايان ژ من ب تنێ بكه‌ن و عيباده‌تێ من بكه‌ن ئه‌ز دێ د به‌رسڤا هه‌وه‌ هێم، هندى ئه‌ون يێن خۆ ژ باوه‌رى ئينانا ب په‌رستنا من ب تنێ مه‌زنتر لێ دكه‌ن، ئه‌و ب ڕه‌زيلی و شه‌رمزاریڤه‌ دێ چنه‌ جه‌هنه‌مێ)).
فه‌رمووده‌یه‌كا دروسته‌ ئه‌بو داوود و تیرمیزی و ئبن ماجه و ئیمام ئه‌حمه‌د ڤێ فه‌رمووده‌یێ ڤه‌دگوهێزن
التصنيف الشرعيفضل الدعاء، توحيد الألوهيةموضوعات الحديثالدعاءمحاور التعريف بالإسلاممعنى العبادة، وجوب إفراد الله بالعبادة
((ئه‌گه‌ر مرۆڤ چوو‌ مالا خۆ و ل ده‌مێ چوونێ و ل ده‌مێ خوارنێ ناڤێ خودێ ئینا و زكرێ وی كر، شه‌یتان دێ بێژیت: هوین نه‌ ل ڤێرێ دنڤن و نه‌ ل ڤێرێ‌ شیڤێ دخۆن، به‌لێ ئه‌گه‌ر چوو مال و ناڤێ خودێ نه‌ئینا، شه‌یتان دێ بێژیت: هه‌وه‌ جهێ نڤستنێ دیت و هوین گه‌هشتنێ و ئه‌گه‌ر ده‌مێ خوارنێ ژی ناڤێ خودێ نه‌ئینا، دێ بێژیت: هه‌وه‌ جهێ نڤستنێ و شیڤ ژی دیت و هوین گه‌هشتنێ)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيآداب الأكل والشرب، هدي النبي صلى الله عليه وسلم في الذكر، فوائد ذكر الله عز وجل، أذكار الدخول والخروج من المنزلموضوعات الحديثالذِّكْر، أذكار الليل، آداب الأكل والشرب
عه‌ره‌به‌كێ ده‌شتێ هاته‌ ده‌ڤ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) و گۆت: ئاخڤتنه‌كێ (زكره‌كی) نیشا من بده‌ دا بێژم، گۆت: ((بێژه‌: (لَا إِلَهَ إِلَّا اللهُ وَحْدَهُ لَا شَرِيكَ لَهُ، اللهُ أَكْبَرُ كَبِيرًا، وَالْحَمْدُ لِلَّهِ كَثِيرًا، سُبْحَانَ اللهِ رَبِّ الْعَالَمِينَ، لَا حَوْلَ وَلَا قُوَّةَ إِلَّا بِاللهِ الْعَزِيزِ الْحَكِيمِ)، ئانكو: ((ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئه‌و ئێكێ ب تنێیه‌ و وی چ شریك و هه‌ڤال نینن، خودێ مه‌زنترینه‌ و مه‌زناهییا ته‌مام بۆ وییه‌، حه‌مد و سوپاسییێن زێده‌ بۆ خودێنه‌، پاقژی و دویربوون ژ هه‌می كێماسییان هه‌ر بۆ خودایێ هه‌می جیهانانه‌، چ هێز و شیان نینن ژ بلی وێ هێزا خودایێ مه‌زن و دانا دده‌ت)). (ئه‌وی زه‌لامی) گۆت: ئه‌ڤه‌ هه‌می بۆ خودایێ من بوون، كا بۆ من‌؟ گۆت: ((بێژه‌: (اللهُمَّ اغْفِرْ لِي وَارْحَمْنِي وَاهْدِنِي وَارْزُقْنِي)، ئانكو: (خودایێ من؛ گونه‌هێن من ژێببه‌ و دلۆڤانییێ ب من ببه‌ و من ڕاسته‌ڕێ بكه‌ و ڕزقێ من بده‌)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيهدي النبي صلى الله عليه وسلم في الذكر، الأذكار المطلقة، الأدعية المأثورةموضوعات الحديثالدعاء، الذِّكْر
((پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆتارا پێدڤییاتییێ (خطبة الحاجة) نیشا مه‌ دا (ئه‌و یا ب ڤی ڕه‌نگییه‌، دێ بێژی): سوپاسی هەمی بۆ خودێ بن، ئەم سوپاسییا وی دکەین و داخوازا هاریکارییێ ژ وی ب تنێ دکەین و داخوازا ژێبرنا گونەهان ژ وی دکەین، ئەم خۆ ب خودێ د پارێزین ژ خرابییێن نەفسێن خۆ، هەر کەسێ خودێ ڕاستەڕێ کر؛ کەس نەشێت وی د سەردا ببەت و هەر کەسێ خودێ ئه‌و ژ ڕێكێ لادا؛ کەس نەشێت وی ڕاستەڕێ بکەت، ئه‌ز شاهده‌ییێ دده‌م كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و ئه‌ز شاهده‌ییێ دده‌م كو موحه‌ممه‌د پێغه‌مبه‌رێ خودێیه‌، {يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً وَاتَّقُوا اللَّهَ الَّذِي تَسَاءَلُونَ بِهِ والأرحام إن الله كان عليكم رقيبا} [النساء: 1]، ئانكو: ((گه‌لى مرۆڤان ژ وى خودایی بترسن يێ هوين ژ نه‌فسه‌كا ب تنێ كو ئاده‌مه‌ (سلاڤ لێ بن) ئافراندين و جووتێ وێ كو حه‌ووايه‌ ژێ ئافراندى، وى ژ وان هه‌ردووکان گه‌له‌ك زه‌لام و گه‌له‌ك ژن ل ئه‌ردى به‌لاڤ كرن، ته‌قوا وى خودايى بكه‌ن يێ هنده‌ك ژ هه‌وه‌ ب وى خواستنێ ژ هنده‌كان دكه‌ن و هشيار بن مرۆڤاينیێ د ناڤبه‌را خۆدا نه‌بڕن. هندى خودێیه‌ ل سه‌ر هه‌مى كارێن هه‌وه‌ يێ زێره‌ڤانه‌))، {يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ} [آل عمران: 102]، ئانكو: ((ئه‌ى ئه‌وێن باوه‌رى ئيناى، ب دروستى هوين ژ خودێ بترسن: وه‌سا كو هوين گوهدارییا وى بكه‌ن وبێ ئه‌مرییا وى نه‌كه‌ن و شوكرا وى بكه‌ن و كافرییێ پێ نه‌كه‌ن، و ل بيرا خۆ بينن و ژبير نه‌كه‌ن و به‌رده‌وام خۆ ب ئيسلاما خۆڤه‌ بگرن هه‌تا هوين دمرن؛ دا هوين بگه‌هنه‌ خودێ و هوين د موسلمان))، {يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا (70) يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا} [الأحزاب:70 - 71]، ئانكو: ((ئه‌ى گه‌لی ئه‌وێن باوه‌رى ب خودێ ئيناى و دويكه‌ڤتنا پێغه‌مبه‌رى كرى، هوين ته‌قوا خودێ بكه‌ن و ژ وى بترسن و بێئه‌مرییا وى نه‌كه‌ن، دا هێژاى عه‌زابا وى نه‌بن، هوين د هه‌مى ڕەوشاندا گۆتنه‌كا ڕاست و دروست يا دوير ژ دره‌وێ بێژن ئه‌گه‌ر هوين ته‌قوا خودێ بكه‌ن و گۆتنه‌كا ڕاست و دروست بێژن خودێ كارێن هه‌وه‌ دێ بۆ هه‌وه‌ چاك كه‌ت و گونه‌هێن هه‌وه‌ بۆ هه‌وه‌ ژێبه‌ت. هه‌چییێ گوهدارییا خودێ و پێغه‌مبه‌رێ وى د فه‌رمانێن واندا بكه‌ت ب ڕاستى ئـه‌و ب سه‌ركه‌ڤتنه‌كا مه‌زن د دونيايێ و ئاخره‌تێدا ب سه‌ركه‌ڤت)).
فه‌رمووده‌یه‌كا دروسته‌ ئه‌بو داوود و تیرمیزی و نه‌سائی و ئبن ماجه و ئه‌حمه‌د ڤێ فه‌رمووده‌یێ ڤه‌دگوهێزن
التصنيف الشرعيالأدعية المأثورة، أحكام خطبة وصلاة الجمعة، أحكام وشروط النكاحموضوعات الحديثالذِّكْر، أحكام الأسرة، التقوى، صلاة الجمعة
پێغه‌مبه‌ری (صه‌لات و سه‌لامێن خودێ ل سه‌ر بن) پشتی هه‌ر نڤێژه‌كا فه‌ڕز دگۆت: «لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ، اللَّهُمَّ لَا مَانِعَ لِمَا أَعْطَيْتَ، وَلَا مُعْطِيَ لِمَا مَنَعْتَ، وَلَا يَنْفَعُ ذَا الْجَدِّ مِنْكَ الْجَدُّ»، ئانكو: ((ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئه‌و ئێكێ ب تنێیه‌ و وی چ شریك و هه‌ڤال نینن، مولك و ده‌ستهه‌لات و حه‌مد و سوپاسی هه‌می بۆ وینه‌، ئه‌و ل سه‌ر هه‌ر تشته‌كی یێ خودان شیانه‌، خودایێ من؛ چ ڕێگر نینن بۆ تشته‌كێ ته‌ دابیت و بۆ تشته‌كێ ته‌ قه‌ده‌غه‌ كربیت كه‌سه‌ك نه‌شێت بده‌ت، مال و سامان و مه‌زناهی (ل ڕۆژا قیامه‌تێ) مفای ناگه‌هیننه‌ خودانێ خۆ ل هه‌مبه‌ر ته‌)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيأذكار الصلاةموضوعات الحديثالذِّكْر، الأذكار الشرعية، الإيمان بالقدر خيره وشره