Skip to content
417 Hadiths

Encyclopedia of Prophetic Hadiths

Filter results

32 of 417 cards

Clear filters
ئۆم سه‌له‌مه‌یێ بۆ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) به‌حسێ كەنیسەیەکێ كر كو وێ یا ل ئه‌ردێ حه‌به‌شه‌ دیتی، دگۆتنێ (ماریا)، ڤێجا به‌حسێ وان وێنەیێن وێ تێدا دیتین بۆ وی كر، ئینا پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((‌ ئه‌و ملله‌ته‌كه‌ ئه‌گه‌ر عه‌بده‌كێ باش یان زه‌لامه‌كێ باش د ناڤ واندا مربا؛ دا مزگه‌فته‌كێ ل سه‌ر گۆڕێ وی ئاڤا كه‌ن و دا ئه‌وان وێنه‌یان تێدا چێكه‌ن، ب ڕاستی ئه‌و‌ خرابترین چێكرینه‌ ل ده‌ڤ خودێ)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيأحكام المساجد، توحيد الألوهية، الشركموضوعات الحديثالتصوير، أهمية التوحيد، اتخاذ القبور مساجدمحاور التعريف بالإسلامبطلان الشرك وصوره
((مه‌ته‌لا وی باوه‌ردارێ قورئانێ دخوینیت؛ وه‌كی مه‌ته‌لا نارنجێیه‌ (فێقییه‌كێ تڕشه‌ وه‌كی لیمون و پڕته‌قالێیه‌، به‌لێ د قه‌باره‌یدا ژ وان مه‌زنتره‌)، تاما وێ یا خۆشه‌ و بێهنا وێ ژی یا خۆشه‌، و مه‌ته‌لا وی باوه‌ردارێ قورئانێ ناخوینیت؛ وه‌كی مه‌ته‌لا خورمێیه‌، چ بێهن نینن و تاما وێ یا شرینه‌، و مه‌ته‌لا وی مونافق و دووڕوییێ قورئانێ دخوینیت؛ وه‌كی مه‌ته‌لا ڕحانێیه‌، بێهنا وێ یا خۆشه‌ و تاما وێ یا ته‌عله‌، و مه‌ته‌لا وی مونافق و دووڕوییێ قورئانێ ناخوینیت؛ وه‌كی مه‌ته‌لا په‌تریشۆكێیه (گیایه‌كێ گه‌له‌ك ته‌عله‌، ژ لایێ شكلێ خۆڤه‌ وه‌كی شتییه، به‌لێ ب كێر خوارنێ ناهێت، ژ به‌ر كو گه‌له‌كێ ته‌عله و یێ ژه‌هراوییه)‌‌، چ بێهن نینن و تاما وێ یا ته‌عله‌)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيوصف القرآن وفضائله، الإيمان، النفاقموضوعات الحديثتلاوة القرآن، الإيمان
((نموونه‌یا باوه‌رداران د حه‌زژێكرن و دلۆڤانی و دلپێڤه‌بوونا وان بۆ ئێكودوو، وه‌كی مه‌ته‌لا له‌شییه‌، ئه‌گه‌ر ئه‌ندامه‌ك ژێ بئێشیت، له‌ش هه‌می‌ دێ گازی ئێك كه‌ت و ژ بێخه‌وی و تایا نه‌خۆشییێ د گه‌ل دئێشیت)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيأحكام الولاء والبراء، المجتمع المسلم، الأخلاق الحميدة، الإسلامموضوعات الحديثالرحمة، موالاة المؤمنين، المحبةمحاور التعريف بالإسلاممحاسن الأخلاق
((ب ڕاستی گرانترین نڤێژ ل سه‌ر مونافقان نڤێژا عه‌یشا و نڤێژا سپێدێیه‌ و ئه‌گه‌ر وان زانیبا كا چ خێر و خه‌لات تێدانه‌، دا هێنێ ئه‌گه‌ر خۆ ل سه‌ر چۆكان بایه‌، و من كربوو دلێ خۆ كو فه‌رمانێ بكه‌م قامه‌ت بۆ نڤێژێ بهێته‌ گرتن و پاشی فه‌رمانێ ل زه‌لامه‌كی بكه‌م نڤێژێ ل به‌را خه‌لكی بكه‌ت، پاشى د گه‌ل هنده‌ك زه‌لامان چه‌ند باره‌كێن داران د گه‌ل خۆ ببه‌م و بچینه‌ وی خه‌لكێ ئاماده‌یی نڤێژێ نه‌بووین و خانیێن وان ب سه‌ر واندا ب سۆژم)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيوجوب الصلاة وفضلها وحكم تاركها، فضل صلاة الجماعة وأحكامها، النفاقموضوعات الحديثصلاة الجماعة
پێغه‌مبه‌ری (صه‌لات و سه‌لامێن خودێ ل سه‌ر بن) ده‌رباره‌ی ئه‌نصاڕییان گۆت: ((كه‌س حه‌ز ژ وان ناكه‌ت ب تنێ باوه‌ردار نه‌بیت، و كه‌سێ كه‌رب ژ وان ڤه‌نابن ب تنێ مونافق نه‌بیت، هه‌ر كه‌سێ حه‌ز ژ وان بكه‌ت؛ خودێ دێ حه‌ز ژێ كه‌ت، و هه‌ر كه‌سێ كه‌رب ژ وان ڤه‌ببن؛ خودێ ژی دێ كه‌رب ژ وی ڤه‌بن)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالصحابة وفضلهم، النفاقموضوعات الحديثالحب في الله والبغض في الله، الصحابة رضي الله عنهم
((ئه‌رێ ما ئه‌ز بۆ هه‌وه‌ نه‌بێژم كا مه‌زنترین گونه‌ھ كیژكن؟)) سێ جاران ئه‌ڤه‌ گۆت، وان گۆت: به‌لێ ئه‌ی پێغه‌مبه‌رێ خودێ، گۆت: ((دروستكرنا شركێ بۆ خودێ، خرابییا د گه‌ل دایك و بابان)) و ڕوینشت و به‌ری هنگی یێ پالڤه‌دایی بوو و گۆت: ((هشیاری گۆتن (و شاهده‌دانا) ژ دره‌و بن))، گۆت: ڤێجا ئه‌ڤ گۆتنه‌ هه‌ر دووباره‌ دكر، هه‌تا مه‌ گۆت: خۆزی بێده‌نگ ببا.
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالأخلاق الذميمة، ذم المعاصي، الشركموضوعات الحديثعقوق الوالدين، قول الزور، الشرك بالله وأقسامهمحاور التعريف بالإسلامبطلان الشرك وصوره
((عه‌دوا (ڤه‌گوهاستنا نه‌خۆشییێ ژ ئێكی بۆ ئێكی ب خۆرستی ئانكو ئه‌و ب خۆ كارتێكرنێ بكه‌ت) نينه‌ (به‌لكی ئه‌و ب حه‌زا خودێیه‌)، طيه‌ره‌ (فالگرتن ب بالنده‌یان و تشتێن دی) نينه‌ و كه‌یفا من ب گه‌شبینییێ (فه‌ئلێ) دهێت)) گۆتن: فه‌ئل چییه‌؟ گۆت: ((په‌یڤا خۆش و جوانه‌)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيآداب الكلام والصمت، توحيد الألوهية، الشركموضوعات الحديثحفظ اللسان، أهمية التوحيد، الشرك بالله وأقسامهمحاور التعريف بالإسلامبطلان الشرك وصوره، محاسن الأخلاق
ده‌مه‌كی ئه‌م د مزگه‌فتێڤه‌ د گه‌ل پێغه‌مبه‌ری (صه‌لات و سه‌لامێن خودێ ل سه‌ر بن) د ڕوینشتی بووین، ژ نیشكه‌كێڤه‌ زه‌لامه‌ك ل سه‌ر حێشتره‌كێ هات، حێشترا خۆ ل ناڤ مزگه‌فتێ ل سه‌ر چۆكان ڕاگرت و پاشی گرێدا، پاشی گۆته‌ وان: كیژ ژ هه‌وه‌ موحه‌ممه‌ده‌؟ و پێغه‌مبه‌ر (صه‌لات و سه‌لامێن خودێ ل سه‌ر بن) د ناڤ واندا یێ ڕوینشتی بوو و پالڤه‌دابوو، مە ژی گۆته‌ وی: ئاها ئه‌ڤ زه‌لامێ سپی یێ پالڤه‌داییه‌. ئینا وی زه‌لامی گۆته‌ پێغه‌مبه‌ری (صه‌لات و سه‌لامێن خودێ ل سه‌ر بن): ئه‌ی كوڕێ عه‌بدولموطه‌لیبی! پێغه‌مبه‌ری ژی (صه‌لات و سه‌لامێن خودێ ل سه‌ر بن) گۆته‌ وی: ((من به‌رسڤا ته‌ دا))، زه‌لامی گۆته‌ پێغه‌مبه‌ری (صه‌لات و سه‌لامێن خودێ ل سه‌ر بن): ئه‌ز دێ هنده‌ك پرسیاران ژ ته‌ كه‌م و دێ د پرسیاركرنا خۆدا ل سه‌ر ته‌ گران و نه‌خۆش كه‌م، ڤێجا ژ من توڕه‌ نه‌به‌ و بلا دلێ ته‌ ژ من نه‌مینیت و چ نه‌كه‌ دلێ خۆ! پێغه‌مبه‌ری (صه‌لات و سه‌لامێن خودێ ل سه‌ر بن) گۆتێ: ((پرسیارا ته‌ دڤێت بكه‌))، گۆت: ئه‌ز ته‌ ب خودایێ ته‌ و خودایێ یێن به‌ری ته‌ دده‌مه‌ سویندێ؛ ئه‌رێ ژ ڕاستا خودێ تو بۆ هه‌می مرۆڤان هنارتییه‌؟ گۆت: ((به‌لێ)). گۆت: ئه‌ز ته‌ ب خودێ دده‌مه‌ سویندێ، ئه‌رێ خودێ فه‌رمان ل ته‌ كرییه‌ ئه‌م د شه‌ڤه‌ك و ڕۆژه‌كێدا پێنج نڤێژان بكه‌ین؟ گۆت: ((به‌لێ)). گۆت: ئه‌ز ته‌ ب خودێ دده‌مه‌ سویندێ؛ ئه‌رێ خودێ فه‌رمان ل ته‌ كرییه‌ ئه‌م د ڤێ هه‌یڤێدا ژ سالێ ب ڕۆژی بین؟ گۆت: ((به‌لێ)). گۆت: ئه‌ز ته‌ ب خودێ دده‌مه‌ سویندێ؛ ئه‌رێ خودێ فه‌رمان ل ته‌ كرییه‌ تو ڤێ زه‌كاتێ ژ زه‌نگینێن مه‌ وه‌ربگری و ل سه‌ر هه‌ژارێن مه‌ دابه‌ش بكه‌ی؟ پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((به‌لێ)). ئینا وی زه‌لامی گۆت: من باوه‌ری ب تشتێ تو پێ هاتی ئینا و ئه‌ز هنارتیمه‌ بۆ وان كه‌سێن من ل پشت خۆ هێلاین ژ ملله‌تێ خۆ، و ئه‌ز ضه‌مامێ كوڕێ سه‌عله‌بەیمه‌ براگه‌وره‌يێ هۆزا سه‌عدێ كوڕێ به‌كری.
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالدعوة إلى الله، وجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، الإيمان بالله عز وجل، الإيمان بنبينا محمد صلى الله عليه وسلم، الإسلامموضوعات الحديثالزكاة ومكانتها، الصوم الواجب، الدعوة إلى الله، التواضع، حقوق النبي ﷺ، مكانة الصلاة وفضلهامحاور التعريف بالإسلامالتعريف بالنبي محمد صلى الله عليه وسلم، أركان الإسلام