Encyclopedia of Prophetic Hadiths

((ئه‌و تشتێ من بۆ هه‌وه‌ نه‌گۆت بهێلن و پرسیار نه‌كه‌ن و گه‌له‌ك ل دویڤ نه‌چن، چونکی ب ڕاستی یێن به‌ری هه‌وه‌ ژ ناڤچوون ژ به‌ر پرسیارێن وان و جودابوون و ڤێكنه‌كرنا وان د گه‌ل پێغه‌مبه‌رێن خۆ، ڤێجا ئه‌گه‌ر من هوین ژ تشته‌کی دانه‌ پاش؛ هنگی هوین خۆ ژێ بده‌نه‌ پاش و خۆ ژێ بپارێزن، و ئه‌گه‌ر من فه‌رمان ب تشته‌کی ل هه‌وه‌ كر، هوین وی تشتی بكه‌ن هندی د شیانێن هه‌وەدا‌ هه‌ی)).

((ئوممه‌تا من هه‌می دێ چنه‌ به‌حه‌شتێ، ئه‌و نه‌بیت یێ نه‌ڤێت بچیت))، گۆتن: ئه‌ی پێغه‌مبه‌رێ خودێ؛ ما كی هه‌یه‌ نه‌ڤێت بچیت؟ گۆت: ((هه‌ر كه‌سێ گوهدارییا من بكه‌ت؛ دێ چیته‌ به‌حه‌شتێ و هه‌ر كه‌سێ سه‌رپێچییا من بكه‌ت؛ ئه‌ڤه‌ وی نه‌ڤێت بچیت)).

((ئه‌ز ب وی كه‌مه‌ یێ نه‌فسا من د ده‌ستیدا، نێزیكه‌ كوڕێ مه‌ریه‌مێ (عیسا) د ناڤ هه‌وه‌دا بهێته‌ خوار وه‌ك دادوه‌ره‌كێ دادپه‌روه‌ر، ڤێجا دێ خاچێ شكێنیت، دێ به‌ڕازی كوژیت، دێ زێڕه‌سه‌رێ (جزیێ) ڕاكه‌ت و ناهێلیت و مال و سامان ژی دێ هند زێده‌ بیت هه‌تا وی ڕاده‌ی كه‌س وه‌رناگریت)).