Skip to content
417 Hadiths

Encyclopedia of Prophetic Hadiths

Filter results

8 of 417 cards

Clear filters
پێغەمبەرێ خودێ (صەلات و سەلامێن خودێ ل سەر بن) گۆت: ((ب ڕاستی خودێ گۆت: هه‌ر كه‌سێ دوژمناهییا وه‌لییه‌كێ من بكه‌ت؛ دێ شه‌ڕی ل دژی وی ڕاگه‌هینم، و نینه‌ عه‌بدێ من ب تشته‌كی خۆ نێزیكی من بكه‌ت خۆشتڤیتر بیت ل ده‌ڤ من ژ وی تشتێ من ل سه‌ر وی فه‌ڕزكری و به‌رده‌وام عه‌بدێ من ب ئه‌نجامدانا سوننه‌تان دێ خۆ نێزیكی من كه‌ت هه‌تا ئه‌ز حه‌ز ژێ دكه‌م، گاڤا من حه‌ز ژێ كر: دێ بمه‌ گوهێ وی یێ ئه‌و تشتی پێ گوهلێ دبیت، دێ بمه‌ چاڤێ وی یێ ئه‌و تشتی پێ دبینیت، دێ بمه‌ ده‌ستێ وی يێ ئه‌و تشتی پێ دگریت، دێ بمه‌ پێ وی یێ ئه‌و ل سه‌ر ب ڕێڤه‌ دچیت (ئانكو خودێ دێ ئه‌ندامێن وی مرۆڤی ژ كرنا كارێن خه‌له‌ت پارێزیت)، و ئه‌گه‌ر داخوازا تشته‌كی ژ من كر؛ دێ ده‌مه‌ وی و ئه‌گه‌ر خۆ ب من پاراست ژ تشته‌كی؛ دێ وی پارێزم، و ئه‌ز بۆ چ كارێن من كرین دوودل نه‌بوویمه‌ (دوودلبوونا خودێ ژ به‌ر په‌یدابوونا شك و گومانێ نینه‌، به‌لكی ژ به‌ر حه‌زژێكرنا وییه‌ بۆ باوه‌رداری) وه‌كی وی ده‌مێ ئه‌ز ڕۆحا باوه‌رداری ژێ وه‌ردگرم، ئەو حه‌زناكه‌ت بمریت و ئه‌ز ژی حه‌زناكه‌م بێدلییا وی بكه‌م)).
فه‌رمووده‌یه‌كا دروسته‌ بۆخاری ڤێ فه‌رمووده‌یێ ڤه‌دگوهێزیت
التصنيف الشرعيأحكام الولاء والبراء، فضائل الأعمال الصالحة، أحوال الصالحين، توحيد الأسماء والصفاتموضوعات الحديثالدعاء، معاداة أولياء الله وأذيتهم، المحبة
ده‌مێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) به‌ره‌ڤ حونه‌ینێ ده‌ركه‌ڤتی، د به‌ر داره‌كا موشركانڕا ده‌ربازبوو كو دگۆتێ: (ذات أنواط)، موشركان (بۆ به‌ره‌كه‌تێ) چه‌كێن خۆ پێڤه‌ د هه‌لاویستن، ڤێجا هنده‌ك ژ وان صه‌حابییێن ژ نوی هاتینه‌ د ناڤ ئیسلامێدا گۆتن: ئه‌ی پێغه‌مبه‌رێ خودێ؛ داره‌كا ب ڤی ڕه‌نگی بۆ مه‌ ژی ده‌ستنیشان بكه‌ وه‌كی كا چاوا وان هه‌ی. ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((پاقژی ژ هه‌می كێماسییان هه‌ر بۆ خودێ بیت! ئه‌ڤه‌ هه‌روه‌كی وێ گۆتنێیه‌ یا ملله‌تێ مووسای گۆتییه‌ وی: {اجْعَلْ لَنَا إِلَهًا كَمَا لَهُمْ آلِهَةٌ} [الأعراف: 138]، ئانكو: ((بۆ مه‌ ژی خودایه‌كی ده‌ستنیشان بكه هه‌روه‌كی كا چاوا وان خوداوه‌ندێن خۆ هه‌نه‌))، ئه‌ز ب وی كه‌مه‌ یێ نه‌فسا من د ده‌ستیدا؛ هوین دێ ل دویڤ ڕێك و نه‌ریتێن ملله‌تێن به‌ری خۆ كه‌ڤن)).
فه‌رمووده‌یه‌كا دروسته‌ تیرمیزی و ئه‌حمه‌د ڤێ فەرموودەیێ ڤه‌دگوهێزن
التصنيف الشرعيأحكام التشبه، توحيد الألوهية، تفسير الآيات، الشركموضوعات الحديثالتشبه بالكفار، الشرك بالله وأقسامهمحاور التعريف بالإسلامبطلان الشرك وصوره
«هوین دێ ل دویڤ ڕێکا ملله‌تێن به‌ری خۆ چن، بهۆست بهۆست و گه‌ز گه‌ز، هه‌تا ئه‌گه‌ر ئه‌و چووبنه‌ د ناڤ كۆنا بزنمشكی ژیڤه‌؛ هوین دێ هه‌ر ل دویڤ چن». مه‌ گۆت: ئه‌ی پێغه‌مبه‌رێ خودێ؛ مه‌ره‌ما ته‌ جوهی و فه‌له‌نه‌؟ گۆت: «پا كینه‌؟».
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيأحكام التشبه، أشراط الساعةموضوعات الحديثالتشبه بالكفار، أشراط الساعة
ده‌مێ ئه‌بو طالب كه‌ڤتییه‌ د سه‌كه‌راتێن مرنێدا، پێغه‌مبه‌رێ خودێ (صه‌لات و سه‌لامێن خودێ ل سه‌ر بن) هاته‌ ده‌ڤ وی و وی ده‌می ئه‌بو جه‌هل و عه‌بدولڵاھێ كوڕێ ئه‌بی ئومه‌ییه‌یێ کوڕێ موغیرەی ژی ل ده‌ڤ وی بوون، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((مامۆ، بێژه‌: (لا إله إلا الله)، ئه‌و په‌یڤه‌كه‌ ئه‌گه‌ر ته‌ گۆت؛ ئه‌ز دێ ل ده‌ڤ خودێ به‌ڕه‌ڤانییێ پێ ژ ته‌ كه‌م))، ئینا ئه‌بو جه‌هل و عه‌بدولڵاھێ كوڕێ ئه‌بی ئومه‌ییه‌ی گۆت: ئه‌رێ تو دێ ده‌ست ژ ئایینێ عه‌بدولموطه‌لیبی به‌رده‌ی؟ ڤێجا پێغه‌مبه‌ری (صه‌لات و سه‌لامێن خودێ ل سه‌ر بن) هه‌ر دگۆتێ بێژه‌ و وان ژی هه‌ر به‌رسڤا وی ددا ب وێ گۆتنا خۆ، هه‌تا ئاخڤتنا دویماهیكێ یا ئه‌بو طالبی گۆتی ئه‌ڤه‌ بوو: ئه‌ز یێ ل سه‌ر ئایینێ عه‌بدولموطه‌لیبی‌ و ڕازی نه‌بوو بێژیت (لا إله إلا الله). پاشی پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((سویند ب خودێ ئه‌ز دێ داخوازا ژێبرنا گونه‌هان بۆ ته‌ ژ خودێ كه‌م هندی خودێ ڕێگرییێ ل من نه‌كه‌ت))، ئینا خودایێ مه‌زن ئه‌ڤ ئایه‌ته‌ ئینا خوار: {مَا كَانَ لِلنَّبِيِّ وَالَّذِينَ آمَنُوا أَنْ يَسْتَغْفِرُوا لِلْمُشْرِكِينَ} [التوبة: 113]، ئانكو: ((نه‌ بۆ پێغه‌مبه‌ری و نه‌ بۆ ئه‌وێن باوه‌ری ئینای نه‌بوویه‌ كو داخوازا لێبوورینێ بۆ موشركان بكه‌ن)). خودایێ مه‌زن ده‌رباره‌ی ئه‌بو طالبی ئایه‌ته‌ك ئینا خوار و گۆته‌ پێغه‌مبه‌ری (صه‌لات و سه‌لامێن خودێ ل سه‌ر بن): {إِنَّكَ لا تَهْدِي مَنْ أَحْبَبْتَ وَلَكِنَّ اللهَ يَهْدِي مَنْ يَشَاءُ} [القصص: 56]، ئانكو: ((تو نه‌شێی وی كه‌سی ب هیدایه‌ت بینی یێ تو حه‌ز ژێ دكه‌ی، به‌لكی خودێ هیدایه‌تا وی كه‌سی دده‌ت یێ وی بڤێت)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالتفسير، أحكام الولاء والبراء، أسباب النزول، الدعوة إلى الله، الشركموضوعات الحديثالدعوة إلى الله، معاداة الكفار، معنى «شهادة أن لا إله إلا الله»، القرآن وعلومهمحاور التعريف بالإسلامالتعلق بالدين الموروث، النطق بالشهادتين
((ئه‌گه‌ر ئێك ژ هه‌وه‌ خوارن خوار، بلا ب ده‌ستێ خۆ یێ ڕاستێ بخۆت، و ئه‌گه‌ر ڤه‌خوار، بلا ب ده‌ستێ خۆ یێ ڕاستێ ڤه‌خۆت، چونكی شه‌یتان ب ده‌ستێ خۆ یێ چه‌پێ دخۆت و ڤه‌دخۆت)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيأحكام التشبه، آداب الأكل والشربموضوعات الحديثالتشبه بالكفار، آداب الأكل والشرب
((هه‌ر كه‌سێ خۆ وه‌كی هنده‌كێن دی لێ بكه‌ت؛ ئه‌و ژ وانه‌)).
فه‌رمووده‌یه‌كا باشه‌ ئه‌بو داوود و ئه‌حمه‌د ڤێ فه‌رمووده‌یێ ڤه‌دگوهێزن
التصنيف الشرعيأحكام التشبهموضوعات الحديثالتشبه بالكفار
((نموونه‌یا باوه‌رداران د حه‌زژێكرن و دلۆڤانی و دلپێڤه‌بوونا وان بۆ ئێكودوو، وه‌كی مه‌ته‌لا له‌شییه‌، ئه‌گه‌ر ئه‌ندامه‌ك ژێ بئێشیت، له‌ش هه‌می‌ دێ گازی ئێك كه‌ت و ژ بێخه‌وی و تایا نه‌خۆشییێ د گه‌ل دئێشیت)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيأحكام الولاء والبراء، المجتمع المسلم، الأخلاق الحميدة، الإسلامموضوعات الحديثالرحمة، موالاة المؤمنين، المحبةمحاور التعريف بالإسلاممحاسن الأخلاق
((هه‌ر كه‌سێ زیانێ بگه‌هینیته‌ موسلمانه‌كی؛ خودێ ژی دێ زیانێ گه‌هینیته‌ وی و هه‌ر كه‌سێ زه‌حمه‌ت و بارگرانییێ بۆ موسلمانه‌كی دروست بكه‌ت؛ خودێ ژی دێ زه‌حمه‌ت و بارگرانییێ بۆ دروست كه‌ت)).
فه‌رمووده‌یه‌كا باشه‌ ئه‌بو داوود و تیرمیزی و ئبن ماجه و ئیمام ئه‌حمه‌د ڤێ فه‌رمووده‌یێ ڤه‌دگوهێزن
التصنيف الشرعيأحكام الولاء والبراء، القواعد الفقهية والأصولية، الأخلاق الذميمةموضوعات الحديثالظلم، الإحسان إلى الخلقمحاور التعريف بالإسلاممحاسن الأخلاق، عدل الإسلام