Encyclopedia of Prophetic Hadiths

زه‌لامه‌ك هاته‌ ده‌ڤ پێغەمبەری (صه‌لات و سه‌لامێن خودێ ل سه‌ر بن) و گۆت: ده‌وارێ من یێ مری، ڤێجا ده‌واره‌كی بده‌ من لێ سویار بم، ئینا گۆت: ((من (چ ده‌وار) نینن))، ئینا زه‌لامه‌كی گۆت: ئه‌ی پێغه‌مبه‌رێ خودێ؛ ئه‌ز دێ به‌رێ وی ده‌مه‌ ئێكی كو ده‌واره‌كی بده‌تێ، پێغەمبەرێ خودێ (صه‌لات و سه‌لامێن خودێ ل سه‌ر بن) گۆت: ((هەر کەسێ به‌رێ ئێكی بده‌ته‌ خێر و باشییه‌كێ، دێ هندی وی كه‌سێ وێ خێرێ دكه‌ت؛ خێر گه‌هیته‌ وی كه‌سێ به‌رێ وی دایێ)).

((نه‌خۆشتڤیترین كه‌س ل ده‌ڤ خودێ ئه‌وه‌ یێ ب توندی دچیته‌ د ناڤ گه‌نگه‌شێدا و زێده‌گاڤییێ تێدا دكه‌ت)).

«دفنا وى ب ئەردى بكه‌ڤیت، پاشى دفنا وى ب ئەردى بكه‌ڤیت، پاشى دفنا وى ب ئەردى بكه‌ڤیت»، هاته‌ گۆتن: یا كێ ئه‌ی پێغه‌مبه‌رێ خودێ؟ گۆت: «یا وی كه‌سێ بگه‌هیته‌ دایك و بابێن خۆ د ده‌مێ پیراتییێدا، ڤێجا چ بگه‌هیته‌ ئێك ژ وان یان هه‌ردووكان و پاشى نه‌چیته‌ د به‌حه‌شتێدا».

((ئه‌گه‌ر ئێك ژ هه‌وه‌ ده‌ستنڤێژ گرت، بلا ئاڤێ بكه‌ته‌ د دفنا خۆدا و پاشی ده‌ربێخیت، و هه‌ر كه‌سێ خۆ ب به‌ران پاقژ بكه‌ت بلا هژمارا به‌رێن خۆ بكه‌ته‌ تاك، و ده‌مێ ئێك ژ هه‌وه‌ ژ خه‌و ڕابوو؛ بلا ده‌ستێ خۆ بشۆت به‌ری بكه‌ته‌ د ئاڤا ده‌ستنڤێژێدا، چونكی ئێك ژ هه‌وه‌ نزانیت كا ب شه‌ڤ ده‌ستێ وی ل كیرێ مایه‌)). و د ڤه‌گوهاستنا موسلمیدا هاتییه‌: ((ده‌مێ ئێك ژ هه‌وه‌ ژ خه‌و ڕابوو؛ بلا ده‌ستێ خۆ نه‌كه‌ته‌ د ناڤ ئامانیدا هه‌تا سێ جاران نه‌شۆت، چونكی ئه‌و نزانیت كا ب شه‌ڤ ده‌ستێ وی ل كیرێ مایه‌)).

((ئه‌بول مونذیر؛ ئه‌رێ تو دزانی ئه‌و كیژ ئایه‌ته ژ په‌ڕتووكا خودێ ل ده‌ڤ ته‌‌ هه‌ی كو ژ هه‌مییان مه‌زنتره‌؟))، گۆت: من گۆتێ: خودێ و پێغه‌مبه‌رێ وی باشتر دزانن، گۆت: ((ئه‌بول مونذیر؛ ئه‌رێ تو دزانی ئه‌و كیژ ئایه‌ته ژ په‌ڕتووكا خودێ ل ده‌ڤ ته‌‌ هه‌ی كو ژ هه‌مییان مه‌زنتره‌؟))، گۆت: من گۆتێ: ﴿اللهُ لا إلَهَ إلّا هو الحَيُّ القَيُّومُ﴾ [البقرة: 255]. گۆت: ئینا ده‌ستێ خۆ ل سینگێ من دا و گۆت: ((وه‌ی ته‌ پیرۆز بیت ئه‌ڤ زانینه‌ ئه‌بول مونذیر و خودێ بۆ ته‌ به‌ره‌كه‌تێ بێخیتێ)).

پێغه‌مبه‌ر (صه‌لات و سه‌لامێن خودێ ل سه‌ر بن) كه‌سه‌كێ ئه‌زمانڕه‌ش و خه‌به‌ربێژ نه‌بوو، وی دگۆت: ((ب ڕاستی ژ باشترینێ هه‌وه‌ ئه‌و كه‌سه‌ یێ ڕه‌وشتێ وی ژ یێ هه‌می كه‌سان جوانتر بیت)).

زه‌لامه‌كی ل ده‌ڤ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ب ده‌ستێ چه‌پێ خوارن دخوار، ئینا گۆتێ: ((ب ده‌ستێ خۆ یێ ڕاستێ بخۆ))، گۆت: ئه‌ز نه‌شێم، گۆت: ((خودێ نه‌كه‌ت تو بشێی))، چ تشتان ڕێگری لێ نه‌كر ژ بلی خۆمه‌زنكرنا وی، ڤێجا پشتی هنگی نه‌شیا ده‌ستێ خۆ بۆ ده‌ڤێ خۆ بلند بكه‌ت.

ژ پێغه‌مبه‌ری (صه‌لات و سه‌لامێن خودێ ل سه‌ر بن) ژ وێ یا ژ خودایێ خۆ یێ مه‌زن ڤه‌دگێڕیت كو گۆتییه‌: ((عه‌بدەکی گونه‌هه‌ك كر، ئینا گۆت: خودایێ من؛ گونه‌ها من بۆ من ژێببه‌، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ژ به‌ر گونه‌هێ سزا دده‌ت. پاشی جاره‌كا دی زڤڕی و گونه‌هه‌كا دی كر، ئینا گۆت: خودایێ من؛ گونه‌ها من بۆ من ژێببه‌، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ژ به‌ر گونه‌هێ سزا دده‌ت. پاشی جاره‌كا دی زڤڕی و گونه‌هه‌ك كر، ئینا گۆت: خودایێ من؛ گونه‌ها من بۆ من ژێببه‌، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ژ به‌ر گونه‌هێ سزا دده‌ت. تشتێ ته‌ دڤێت بكه‌؛ ئه‌ز ل ته‌ بووریم و من گونه‌هێن ته‌ ژێبرن)).