Skip to content
417 Hadiths

Encyclopedia of Prophetic Hadiths

Filter results

9 of 417 cards

Clear filters
Filter
Pick a property to filter by
الفئة المستهدفة2
حجم المحتوى4
التخريج المتعدد2
الخلفية الدينية للمستهدف6
التصنيف العقدي1
ده‌مێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) موعازێ كوڕێ جه‌به‌لی هنارتییه‌ یه‌مه‌نێ، گۆته‌ وی: ((بزانه‌ تو دێ چییه‌ د ناڤ هنده‌ك كه‌سێن خودانێن په‌ڕتووكێدا، ڤێجا ئه‌گه‌ر تو چوویه‌ د ناڤ واندا؛ ده‌ستپێكێ تو گازی وان بكه‌ ئه‌و شاهده‌ بده‌ن كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د پێغه‌مبه‌رێ خودێیه‌، ئه‌گه‌ر وان بۆ ڤێ چه‌ندێ گوهدارییا ته‌ كر، هنگی تو بێژه‌ وان كو خودێ د هه‌ر شه‌ڤه‌ك و ڕۆژه‌كێدا پێنج نڤێژ یێن ل سه‌ر وان فه‌ڕزكرین و ئه‌گه‌ر بۆ ڤێ چه‌ندێ گوهدارییا ته‌ كر، هنگی تو بێژه‌ وان كو خودێ صه‌ده‌قه‌یه‌ك (زه‌كات) یا ل سه‌ر وان فه‌ڕزكری، ژ زه‌نگینێن وان دهێته‌ وه‌رگرتن و ل سه‌ر هه‌ژارێن وان دهێته‌ دابه‌شكرن، ئه‌گه‌ر وان بۆ ڤێ چه‌ندێ گوهدارییا ته‌ كر، هنگی هشیاربه‌ نه‌چی مالێ وان یێ ژ هه‌مییان باشتر ژ وان وه‌ربگری و خۆ ژ دوعایێن مرۆڤێ سته‌ملێكری بپارێزه‌، چونكی ب ڕاستی چ په‌رده‌ و ناڤبڕ د ناڤبه‌را دوعایا وی و خودێدا نینن)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيفضل الدعوة إلى الله وأحكامها، وجوب الصلاة وفضلها وحكم تاركها، وجوب الزكاة وحكم تاركها، مصارف الزكاة، دعوة غير المسلمين، الإسلامموضوعات الحديثالدعوة إلى الله، الظلممحاور التعريف بالإسلامأركان الإسلام، الإسلام هو الدين الحق
((هه‌ر كه‌سێ گازییێ بۆ ڕێكه‌كا ڕاست بكه‌ت، خێرا وی وه‌كی خێرا وان كه‌سان هه‌مییانه‌‌ یێن ل دویڤ وی كه‌ڤتین، بێی كو تشته‌ك ژ خێرا وان كێم ببیت، و هه‌ر كه‌سێ گازییێ بۆ ڕێكه‌كا لادان و سه‌رداچوونێ بكه‌ت، گونه‌ها وی وه‌كی گونه‌ها وان كه‌سان هه‌مییانه‌‌ یێن ل دویڤ وی كه‌ڤتین، بێی كو تشته‌ك ژ گونه‌ها وان كێم ببیت)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيالبدعة، فضل الدعوة إلى الله وأحكامهاموضوعات الحديثنشر العلم بالدعوة إلى الله، الدعوة إلى الله
زه‌لامه‌ك هاته‌ ده‌ڤ پێغەمبەری (صه‌لات و سه‌لامێن خودێ ل سه‌ر بن) و گۆت: ده‌وارێ من یێ مری، ڤێجا ده‌واره‌كی بده‌ من لێ سویار بم، ئینا گۆت: ((من (چ ده‌وار) نینن))، ئینا زه‌لامه‌كی گۆت: ئه‌ی پێغه‌مبه‌رێ خودێ؛ ئه‌ز دێ به‌رێ وی ده‌مه‌ ئێكی كو ده‌واره‌كی بده‌تێ، پێغەمبەرێ خودێ (صه‌لات و سه‌لامێن خودێ ل سه‌ر بن) گۆت: ((هەر کەسێ به‌رێ ئێكی بده‌ته‌ خێر و باشییه‌كێ، دێ هندی وی كه‌سێ وێ خێرێ دكه‌ت؛ خێر گه‌هیته‌ وی كه‌سێ به‌رێ وی دایێ)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيفضائل الأعمال الصالحة، الأخلاق الحميدة، فضل الدعوة إلى الله وأحكامهاموضوعات الحديثنشر العلم بالدعوة إلى الله، الدعوة إلى الله، قضاء حوائج المسلمين، التعاون على البر والتقوى
((كاروباران ب ساناهی بێخن و ب زه‌حمه‌ت نه‌ئێخن، مزگینییێ بده‌ن و خه‌لكی نه‌ڕه‌ڤینن)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالأخلاق الحميدة، سير الدعاة وواجباتهم، خصائص الإسلام وفضله ومحاسنهموضوعات الحديثالدعوة إلى الله، حسن الخلقمحاور التعريف بالإسلاممحاسن الأخلاق
((دین شیره‌ته‌)) من گۆت: بۆ كێ؟ گۆت: ((بۆ خودێ، بۆ په‌ڕتووكا وی، بۆ پێغه‌مبه‌رێ وی، بۆ مه‌زنێن موسلمانان و بۆ هه‌می موسلمانان)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيالأخلاق الحميدة، فضل الدعوة إلى الله وأحكامها، حق الإمام على الرعية، الإسلامموضوعات الحديثالأمر بالمعروف والنهي عن المنكر، الدعوة إلى الله، النصيحة، أحكام الإمامةمحاور التعريف بالإسلاممحاسن الأخلاق
ده‌مێ ئه‌بو طالب كه‌ڤتییه‌ د سه‌كه‌راتێن مرنێدا، پێغه‌مبه‌رێ خودێ (صه‌لات و سه‌لامێن خودێ ل سه‌ر بن) هاته‌ ده‌ڤ وی و وی ده‌می ئه‌بو جه‌هل و عه‌بدولڵاھێ كوڕێ ئه‌بی ئومه‌ییه‌یێ کوڕێ موغیرەی ژی ل ده‌ڤ وی بوون، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((مامۆ، بێژه‌: (لا إله إلا الله)، ئه‌و په‌یڤه‌كه‌ ئه‌گه‌ر ته‌ گۆت؛ ئه‌ز دێ ل ده‌ڤ خودێ به‌ڕه‌ڤانییێ پێ ژ ته‌ كه‌م))، ئینا ئه‌بو جه‌هل و عه‌بدولڵاھێ كوڕێ ئه‌بی ئومه‌ییه‌ی گۆت: ئه‌رێ تو دێ ده‌ست ژ ئایینێ عه‌بدولموطه‌لیبی به‌رده‌ی؟ ڤێجا پێغه‌مبه‌ری (صه‌لات و سه‌لامێن خودێ ل سه‌ر بن) هه‌ر دگۆتێ بێژه‌ و وان ژی هه‌ر به‌رسڤا وی ددا ب وێ گۆتنا خۆ، هه‌تا ئاخڤتنا دویماهیكێ یا ئه‌بو طالبی گۆتی ئه‌ڤه‌ بوو: ئه‌ز یێ ل سه‌ر ئایینێ عه‌بدولموطه‌لیبی‌ و ڕازی نه‌بوو بێژیت (لا إله إلا الله). پاشی پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((سویند ب خودێ ئه‌ز دێ داخوازا ژێبرنا گونه‌هان بۆ ته‌ ژ خودێ كه‌م هندی خودێ ڕێگرییێ ل من نه‌كه‌ت))، ئینا خودایێ مه‌زن ئه‌ڤ ئایه‌ته‌ ئینا خوار: {مَا كَانَ لِلنَّبِيِّ وَالَّذِينَ آمَنُوا أَنْ يَسْتَغْفِرُوا لِلْمُشْرِكِينَ} [التوبة: 113]، ئانكو: ((نه‌ بۆ پێغه‌مبه‌ری و نه‌ بۆ ئه‌وێن باوه‌ری ئینای نه‌بوویه‌ كو داخوازا لێبوورینێ بۆ موشركان بكه‌ن)). خودایێ مه‌زن ده‌رباره‌ی ئه‌بو طالبی ئایه‌ته‌ك ئینا خوار و گۆته‌ پێغه‌مبه‌ری (صه‌لات و سه‌لامێن خودێ ل سه‌ر بن): {إِنَّكَ لا تَهْدِي مَنْ أَحْبَبْتَ وَلَكِنَّ اللهَ يَهْدِي مَنْ يَشَاءُ} [القصص: 56]، ئانكو: ((تو نه‌شێی وی كه‌سی ب هیدایه‌ت بینی یێ تو حه‌ز ژێ دكه‌ی، به‌لكی خودێ هیدایه‌تا وی كه‌سی دده‌ت یێ وی بڤێت)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالتفسير، أحكام الولاء والبراء، أسباب النزول، الدعوة إلى الله، الشركموضوعات الحديثالدعوة إلى الله، معاداة الكفار، معنى «شهادة أن لا إله إلا الله»، القرآن وعلومهمحاور التعريف بالإسلامالتعلق بالدين الموروث، النطق بالشهادتين
«سوباهی ئه‌ز دێ ڤی ئالایی كه‌مه‌ د ده‌ستێ‌ زه‌لامه‌كیدا كو خودێ دێ وی جهێ د چیتێ ل سه‌ر ده‌ستێ وی ڤه‌كه‌ت، ئه‌و حه‌ز ژ خودێ و پێغه‌مبه‌ری دكه‌ت و خودێ و پێغه‌مبه‌ر ژی حه‌ز ژ وی دكه‌ن». گۆت: خه‌لكی هه‌می شه‌ڤا خۆ ب وێ چه‌ندێڤه‌ بره‌ سه‌ری كا دێ ئالا ب كێ هێته‌ دان، ده‌مێ بوویه‌ سپێده؛‌ چوونه‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و هه‌مییان هیڤی دكر كو ئالا ب وی بهێته‌ دان، ئینا (پێغه‌مبه‌ری صه‌لات و سه‌لامێن خودێ ل سه‌ر بن) گۆت: «عه‌لییێ كوڕێ ئه‌بو طالبی ل كیڤه‌یه‌‌؟» گۆتن: ئه‌ی پێغه‌مبه‌رێ خودێ؛ ئه‌و یێ نه‌ساخه‌ و چاڤێن وی دئێشن، گۆت: «كه‌سه‌كی فڕێكه‌نه‌ ب دویڤ ویڕا»، ئینا ئه‌و هاته‌ ئینان و پێغه‌مبه‌ری (صه‌لات و سه‌لامێن خودێ ل سه‌ر بن) تفا خۆ ل چاڤێن وی دا و دوعا بۆ كرن، چاڤێن وی چێبوون دا بێژی چ ئێش لێ نه‌بوون، ئینا ئالا دا ده‌ستێ وی. عه‌لی گۆت: ئه‌ی پێغه‌مبه‌رێ خودێ؛ ئه‌رێ ئه‌ز دێ شه‌ڕی د گه‌ل كه‌م هه‌تا وه‌كی مه‌ لێ بهێن (ببنه‌ موسلمان)؟ گۆت: «ل سه‌ر ‌خۆ هه‌ڕه‌ هه‌تا دگه‌هییه‌ ده‌ڤ وان، پاشی وان بۆ ئیسلامێ گازی بكه‌ و ئه‌و مافێ خودێ ل سه‌ر وان هه‌ی و ل سه‌ر وان فه‌ڕز كری بۆ وان ڕوهن بكه‌، چونكی ئه‌ز ب خودێ كه‌مه‌ ئه‌گه‌ر خودێ ب ڕێكا ته‌ زه‌لامه‌كێ ب تنێ ب هیدایه‌ت بینیت؛ بۆ ته‌ باشتره‌ ژ هندێ كو حێشترێن سۆر (كو گرانترین مالێ عه‌ره‌بان بوو) بۆ ته‌‌بن».
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالصحابة وفضلهم، الطب والتداوي والرقية الشرعية، فضل الدعوة إلى الله وأحكامها، غزواته وسراياه صلى الله عليه وسلم، أحكام ومسائل الجهاد وآدابه، دلائل النبوةموضوعات الحديثالدعوة إلى الله، الصحابة رضي الله عنهممحاور التعريف بالإسلاملا يقبل الله غير دين الإسلام، عدل الإسلام
پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆته‌ مامێ خۆ (ئه‌بو طالبی): ((بێژه‌: ژ خودێ پێڤه‌تر چ خودایێن ژ هه‌ژی په‌رستنێ نینن (لَا إِلَهَ إِلَّا اللهُ)، ل ڕۆژا قیامه‌تێ ئه‌ز دێ بۆ ته‌ شاهده‌ییێ پێ ده‌م))، گۆت: ئه‌گه‌ر ژ به‌ر هندێ نه‌با قوڕه‌یشی دێ لۆمه‌ی من كه‌ن و دێ بێژن: ترسا ژ مرنێ ئه‌و بۆ ڤی كاری پالدا! ئه‌ز دا چاڤێن ته‌ پێ ڕۆهن و گه‌ش كه‌م، ئینا خودێ ئه‌ڤ ئایه‌ته‌ ئینا خوار: {إِنَّكَ لا تَهْدِي مَنْ أَحْبَبْتَ وَلَكِنَّ اللهَ يَهْدِي مَنْ يَشَاءُ } [القصص: 56]، ئانكو: ((هندى تويى تو ته‌وفيقا وى بۆ هيدايه‌تێ ناده‌ى يێ ته‌ هيدايه‌تا وى بڤێت، به‌لكى ئه‌و چه‌نده‌ ب ده‌ستێ خودێیه‌ هه‌چییێ وى بڤێت ئه‌و به‌رێ وى بده‌ته‌ ئيمانێ ئه‌و وى ب هيدايه‌ت دئينیت و ته‌وفيقا وى دده‌ت، ئه‌و ب وى زاناتره‌ يێ هێژاى هـيـدايـه‌تـێ بیـت له‌و وى ب هيدايه‌ت دئينیت)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيأسباب النزول، فضائل التوحيد، فضل الدعوة إلى الله وأحكامها، العهد المكي بعد بعثته صلى الله عليه وسلم، الإيمان بالقضاء والقدر، توحيد الألوهية، الإسلامموضوعات الحديثالدعوة إلى الله، أهمية التوحيد، معنى «شهادة أن لا إله إلا الله»محاور التعريف بالإسلامفوائد الدخول في الإسلام، الخوف من نظرة الناس، النطق بالشهادتين