Skip to content
417 Hadiths

Encyclopedia of Prophetic Hadiths

Filter results

21 of 417 cards

Clear filters

التصنيف الشرعي

من گۆت: ئەی پێغەمبەرێ خودێ، ئاخڤتنه‌كێ د ئیسلامێدا بۆ من بێژە کو ژ بلی تە پرسیارێ ژ كه‌سه‌كێ دی نەکەم، گۆت: ((بێژە: من باوەری ب خودێ ئینا، پاشی ل سه‌ر ڤێ گۆتنێ به‌رده‌وامبه‌ و ڕاسته‌ڕێبه‌)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيالأربعون النووية، تزكية النفوس، الإيمان بالله عز وجل
((هه‌ر كه‌سێ ژ هه‌وه‌ خرابییه‌ك دیت؛ بلا ب ده‌ستێ خۆ بگوهۆڕیت، ئه‌گه‌ر نه‌شیا بلا ب ئه‌زمانێ خۆ بگوهۆڕیت، ئه‌گه‌ر نه‌شیا بلا ب دلێ خۆ بگوهۆڕیت و ئه‌و لاوازترین باوه‌رییه‌)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيالأربعون النووية، حكم الأمر بالمعروف والنهي عن المنكر، أصول الأمر بالمعروف والنهي عن المنكر
((دین شیره‌ته‌)) من گۆت: بۆ كێ؟ گۆت: ((بۆ خودێ، بۆ په‌ڕتووكا وی، بۆ پێغه‌مبه‌رێ وی، بۆ مه‌زنێن موسلمانان و بۆ هه‌می موسلمانان)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيالأربعون النووية، حقوق الرعية على الإمام
((پاقژی نیڤا باوەرییێیە، و (الحَمدُ لِلهِ) تەڕازییێ تژی دکەت و (سُبحانَ اللهِ وَالحَمدُ لِلهِ) ژی د ناڤبەرا ئەسمان و ئەردیدا تژی دكه‌ن - یان تژی دکەت -. نڤێژ ڕۆناهییە، خێر و صه‌ده‌قه‌ بەڵگەیە، صەبڕ و هه‌دار ڕۆناهییە، قورئان بەڵگەیە بۆ تە یان ل سەر تە. هەمی خەلك سپێدێ زوی ژ مال ده‌ردكه‌ڤن (ئانكو ڕۆژا خۆ ده‌ستپێدكه‌ن و بۆ خۆ كار دكه‌ن) و نه‌فسێن خۆ دفرۆشن؛ ڤێجا یان ڤێ نه‌فسێ ئازاد دکەن یان ژ ناڤ دبەن)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيفوائد ذكر الله عز وجل، الأربعون النووية، تزكية النفوس، فضل الوضوء
((مسوگه‌ر هه‌می کار ب ئنیەتانە و مسوگه‌ر بۆ هەر کەسەکی ئەو دێ هه‌بیت یا وی ئنیەت بۆ ئینای، ڤێجا هه‌ر كه‌سێ مشه‌ختبوونا وی بۆ خودێ و پێغەمبەرێ وی بیت؛ ئه‌ڤه‌ مشه‌ختبوونا وی بۆ خودێ و پێغەمبەرێ وییە و هه‌ر كه‌سێ مشه‌ختبوونا وی بۆ په‌ڕتاله‌كێ دونیایێ بیت دا ب دەست خۆڤە بینیت یان بۆ ژنەکێ بیت دا بۆ خۆ بینیت؛ هنگی مشه‌ختبوونا وی بۆ وی تشتییه‌ یێ ئه‌و ژ به‌ر مشه‌ختبووی)).
فه‌رمووده‌یه‌كا دروسته‌ هه‌ردوو ئیمامێن فه‌رمووده‌ناسان، ئه‌بو عه‌بدولڵاھ، موحه‌ممه‌دێ كوڕێ ئیسماعیلێ كوڕێ ئیبراهیمێ كوڕێ موغیره‌یێ كوڕێ به‌ردیزبه‌یێ بۆخاری و ئه‌بو حوسه‌ین، موسلمێ كوڕێ حه‌ججاجێ كوڕێ موسلمێ قوشه‌یرییێ نه‌یسابووری، ڤێ فه‌رمووده‌یێ د هه‌ردوو صه‌حیحێن خۆدا ڤه‌دگوهێزن كو دروستترین په‌ڕتووكن هاتینه‌ دانانن
التصنيف الشرعيالأربعون النووية، أعمال القلوب
((ئيسلام ل سه‌ر پێنج ستوینان هاتییه‌ ئاڤاكرن: شاهده‌دان كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و موحه‌ممه‌د پێغه‌مبه‌رێ خودێیه‌، كرنا نڤێژێ، دانا زه‌كاتێ، چوونا حه‌جێ و گرتنا ڕۆژییێن هه‌یڤا ڕه‌مه‌زانێ)).
فه‌رمووده‌یه‌كا دروسته‌ بۆخاری و موسلم ڤێ فه‌رمووده‌یێ ڤه‌دگوهێزن
التصنيف الشرعيالأربعون النووية، وجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، وجوب الحج والعمرة وحكم تاركهما، الإيمان بالله عز وجل، النبوة والرسالة، الإسلام
((ئه‌گه‌ر من هوین ژ كرنا كاره‌كی پاشڤه‌برن؛ هوین ب ته‌مامی خۆ ژێ دویربێخن و ئه‌گه‌ر من فه‌رمان ب كرنا تشته‌كی ل هه‌وه‌ كر؛ هوین ل دویڤ شیانێن خۆ ده‌ست پێڤه‌ بگرن و ئه‌نجام بده‌ن، چونكی ب ڕاستی ئه‌وێن به‌ری هه‌وه‌ ژ به‌ر گه‌له‌ك پرسیاركرنێ و جۆدابوونا د گه‌ل پێغه‌مبه‌رێن خۆ تێچوون)).
فه‌رمووده‌یه‌كا دروسته‌ بۆخاری و موسلم ڤێ فه‌رمووده‌یێ ڤه‌دگوهێزن
التصنيف الشرعيالأربعون النووية، الأنبياء والرسل السابقين عليهم السلام
ژ پێغەمبەرێ خودێ (صەلات و سەلامێن خودێ ل سەر بن) د وێ چەندێدا یا کو وی ژ خودایێ مه‌زن ڤه‌گێڕای کو گۆتییە: ((ئه‌ی عه‌بدێن من؛ من زۆڕداری ل سه‌ر خۆ حه‌ڕام كرییه‌ و من د ناڤبه‌را هه‌وه‌ ژیدا حه‌رامكر، ڤێجا هوین زۆڕدارییێ نه‌كه‌ن. ئه‌ی عه‌بدێن من؛ هوین هه‌می د سه‌رداچوویینه‌، ئه‌و نه‌بیت یێ من به‌رێ وی دایه‌ ڕێكا ڕاست و ب هیدایه‌ت ئینای، ڤێجا هوین داخوازا هیدایه‌تێ ژ من بكه‌ن ئه‌ز دێ هه‌وه‌ ب هیدایه‌ت ئینم و به‌رێ هه‌وه‌ ده‌مه‌ ڕێكا ڕاست. ئەی عەبدێن من؛ هوین هه‌می د برسینە، ئه‌و نه‌بیت یێ من تێر کربیت، ڤێجا داخوازا تێرکرنێ ژ من بکەن دێ وە تێرکەم. ئەی عەبدێن من؛ هوین هه‌می د ڕویسن، ئه‌و نه‌بیت یێ من جلك کربنە بەر، ڤێجا داخوازا جلکان ژ من بکەن، ئه‌ز دێ جلکان کەمە بەر هه‌وه‌. ئەی عەبدێن من؛ هوین ب شەڤ و ڕۆژ خەلەتی و گونه‌هان دکەن، ئەز ژی گونەهان هەمییان ژێدبەم، ڤێجا داخوازا ژێبرنا گونه‌هان ژ من بکەن، ئه‌ز دێ بۆ وە ژێبه‌م. ئەی عەبدێن من؛ هوین چ جاران نه‌شێن زیانێ بگەهیننه‌ من و هوین چ جاران نه‌شێن مفاى بگەهیننه‌ من. ئەی عەبدێن من؛ ئەگەر یێ ئێکێ و یێ دویماهیكێ ژ هه‌وە و مرۆڤ و ئه‌جنه‌یێن هه‌وه‌ هه‌می ل سەر دلێ كه‌سێ ژ هه‌مییان ژ خودێ ترستربن ژ ناڤ هه‌وه‌؛ ئه‌ڤه‌ خۆ تشته‌کی ل سه‌ر مولکێ من زێدە ناكه‌ت. ئەی عەبدێن من؛ ئەگەر یێ ئێکێ و یێ دویماهیكێ ژ هه‌وە و مرۆڤ و ئه‌جنه‌یێن هه‌وه‌ هه‌می ل سەر دلێ كه‌سێ ژ هه‌مییان خرابتربن ژ ناڤ هه‌وه‌؛ ئه‌ڤه‌ خۆ تشته‌کی ژ مولکێ من كێم ناكه‌ت.ئەی عەبدێن من؛ ئەگەر یێ ئێکێ و یێ دویماهیكێ ژ هه‌وە و مرۆڤ و ئه‌جنه‌یێن هه‌وه‌ هه‌ر هه‌می ل جهه‌كی ڕابن و داخوازێ ژ من بكه‌ن، ڤێجا ئه‌ز ژی داخوازا هه‌مییان بجھ بينم و تشتێ ژ من خواستی بده‌مێ ؛ ئه‌ڤه‌‌ خۆ تشته‌کی ژ مولکێ من كێم ناكه‌ت، هندی وێ ئاڤێ نه‌بیت یا ده‌مێ ده‌رزی دهێته‌ داهێلان د ناڤ ئاڤێدا و ئاڤ پێڤه‌ دهێت و ژ ئاڤا ده‌ریایێ كێم دبیت، ئەی عەبدێن من؛ ب ڕاستی ئەڤە کریارێن هه‌وەنە ئەز بۆ هه‌وه‌ دنڤیسم و دپارێزم، پاشی جزایێ وان هه‌مییان ب ته‌مامی دده‌مه‌ هه‌وه‌، ڤێجا هه‌ر كه‌سێ خێر دیت؛ بلا سوپاسیا خودێ بکەت، و هه‌ر كه‌سێ تشته‌کێ دی دیت ژ بلی وێ چەندێ؛ هنگی بلا ژ خۆ پێڤه‌تر لۆمه‌ی كه‌سێ دی نه‌كه‌ت)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيالأربعون النووية، توحيد الأسماء والصفات