Encyclopedia of Prophetic Hadiths

«ده‌مێ هوین چوونه‌ تاره‌تێ؛ به‌رێ خۆ نه‌ده‌نه‌ قیبلێ و پشتا خۆ ژی نه‌كه‌نێ، به‌لكی به‌رێ خۆ بده‌نه‌ لایێ ڕۆژهه‌لاتێ یان ڕۆژئاڤایێ». ئه‌بو ئه‌یووبی گۆت: ئه‌م چووینه‌ وه‌لاتێ شامێ و مه‌ دیت كو ئاڤده‌ستێن وان یێن به‌ره‌ڤ قیبلێڤه‌ هاتینه‌ ئاڤاكرن، مه‌ ژی خۆ خوار دكر و داخوازا لێبوورینێ ژ خودێ دكر.

ئه‌ز زه‌لامه‌ك بووم گه‌له‌ك مه‌زی ژ من دهات و من شه‌رم دكر پرسیارێ ژ پێغه‌مبه‌ری (صه‌لات و سه‌لامێن خودێ ل سه‌ر بن) بكه‌م، چونكی كچا وی ل ده‌ڤ من بوو (هه‌ڤژینا من بوو)، ڤێجا من فه‌رمان ل میقدادێ كوڕێ ئه‌سوه‌دی كر كو ئه‌و پرسیارێ ژێ بكه‌ت، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((دێ ئه‌ندامێ خۆ یێ نێرینه‌ شۆت، پاشی دێ ده‌ستنڤێژێ گریت)). د ڤه‌گوهاستنا بۆخاریدا هاتییه‌: ((ده‌ستنڤێژێ بگره‌ و ئه‌ندامێ خۆ یێ نێرینه‌ بشۆ)).