Encyclopedia of Prophetic Hadiths

«ب ڕاستی ئه‌گه‌ر خه‌لكی زۆردار دیت و ڕێگری لێ نه‌كر؛ نێزیكه‌ خودێ سزایه‌كی ژ ده‌ڤ خۆ‌ ب سه‌ر واندا بینیته‌ خوار و هه‌مییان ڤه‌گریت».

((هه‌ر كه‌سێ ژ هه‌وه‌ خرابییه‌ك دیت؛ بلا ب ده‌ستێ خۆ بگوهۆڕیت، ئه‌گه‌ر نه‌شیا بلا ب ئه‌زمانێ خۆ بگوهۆڕیت، ئه‌گه‌ر نه‌شیا بلا ب دلێ خۆ بگوهۆڕیت و ئه‌و لاوازترین باوه‌رییه‌)).

((مه‌ته‌لا وی كه‌سێ ل ده‌ڤ سنوورێن خودێ ڕادوه‌ستیت و وان سنووران نابه‌زینیت و وی كه‌سێ سنوورێن خودێ دبه‌زینیت، وه‌كی مه‌ته‌لا هنده‌ك مرۆڤایه‌ چووینه‌ د كه‌شتییه‌كێدا و ب ڕێكا پشك كێشانێ هنده‌ك چووینه‌ سه‌ر بانێ وێ و هنده‌كێن دی بنێ وێ بوویه‌ بارا وان، ڤێجا ئه‌وێن ل خوارێ هه‌ر گاڤا پێدڤی ب ئاڤێ بان؛ دا ب ڕه‌خ یێن سه‌ر خۆدا ده‌ربازبن، پاشی دا بێژن: ئه‌گه‌ر ل جهێ ئه‌م هنده‌ نه‌خۆشییێ بۆ یێن د سه‌ر خۆدا چێدكه‌ین و وان بێزار دكه‌ین؛ كونه‌كێ ژ بارا خۆ ل كه‌شتییێ بكه‌ین باشتره‌، ل ڤێرێ ئه‌گه‌ر ئه‌وێن ل سه‌ری ڕێ ب واندا وێ كونێ ل كه‌شتییێ بكه‌ن؛ وی ده‌می هه‌می دێ ژ ناڤچن، به‌لێ ئه‌گه‌ر ده‌ستێ وان گرت و نه‌هێلا ئه‌و وی كاری بكه‌ن؛ هنگی هه‌می دێ ڕزگاربن)).