Encyclopedia of Prophetic Hadiths

زه‌لامه‌ك هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ئه‌ی پێغه‌مبه‌رێ خودێ؛ ئه‌و هه‌ردوو تشتێن مسوگه‌ردكه‌ن چنه‌؟ گۆت: ((هه‌ر كه‌سێ بمریت و وی چ شریك و هه‌ڤال بۆ خودێ په‌یدا نه‌كربن؛ دێ چیته‌ به‌حه‌شتێ و هه‌ر كه‌سێ بمریت و وی شریك و هه‌ڤال بۆ خودێ په‌یدا كربن؛ دێ چیته‌ جه‌هنه‌مێ)).

((ئه‌و كه‌سێ په‌یوه‌ندییێن مرۆڤاینییێ دبڕیت؛ ناچیته‌ به‌حه‌شتێ)).

ده‌مێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) دبێهنشی؛ ده‌ستێ خۆ یان جلكێ خۆ ددانا سه‌ر ده‌ڤێ خۆ و ده‌نگێ خۆ پێ نزم دكر.

((مسوگه‌ر باوه‌ردار ب ڕه‌وشتێ خۆ یێ جوان؛ دگه‌هیته‌ پله‌یا وی كه‌سێ ب ڕۆژێ ڕۆژییان دگریت و ب شه‌ڤێ شه‌ڤنڤێژان دكه‌ت)).

((یێ سویار دێ سلاڤ كه‌ته‌ یێ ب پێیان دچیت، یێ ب پێیان دچیت دێ سلاڤ كه‌ته‌ یێ ڕوینشتی، یێن كێم دێ سلاڤ كه‌نه‌ یێن گه‌له‌ك)).

((ئه‌و كه‌سێ ڕادبیت بڕێڤه‌برنا كاروبارێن بیژنێ و كه‌سێن هه‌ژار و به‌لەنگاز؛ وه‌كی وی موجاهدییه‌ یێ د ڕێكا خودێدا جیهادێ دكه‌ت، یان وه‌كی وی كه‌سییه‌ یێ شه‌ڤێ شه‌ڤنڤێژان دكه‌ت و ڕۆژێ یێ ب ڕۆژی بیت)).

((ئه‌رێ هوین دزانن غه‌یبه‌ت چییه‌؟))، گۆتن: خودێ و پێغه‌مبه‌رێ وی زاناترن، گۆت: ((ئه‌ڤه‌یه‌ تو تشته‌كی ده‌رباره‌ی برایێ خۆ بێژی كو وی پێ نه‌خۆش بیت))، هاته‌ گۆتن: پا تو چ دبێژی ئه‌گه‌ر ئه‌و تشتێ ئه‌ز دبێژم د برایێ مندا هه‌بیت؟ گۆت: ((ئه‌گه‌ر ئه‌و تشت تێدا هه‌بیت؛ ئه‌ڤه‌ ته‌ غه‌یبه‌تا وی كر، و ئه‌گه‌ر تێدا نه‌بیت؛ ئه‌ڤه‌ ته‌ بێبه‌ختییه‌ك بۆ دروستكر)).

(( نه‌رمى د هه‌ر تشته‌كيدا بيت دێ جوان كه‌ت ، و هه‌ر تشته‌كێ نه‌رمى ژێ بهێته‌ ده‌رئينان دێ كرێت كه‌ت)).