Encyclopedia of Prophetic Hadiths

((مسوگه‌ر خودێ چاكی ل سه‌ر هه‌می تشتان نڤیسییه‌، ڤێجا ئه‌گه‌ر هه‌وه‌ كوشتن كر؛ هوین ب جوانی بكه‌ن، و ئه‌گه‌ر هه‌وه‌ ڤه‌كوشتن كر؛ هوین جوان ڤه‌كوژن، و بلا ئێك ژ هه‌وه‌ كێركا خۆ خۆش بكه‌ت و بلا قوربانی و ڤه‌كوشتییێ خۆ ژی ڕحه‌ت بكه‌ت)).

((حه‌سویدییێ ب ئێكودوو نه‌به‌ن، ئێكودوو نه‌خاپینن، كه‌ربێ ژ ئێك و دوو ‌ڕانه‌كه‌ن، پشتا خۆ نه‌ده‌نه‌ ئێكودوو، هنده‌ك ژ هه‌وه‌ فرۆتنێ ل سه‌ر فرۆتنا هنده‌كێن دیڕا نه‌كه‌ن، ببنه‌ عه‌بدێن خودێ و برایێن ئێك، موسلمان برایێ موسلمانییه‌، نه‌ زۆڕدارییێ لێ دكه‌ت، نه‌ پشتا وی به‌ردده‌ت و وی شه‌رمزار دكه‌ت، و نه‌ وی كێم دكه‌ت، ته‌قوا یا د ڤێرێدا)) سێ جاران ئاماژه‌ كره‌ سینگێ خۆ ((ئه‌و خرابی ب تنێ تێرا مرۆڤی هه‌یه‌ كو مرۆڤ برایێ خۆ یێ موسلمان كێم بكه‌ت، موسلمان هه‌می ل موسلمانی یێ حه‌رامه‌، خوینا وی و مالێ وی و نامویسا وی)).

من گۆت: ئەی پێغەمبەرێ خودێ، ئاخڤتنه‌كێ د ئیسلامێدا بۆ من بێژە کو ژ بلی تە پرسیارێ ژ كه‌سه‌كێ دی نەکەم، گۆت: ((بێژە: من باوەری ب خودێ ئینا، پاشی ل سه‌ر ڤێ گۆتنێ به‌رده‌وامبه‌ و ڕاسته‌ڕێبه‌)).

((هه‌ر كه‌سێ ژ هه‌وه‌ خرابییه‌ك دیت؛ بلا ب ده‌ستێ خۆ بگوهۆڕیت، ئه‌گه‌ر نه‌شیا بلا ب ئه‌زمانێ خۆ بگوهۆڕیت، ئه‌گه‌ر نه‌شیا بلا ب دلێ خۆ بگوهۆڕیت و ئه‌و لاوازترین باوه‌رییه‌)).

((ب ڕاستی خودێ گۆت: هه‌ر كه‌سێ دوژمناهییا وه‌لییه‌كێ من بكه‌ت؛ دێ شه‌ڕی ل دژی وی ڕاگه‌هینم، و نینه‌ عه‌بدێ من ب تشته‌كی خۆ نێزیكی من بكه‌ت خۆشتڤیتر بیت ل ده‌ڤ من ژ وی تشتێ من ل سه‌ر وی فه‌ڕزكری و به‌رده‌وام عه‌بدێ من ب ئه‌نجامدانا سوننه‌تان دێ خۆ نێزیكی من كه‌ت هه‌تا ئه‌ز حه‌ز ژێ دكه‌م، گاڤا من حه‌ز ژێ كر: دێ بمه‌ گوهێ وی یێ ئه‌و تشتی پێ گوهلێ دبیت، دێ بمه‌ چاڤێ وی یێ ئه‌و تشتی پێ دبینیت، دێ بمه‌ ده‌ستێ وی يێ ئه‌و تشتی پێ دگریت، دێ بمه‌ پێ وی یێ ئه‌و ل سه‌ر ب ڕێڤه‌ دچیت (ئانكو خودێ دێ ئه‌ندامێن وی مرۆڤی ژ كرنا كارێن خه‌له‌ت پارێزیت)، و ئه‌گه‌ر داخوازا تشته‌كی ژ من كر؛ دێ ده‌مه‌ وی و ئه‌گه‌ر خۆ ب من پاراست ژ تشته‌كی؛ دێ وی پارێزم)).

((دین شیره‌ته‌)) من گۆت: بۆ كێ؟ گۆت: ((بۆ خودێ، بۆ په‌ڕتووكا وی، بۆ پێغه‌مبه‌رێ وی، بۆ مه‌زنێن موسلمانان و بۆ هه‌می موسلمانان)).

((شیردان وێ حه‌رام دكه‌ت یا ژ دایكبوون حه‌رام دكه‌ت)).

((ئەز شیره‌تێ ب ته‌قوا خودێ ل هه‌وە دکەم و ب گوهداریکرن و بجهئینانا فەرمانا مه‌زن و ده‌ستهه‌لاتدارێ موسلمان، خۆ ئەگەر عەبدەکی فەرمان ل سەر وە کر و بۆ مه‌زنێ هه‌وه‌. چونکی ب ڕاستی هەر کەسێ ژ هەوە پشتی من بژیت؛ دێ گه‌له‌ك ڤێكنه‌كرن و جۆداهییێ بینیت. ڤێجا هه‌وه‌ ئه‌مانه‌ت سوننەتا من و سوننەتا خەلیفەیێن من یێن سه‌رڕاست، وێ ب ددانێن خۆ یێن پشتێ بگرن و پدییێن خۆ ل سه‌ر بشدینن و هشیاری كارێن داهێنایی (بیدعه‌یان) بن د دینیدا، چونكی ب ڕاستی هەر بیدعەیەکا هه‌بیت سه‌رداچوون و به‌رزه‌بوونه‌)).