Skip to content
417 Hadiths

Encyclopedia of Prophetic Hadiths

Filter results

7 of 417 cards

Clear filters
من گۆت: ئه‌ی پێغه‌مبه‌رێ خودێ؛ ئه‌رێ ئامانێن ل سه‌ر حه‌وزێ چه‌ندن؟ گۆت: ((ئه‌ز ب وی كه‌مه‌ یێ نه‌فسا موحه‌ممه‌دی د ده‌ستیدا؛ ئامانێن وێ زێدەترن ژ هژمارا ستێر و هه‌ساره‌یێن ئه‌سمانی د شه‌ڤه‌كا تاڕی و ساهيدا، ترار و ئامانێن به‌حه‌شتێ د وه‌سانه‌ هه‌ر كه‌سێ جاره‌كێ ژێ ڤه‌خۆت؛ ئێدی جاره‌كا دی ئه‌و تێهنی نابیت، دوو جۆك ژ به‌حه‌شتێ د ڕێژنه‌ سه‌ر وێ حه‌وزێ، هه‌ر كه‌سێ ژێ ڤه‌خۆت؛ ئێدی ئه‌و تێهنی نابیت، پاناتییا وێ هندی درێژاهییا وێیه‌، هندی د ناڤبه‌را عه‌مان و ئه‌یله‌یێدایه‌، ئاڤا وێ ژ شیری سپیتره‌ و ژ هنگڤینی شرینتره‌)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيالخصائص النبوية، الحياة الآخرةموضوعات الحديثالإيمان باليوم الآخر
ئه‌ز د گه‌ل شاندا به‌نی عامرییان چوومه‌‌ ده‌ڤ پێغه‌مبه‌رێ خودێ (صه‌لات و سه‌لامێن خودێ ل سه‌ر بن)، مه‌ گۆت: تو سه‌ید و مه‌زنێ مه‌ی، گۆت: ((سه‌ید و مه‌زن ب تنێ خودێیه‌‌))، مه‌ گۆت: و تو ژ مه هه‌مییان باشتری و ژ مە هەمییان مەزنتری، گۆت: ((ب ئاخڤتنا خۆ یا ئاسایی باخڤن، یان ب هنده‌ك ئاخڤتنێن خۆ و بلا شه‌یتان هه‌وه‌ ڕانه‌كێشیت (بۆ زێده‌گاڤیكرنێ د مه‌دحكرنێدا))).
فه‌رمووده‌یه‌كا دروسته‌ ئه‌بو داوود و ئه‌حمه‌د ڤێ فه‌رمووده‌یێ ڤه‌دگوهێزن
التصنيف الشرعيآداب الكلام والصمت، الغلو في الأنبياء، الصفات الخُلُقية، توحيد الألوهية، توحيد الأسماء والصفات، الإيمان بنبينا محمد صلى الله عليه وسلمموضوعات الحديثحفظ اللسان، التواضع، أهمية التوحيد، الشرك بالله وأقسامه، حقوق النبي ﷺمحاور التعريف بالإسلامالغلو في الأنبياء
ده‌مێ نه‌خۆشییا مرنێ ل ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) په‌یدا بووی، پارچه‌كا قوماشێ (خه‌میصه‌) دهاڤێته‌ سه‌ر ڕویێ خۆ، ڤێجا ده‌مێ پێ بێزار ببا و بێهن لێ ته‌نگ ببا ڕادكر و د وێ ڕه‌وشا دژواردا گۆت: «لَعْنَةُ اللَّهِ عَلَى اليَهُودِ وَالنَّصَارَى، اتَّخَذُوا قُبُورَ أَنْبِيَائِهِمْ مَسَاجِدَ»، ئانكو: ((نه‌فره‌تا خودێ ل جوهی و فه‌له‌یان (نه‌صارایان) بیت، ئه‌وان قه‌برێن پێغه‌مبه‌رێن خۆ كرنه‌ مزگه‌فت))، هشیاری ددا ژ وێ كریارا وان كری.
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيوفاته صلى الله عليه وسلم، زيارة القبور، توحيد الألوهية، الشركموضوعات الحديثأهمية التوحيد، اتخاذ القبور مساجدمحاور التعريف بالإسلامبطلان الشرك وصوره، الغلو في الأنبياء
وه‌حی بۆ پێغه‌مبه‌ری (صه‌لات و سه‌لامێن خودێ ل سه‌ر بن) هاته‌ خوار و ژییێ وی چل سال بوو، ڤێجا سێزده‌ سالان ل مه‌كه‌هێ ما، پاشی فه‌رمان لێ هاته‌ كرن مشه‌خت بیت، ئه‌و ژی به‌ره‌ڤ مه‌دینێ مشه‌خت بوو، ده‌ھ سالان ل وێرێ ژی ما، پاشی پێغه‌مبه‌ری (صه‌لات و سه‌لامێن خودێ ل سه‌ر بن) وه‌غه‌را دویماهیكێ كر.
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيمبعثه صلى الله عليه وسلم، العهد المكي بعد بعثته صلى الله عليه وسلم، العهد المدني بعد هجرته صلى الله عليه وسلم، وفاته صلى الله عليه وسلم، هجرته صلى الله عليه وسلم، الإيمان بنبينا محمد صلى الله عليه وسلمموضوعات الحديثالإيمان بالرسل عليهم السلاممحاور التعريف بالإسلامالتعريف بالنبي محمد صلى الله عليه وسلم
دایكا باوه‌رداران، بۆ من به‌حسێ ڕه‌وشتێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بكه‌، گۆت: ئه‌رێ ما تو قورئانێ ناخوینی؟ من گۆت: به‌لێ، گۆت: ب ڕاستی ڕه‌وشتێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) قورئان بوو.
فه‌رمووده‌یه‌كا دروسته‌ موسلم ڤێ فەرموودەیێ د ناڤ فەرموودەیەکا درێژدا ڤەدگوهێزیت
التصنيف الشرعيالصفات الخُلُقيةموضوعات الحديثحسن الخلق، متابعة الرسول ﷺمحاور التعريف بالإسلامالتعريف بالنبي محمد صلى الله عليه وسلم
من گوھ ل پێغه‌مبه‌ری (صه‌لات و سه‌لامێن خودێ ل سه‌ر بن) بوو پێنج شه‌ڤان به‌ری بمریت دگۆت: ((ئه‌ز به‌رائه‌تا خۆ ل ده‌ڤ خودێ دكه‌م كو ئێك ژ هه‌وه‌ بكه‌مه‌ خه‌لیلێ خۆ (بلندترين پله‌يا ڤيان و حه‌زژێكرنێيه‌)، چونكی ب ڕاستی خودایێ مه‌زن ئه‌ز یێ كریمه‌ خه‌لیلێ خۆ، هه‌روه‌كی كا چاوا ئیبراهیم كريه‌ خه‌لیلێ خۆ، و ئه‌گه‌ر من كه‌سه‌ك ژ ناڤ ئوممه‌تا خۆ كربا خه‌لیلێ خۆ؛ ئه‌ز دا ئه‌بو به‌كری كه‌مه‌ خه‌لیلێ خۆ، بزانن كو یێن به‌ری هه‌وه‌ قه‌برێن پێغه‌مبه‌ر و مرۆڤێن چاك د ناڤ خۆدا دكرنه‌ مزگه‌فت، هشیاربن هوین قه‌بران نه‌كه‌نه‌ مزگه‌فت، ئه‌ز هه‌وه‌ ژ ڤێ چه‌ندێ پاشڤه‌ دبه‌م)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيالصحابة وفضلهم، أحكام المساجد، توحيد الألوهية، الخصائص النبويةموضوعات الحديثاتخاذ القبور مساجد، حقوق النبي ﷺ، الصحابة رضي الله عنهممحاور التعريف بالإسلامبطلان الشرك وصوره، الغلو في الأنبياء
پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆته‌ مامێ خۆ (ئه‌بو طالبی): ((بێژه‌: ژ خودێ پێڤه‌تر چ خودایێن ژ هه‌ژی په‌رستنێ نینن (لَا إِلَهَ إِلَّا اللهُ)، ل ڕۆژا قیامه‌تێ ئه‌ز دێ بۆ ته‌ شاهده‌ییێ پێ ده‌م))، گۆت: ئه‌گه‌ر ژ به‌ر هندێ نه‌با قوڕه‌یشی دێ لۆمه‌ی من كه‌ن و دێ بێژن: ترسا ژ مرنێ ئه‌و بۆ ڤی كاری پالدا! ئه‌ز دا چاڤێن ته‌ پێ ڕۆهن و گه‌ش كه‌م، ئینا خودێ ئه‌ڤ ئایه‌ته‌ ئینا خوار: {إِنَّكَ لا تَهْدِي مَنْ أَحْبَبْتَ وَلَكِنَّ اللهَ يَهْدِي مَنْ يَشَاءُ } [القصص: 56]، ئانكو: ((هندى تويى تو ته‌وفيقا وى بۆ هيدايه‌تێ ناده‌ى يێ ته‌ هيدايه‌تا وى بڤێت، به‌لكى ئه‌و چه‌نده‌ ب ده‌ستێ خودێیه‌ هه‌چییێ وى بڤێت ئه‌و به‌رێ وى بده‌ته‌ ئيمانێ ئه‌و وى ب هيدايه‌ت دئينیت و ته‌وفيقا وى دده‌ت، ئه‌و ب وى زاناتره‌ يێ هێژاى هـيـدايـه‌تـێ بیـت له‌و وى ب هيدايه‌ت دئينیت)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيأسباب النزول، فضائل التوحيد، فضل الدعوة إلى الله وأحكامها، العهد المكي بعد بعثته صلى الله عليه وسلم، الإيمان بالقضاء والقدر، توحيد الألوهية، الإسلامموضوعات الحديثالدعوة إلى الله، أهمية التوحيد، معنى «شهادة أن لا إله إلا الله»محاور التعريف بالإسلامفوائد الدخول في الإسلام، الخوف من نظرة الناس، النطق بالشهادتين