Encyclopedia of Prophetic Hadiths

ئه‌م ل ده‌ڤ عومه‌ری بووین، ئینا گۆت: ((ئه‌م یێن هاتینه‌ پاشڤه‌برن كو بارێ خۆ گران بكه‌ین)).

((مسوگه‌ر خودێ دێ ل دویڤ زۆڕداری درێژكه‌ت هه‌تا دگریت، ده‌مێ گرت ئێدی به‌رناده‌ت)) گۆت: پاشی ئه‌ڤ ئایه‌ته‌ خواند: {وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ}[هود: 102]، ئانكو: ((و كانێ چاوا من خه‌لكێ وان گوندێن زۆڕدار ب عه‌زابێ گرتن ده‌مێ وان بێئه‌مرییا من كرى، وه‌سا ئه‌ز دێ خه‌لكێ گوندێن دى ژى ب عه‌زابێ گرم ئه‌گه‌ر وان ب كوفرا ب خودێ و نه‌گوهدارییا وى زۆڕدارى ل خۆ كر. هندى گرتنا وییه‌ ب عه‌زابێ يا ب ئێش و دژواره‌)).

((خۆ ژ زۆردارییێ بپارێزن، چونكی زۆرداری ل ڕۆژا قیامه‌تێ تارییاتییه‌، خۆ ژ چڕویكییێ بپارێزن، چونكی چڕویكییێ ملله‌تێن به‌ری هه‌وه‌ ژ ناڤ برن، بوو ئه‌گه‌رێ هندێ خوینا ئێكودوو بڕێژن و ئه‌و تشتێن ل سه‌ر وان د حه‌رام ب حه‌لال بزانن)).

((ئه‌رێ ما ئه‌ز بۆ هه‌وه‌ نه‌بێژم كا مه‌زنترین گونه‌ھ كیژكن؟)) سێ جاران ئه‌ڤه‌ گۆت، وان گۆت: به‌لێ ئه‌ی پێغه‌مبه‌رێ خودێ، گۆت: ((دروستكرنا شركێ بۆ خودێ، خرابییا د گه‌ل دایك و بابان)) و ڕوینشت و به‌ری هنگی یێ پالڤه‌دایی بوو و گۆت: ((هشیاری گۆتن (و شاهده‌دانا) ژ دره‌و بن))، گۆت: ڤێجا ئه‌ڤ گۆتنه‌ هه‌ر دووباره‌ دكر، هه‌تا مه‌ گۆت: خۆزی بێده‌نگ ببا.

((بلا زه‌لام به‌رێ خۆ نه‌ده‌ته‌ عه‌وره‌تێ زه‌لامی و بلا ژن به‌رێ خۆ نه‌ده‌ته‌ عه‌وره‌تێ ژنێ، بلا زه‌لام د گه‌ل زه‌لامی د بن ئێك جلكدا نه‌بیت و بلا ژن د گه‌ل ژنێ د بن ئێك جلكدا نه‌بیت)).