Encyclopedia of Prophetic Hadiths

من گۆت: ئەی پێغەمبەرێ خودێ، ئاخڤتنه‌كێ د ئیسلامێدا بۆ من بێژە کو ژ بلی تە پرسیارێ ژ كه‌سه‌كێ دی نەکەم، گۆت: ((بێژە: من باوەری ب خودێ ئینا، پاشی ل سه‌ر ڤێ گۆتنێ به‌رده‌وامبه‌ و ڕاسته‌ڕێبه‌)).

((هه‌ر كه‌سێ ژ هه‌وه‌ خرابییه‌ك دیت؛ بلا ب ده‌ستێ خۆ بگوهۆڕیت، ئه‌گه‌ر نه‌شیا بلا ب ئه‌زمانێ خۆ بگوهۆڕیت، ئه‌گه‌ر نه‌شیا بلا ب دلێ خۆ بگوهۆڕیت و ئه‌و لاوازترین باوه‌رییه‌)).

((دین شیره‌ته‌)) من گۆت: بۆ كێ؟ گۆت: ((بۆ خودێ، بۆ په‌ڕتووكا وی، بۆ پێغه‌مبه‌رێ وی، بۆ مه‌زنێن موسلمانان و بۆ هه‌می موسلمانان)).

((شیردان وێ حه‌رام دكه‌ت یا ژ دایكبوون حه‌رام دكه‌ت)).

((پاقژی نیڤا باوەرییێیە، و (الحَمدُ لِلهِ) تەڕازییێ تژی دکەت و (سُبحانَ اللهِ وَالحَمدُ لِلهِ) ژی د ناڤبەرا ئەسمان و ئەردیدا تژی دكه‌ن - یان تژی دکەت -. نڤێژ ڕۆناهییە، خێر و صه‌ده‌قه‌ بەڵگەیە، صەبڕ و هه‌دار ڕۆناهییە، قورئان بەڵگەیە بۆ تە یان ل سەر تە. هەمی خەلك سپێدێ زوی ژ مال ده‌ردكه‌ڤن (ئانكو ڕۆژا خۆ ده‌ستپێدكه‌ن و بۆ خۆ كار دكه‌ن) و نه‌فسێن خۆ دفرۆشن؛ ڤێجا یان ڤێ نه‌فسێ ئازاد دکەن یان ژ ناڤ دبەن)).

((ئەگەر ب تنێ ژ به‌ر گۆتن و داخوازكرنا خه‌لكی تشت ب وان هاتبا دان؛ دا هنده‌ك مرۆڤ داخوازا خوین و مالێ خه‌لكی كه‌ن، به‌لێ (ل ده‌مێ هه‌بوونا ئاریشه‌یان) به‌ڵگه‌ئینان ل سه‌ر سكالاكه‌رییه‌ و سویندخوارن ل سه‌ر وی كه‌سییه‌ یێ ڤێ تۆمه‌تێ ل سه‌ر خۆ ڕه‌د دكه‌ت)).

((هه‌ر كه‌سێ باوه‌ری ب خودێ و ڕۆژا دویماهیكێ هه‌بیت؛ بلا ئاخڤتنا خێرێ بكه‌ت یان ژی بلا بێده‌نگ بیت، هه‌ر كه‌سێ باوه‌ری ب خودێ و ڕۆژا دویماهیكێ هه‌بیت؛ بلا قه‌درێ جیرانێ خۆ بگریت، هه‌ر كه‌سێ باوه‌ری ب خودێ و ڕۆژا دویماهیكێ هه‌بیت؛ بلا قه‌درێ مێهڤانێ خۆ بگریت)).

((حه‌لال نینه‌ خوینا چ مرۆڤێن موسلمان بهێته‌ ڕێژتن، ب تنێ ب سێ ئه‌گه‌ران نه‌بیت: زه‌لامێ ب ژن و ژنا شویكری ئه‌گه‌ر زینایێ بكه‌ت، ئه‌گه‌ر كه‌سه‌ك كه‌سه‌كی بكوژیت (ئه‌و ژی دێ ژ پێشڤه‌ هێته‌ كوشتن) و ئه‌و كه‌سێ ئیسلامێ دهێلیت (مورته‌د دبیت) و ژ كۆما موسلمانان جودا دبیت)).