Encyclopedia of Prophetic Hadiths

((چار سالۆخه‌ت هه‌نه‌، هه‌ر كه‌سێ ئه‌و چار سالۆخه‌ت ل ده‌ڤ هه‌بن؛ ئه‌ڤه‌ ئه‌و كه‌سه‌كێ مونافق و دووڕویه‌، و ئه‌گه‌ر سالۆخه‌ته‌ك ژ وان ل ده‌ڤ وی هه‌بیت؛ ئه‌ڤه‌ سالۆخه‌ته‌ك ژ سالۆخه‌تێن نیفاق و دووڕویاتییێ یێ ل ده‌ڤ وی هه‌تا دهێلیت: ئه‌گه‌ر ئاخڤت؛ دێ دره‌وێ كه‌ت، ئه‌گه‌ر سۆز دا؛ دێ بنپێ كه‌ت و بجھ نائینیت، ئه‌گه‌ر هه‌ڤڕكی كر؛ دێ زێده‌گاڤییێ تێدا كه‌ت و ئه‌گه‌ر په‌یمانه‌ك دا؛ دێ خیانه‌تێ لێ كه‌ت)).

هه‌ر تشته‌كێ من ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گوهـ لێ ببا دا نڤێسم دا كو ژبه‌ر بكه‌م، ڤێجا قوڕه‌یشییان ئه‌ز ژ ڤێ چه‌ندێ پاشڤه‌برم و گۆتن: ئه‌رێ تو هه‌ر تشته‌كێ ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گوهـ لێ دبی د نڤێسی و پێغه‌مبه‌رێ خودێ ژی (صه‌لات و سه‌لامێن خودێ ل سه‌ر بن) مرۆڤه‌ و ده‌مێ توڕه‌بوون و ده‌مێ كه‌یفخۆشییێ ژی دئاخڤیت؟ له‌وا من ده‌ست ژ نڤێسینێ كێشان و ئه‌ز ڕاوه‌ستیام، پاشی من ئه‌و چه‌نده‌ بۆ پێغه‌مبه‌ری (صه‌لات و سه‌لامێن خودێ ل سه‌ر بن) به‌حس كر، وی ژی ب تبلێن خۆ ئیشاره‌ت بۆ ده‌ڤێ خۆ كر و گۆت: ((بـنڤیسه‌، چونكی ئه‌ز ب وی خودایی كه‌مه‌ یێ نه‌فسا من د ده‌ستێ ویدا، چ تشت ژ ڤی ده‌ڤی ده‌رناكه‌ڤیت ئه‌گه‌ر حه‌قی نه‌بیت)).

((چار خه‌سله‌ت و سالۆخه‌ت یێن هه‌ین، هه‌ر كه‌سێ ل ده‌ڤ هه‌بن، ئه‌و منافق و دووڕویه‌كێ خۆڕییه‌، و هه‌ر كه‌سێ سالۆخه‌ته‌ك ژ وان چاران ل ده‌ڤ هه‌بیت، ئه‌ڤه‌ سالۆخه‌ته‌ك ژ سالۆخه‌تێن نیفاق و دووڕویاتییێ یێ ل ده‌ڤ وی هه‌ی هه‌تا دهێلیت: ئه‌گه‌ر ئاخڤت؛ دێ دره‌وێ كه‌ت، ئه‌گه‌ر كه‌سه‌كی باوه‌رییا خۆ پێ ئینا؛ دێ خیانه‌تێ كه‌ت، ئه‌گه‌ر سۆز و په‌یمانه‌ك دا؛ دێ لێڤه‌بیت و ئه‌گه‌ر گه‌نگه‌شه‌ك كر دێ ژ حه‌قییێ دویر كه‌ڤیت و دێ سنووران به‌زینیت)).

((كه‌سێن دلۆڤان، خودایێ دلۆڤان دلۆڤانییێ پێ دبه‌ت، دلۆڤانییێ ب یێن ل ئه‌‌ردی ببه‌ن، ئه‌وێ ل ئه‌سمانی دێ دلۆڤانییێ ب هه‌وه‌ به‌ت)).

((حه‌وزا من قوناغا هه‌یڤه‌كێ یا دویره‌، ئاڤا وێ ژ شیری سپیتره‌، بێهنا وێ ژ مسكێ خۆشتره‌، ترار و كۆپێن وێ هندی ستێرێن ئه‌سمانینه‌، هه‌ر كه‌سێ ژێ ڤه‌خۆت؛ ئێدی جاره‌كا دی تێهنی نابیت)).