Skip to content
417 Hadiths

Encyclopedia of Prophetic Hadiths

Filter results

25 of 417 cards

Clear filters
پێغه‌مبه‌ر (صه‌لات و سه‌لامێن خودێ ل سه‌ر بن) د به‌ر دوو گۆڕاندا ده‌ربازبوو و گۆت: ((ئه‌و هه‌ردوو یێن دهێنه‌ سزادان و ئه‌و ل سه‌ر تشته‌كێ وه‌سا ناهێنه‌ سزادان كو ل ده‌ڤ هه‌وه‌ یێ مه‌زن بیت (به‌لێ ل ده‌ڤ خودێ یێ مه‌زنه‌)، یێ ئێكێ خۆ ژ میزێ نه‌دپاراست، یێ دی ژی ئاخڤتن ڤه‌دگوهاستن (فه‌سادی دكر))). پاشی چه‌قه‌كێ ته‌ڕ یێ دارخورمێ ئینا و كره‌ دوو كه‌ر و ل سه‌ر هه‌ر گۆڕه‌كی ئێك چكلاند. گۆتنێ: ئه‌ی پێغه‌مبه‌رێ خودێ، ته بۆچی‌ ئه‌ڤه‌ كر؟ گۆت: ((دا به‌لكی هندی هشك نه‌بووین سزای ل سه‌ر وان سڤك بكه‌ن)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالأخلاق الذميمة، أهوال القبور، الاستنجاء وقضاء الحاجة، الحياة البرزخيةموضوعات الحديثالنميمة، الإيمان باليوم الآخر، عدم التنزه من البول
((هه‌ر وه‌ستییانه‌ك، نه‌خۆشییه‌ك، خه‌مه‌ك، كۆڤانه‌ك، ئازاره‌ك یان ته‌نگاڤییه‌ك بگه‌هیته‌ موسلمانی، هه‌تا ئه‌و سترییا دچیته‌ د پێیێ وی ژیڕا؛ بۆ ڤێ هه‌مییێ خودێ دێ گونه‌هێن وی ژێبه‌ت)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالرقائق والمواعظ، فضائل التوحيد، الأخلاق الحميدة، الإيمان بالقضاء والقدرموضوعات الحديثالصبر، سعة فضل الله عز وجل
پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ئه‌ڤ ئایه‌ته‌ خواند: {هُوَ الَّذِي أَنْزَلَ عَلَيْكَ الْكِتَابَ مِنْهُ آيَاتٌ مُحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ، وَمَا يَعْلَمُ تَأْوِيلَهُ إِلَّا اللَّهُ، وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِنْ عِنْدِ رَبِّنَا وَمَا يَذَّكَّرُ إِلَّا أُولُو الْأَلْبَابِ} [آل عمران: 7]، ئانكو: ((ئه‌و ب تنێیه‌ يێ قورئان بۆ ته‌ ئينايه ‌خوارێ: هنده‌ك ئايه‌ت ژێ د بنه‌جهـ و ڕامان ئاشكه‌رانه‌، ئه‌ون بناخه‌يێ په‌ڕتووكێ يێ كو ل ده‌مێ تێك ئالۆزییێ دڤێت لێزڤڕين بۆ بهێته‌كرن و هنده‌ك ئايه‌تێن دى ژێ نه‌ د ئاشكه‌رانه‌ پتر ژ ڕامانه‌كێ ژێ دچیت و ڕامانا وان ئاشكه‌را نابیت هه‌تا نه‌هێنه‌ دانان ب ڕه‌خ وانڤه‌ يێن ئاشكه‌را، ڤێجا خودانێن مه‌ژییێن نه‌ساخ و سه‌رداچووى، ژ به‌ر دلێ وان يێ خراب دويڤچوونا ڤان ئايه‌تێن نه‌ئاشكه‌را دكه‌ن، دا ل به‌ر خه‌لكى به‌رزه‌كه‌ن و وان د سه‌ردا ببه‌ن و دا وه‌سا وه‌ربادانێ بێخنێ كو ل دويڤ بۆچوونێن وان يێن نه‌حه‌ق بچن. ژ خودێ پێڤه‌تر كه‌س ڕامانا ڤان ئايه‌تان نزانیت، و يێن موكوم د زانينێدا دبێژن: مه‌ باوه‌رى ب ڤێ قورئانێ هه‌يه‌، ئه‌و هه‌مى ژ ده‌ڤ خودايێ مه‌ و ل سه‌ر ئه‌زمانێ پێغه‌مبه‌رێ وى (صه‌لات و سه‌لامێن خودێ ل سه‌ر بن) بۆ مه‌ هاتییه‌ و ئه‌و تشتێ نه‌ئاشكه‌را ژێ دداننه‌ د گه‌ل يێ ئاشكه‌را، هه‌ما ئه‌و ب دروستى د ڕامانان دگه‌هن و بيرا خۆ لێ دئيننه‌ڤه‌ يێن خودان ئه‌قلێن دروست)). گۆت: پاشی پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((ڤێجا ئه‌گه‌ر ته‌ دیت هنده‌ك كه‌س یێ دویڤچوونا وان ئایه‌تان دكه‌ن یێن ڕامانا وان نه‌یا ئاشكه‌رایه‌؛ هنگی بزانه‌ ئه‌ڤه‌ ئه‌ون یێن خودێ ناڤێ وان ئینای (به‌حسێ وان كری)، ڤێجا هشیاری وان به‌)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيأمراض القلوب، ذَمُّ الهوى والشَّهوات، موقف أهل السنة من أهل البدع، تفسير الآياتموضوعات الحديثالمراء والجدال بالباطل، القرآن وعلومه، البدعة
ئه‌م ل ده‌ڤ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بووین، نه‌هـ یان هه‌شت یان حه‌فت كه‌س بوون، گۆت: ((ئه‌رێ ما هوین به‌یعه‌تێ ناده‌نه‌ پێغه‌مبه‌رێ خودێ؟)) مه‌ به‌ری هنگی به‌یعه‌ت دابوو، مه‌ گۆت: ئه‌ی پێغه‌مبه‌رێ خودێ مه‌ به‌یعه‌ت یا دایه‌ ته‌، پاشی گۆت: ((ئه‌رێ ما هوین به‌یعه‌تێ ناده‌نه‌ پێغه‌مبه‌رێ خودێ؟)) مه‌ گۆت: مه‌ به‌یعه‌ت یا دایه‌ ته‌، پاشی بۆ جارا سێیێ گۆت: ((ئه‌رێ ما هوین به‌یعه‌تێ ناده‌نه‌ پێغه‌مبه‌رێ خودێ؟)) ڤه‌گوهێزه‌ر دبێژیت: مه‌ ژی ده‌ستێن خۆ درێژ كرن و مه‌ گۆت: مه‌ به‌یعه‌ت یا دایه‌ ته‌ ئه‌ی پێغه‌مبه‌رێ خودێ، ئه‌رێ ڤێجارێ ئه‌م به‌یعه‌تێ ل سه‌ر چ بده‌ینه‌ ته‌؟ گۆت: ((ل سه‌ر هندێ كو خودێ بپه‌رستن و چ شریكان بۆ چێنه‌كه‌ن، هه‌ر پێنج نڤێژێن خۆ د ده‌مێ واندا بكه‌ن، و گوهدارییێ بكه‌ن -پاشی ب ده‌نگه‌كێ نزم په‌یڤه‌ك گۆت- و چ تشتان ژ خه‌لكی نه‌خوازن)). ڤه‌گوهێزه‌ر دبێژیت: ب ڕاستی من هنده‌ك ژ وان كه‌سان دیتن قامچییێ ئێك ژ وان ژ ده‌ستی دكه‌ڤت (ده‌مێ ل سه‌ر پشتا ده‌واری) و داخواز ژ كه‌سێ نه‌دكر بكه‌ته‌ د ده‌ستێ ویدا (به‌لكی ئه‌و بخۆ ژ سه‌ر پشتا ده‌واری دهاته‌ خوارێ و هه‌لدگرت).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيالأخلاق الحميدة، الزهد والورع، حق الإمام على الرعية، وجوب الصلاة وفضلها وحكم تاركها، توحيد الألوهيةموضوعات الحديثالزهد وقِصَر الأمل، أهمية التوحيد، أحكام الإمامة، التوكل، مكانة الصلاة وفضلهامحاور التعريف بالإسلاموجوب إفراد الله بالعبادة
پێغەمبەرێ خودێ (صەلات و سەلامێن خودێ ل سەر بن) گۆت: ((ب ڕاستی خودێ گۆت: هه‌ر كه‌سێ دوژمناهییا وه‌لییه‌كێ من بكه‌ت؛ دێ شه‌ڕی ل دژی وی ڕاگه‌هینم، و نینه‌ عه‌بدێ من ب تشته‌كی خۆ نێزیكی من بكه‌ت خۆشتڤیتر بیت ل ده‌ڤ من ژ وی تشتێ من ل سه‌ر وی فه‌ڕزكری و به‌رده‌وام عه‌بدێ من ب ئه‌نجامدانا سوننه‌تان دێ خۆ نێزیكی من كه‌ت هه‌تا ئه‌ز حه‌ز ژێ دكه‌م، گاڤا من حه‌ز ژێ كر: دێ بمه‌ گوهێ وی یێ ئه‌و تشتی پێ گوهلێ دبیت، دێ بمه‌ چاڤێ وی یێ ئه‌و تشتی پێ دبینیت، دێ بمه‌ ده‌ستێ وی يێ ئه‌و تشتی پێ دگریت، دێ بمه‌ پێ وی یێ ئه‌و ل سه‌ر ب ڕێڤه‌ دچیت (ئانكو خودێ دێ ئه‌ندامێن وی مرۆڤی ژ كرنا كارێن خه‌له‌ت پارێزیت)، و ئه‌گه‌ر داخوازا تشته‌كی ژ من كر؛ دێ ده‌مه‌ وی و ئه‌گه‌ر خۆ ب من پاراست ژ تشته‌كی؛ دێ وی پارێزم، و ئه‌ز بۆ چ كارێن من كرین دوودل نه‌بوویمه‌ (دوودلبوونا خودێ ژ به‌ر په‌یدابوونا شك و گومانێ نینه‌، به‌لكی ژ به‌ر حه‌زژێكرنا وییه‌ بۆ باوه‌رداری) وه‌كی وی ده‌مێ ئه‌ز ڕۆحا باوه‌رداری ژێ وه‌ردگرم، ئەو حه‌زناكه‌ت بمریت و ئه‌ز ژی حه‌زناكه‌م بێدلییا وی بكه‌م)).
فه‌رمووده‌یه‌كا دروسته‌ بۆخاری ڤێ فه‌رمووده‌یێ ڤه‌دگوهێزیت
التصنيف الشرعيأحكام الولاء والبراء، فضائل الأعمال الصالحة، أحوال الصالحين، توحيد الأسماء والصفاتموضوعات الحديثالدعاء، معاداة أولياء الله وأذيتهم، المحبة
زه‌لامه‌ك هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ئه‌ی پێغه‌مبه‌رێ خودێ؛ ئێك ژ مه‌ هه‌ست ب تشته‌كی دكه‌ت د دل و ده‌روونێ خۆدا - تشته‌ك دهێته‌ سه‌ر دل و ده‌روونێ وی -، ئه‌گه‌ر ئه‌و خۆلی بیت ل ده‌ڤ خۆ خۆشتڤیتره‌ ژ هندێ وی تشتی ب ده‌ڤێ خۆ بێژیت، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((اللهُ أكبرُ، اللهُ أكبرُ (ئانكو خودێ مه‌زنترینه‌)، سوپاسی بۆ وی خودایی بن یێ پیلانا وی (شه‌یتانی) بۆ وه‌سواسێ زڤڕاندی)).
فه‌رمووده‌یه‌كا دروسته‌ ئه‌بو داوود و نه‌سائی د په‌ڕتووكا (سنن الکبری)ـدا ڤێ فه‌رمووده‌یێ ڤه‌دگوهێزن
التصنيف الشرعيأمراض القلوب، الإيمان بالله عز وجل، الجن، الإيمانموضوعات الحديثالإيمان بالله تعالى
من پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) كر: كیژ گونه‌هـ ل ده‌ڤ خودێ ژ هه‌مییان مه‌زنتره‌؟ گۆت: ((ئه‌وه‌ تو هه‌ڤپشكه‌كی بۆ خودێ په‌یدا بكه‌ی د ده‌مه‌كیدا وی تو یێ دروست كری))، من گۆت: ب ڕاستی ئه‌و گونه‌هه‌كا مه‌زنه‌، پاشی من گۆت: پاشی كیژ؟ گۆت: ((ئه‌وه‌ تو زارۆكێ خۆ بكوژی ژ ترسا هندێ كو د گه‌ل ته‌ خوارنێ بخۆت))، من گۆت: پاشی كیژ؟ گۆت: ((ئه‌وه‌ تو زینایێ د گه‌ل ژنا جیرانێ خۆ بكه‌ی)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيحد الزنا، ذم المعاصي، تربية الأولاد، توحيد الربوبية، الشركموضوعات الحديثقتل النفس، الزنا، أهمية التوحيد، أذى الجار، الشرك بالله وأقسامه، التوكلمحاور التعريف بالإسلامبطلان الشرك وصوره، بطلان عبادة غير الله
((باوه‌ردارێ ب هێز، باشتر و خۆشتڤیتره‌ ل ده‌ڤ خودێ ژ باوه‌ردارێ لاواز و د هه‌ردووكاندا خێر یا هه‌ی (هه‌ردووك د باشن)، یێ ڕژدبه‌ ل سه‌ر وی تشتێ مفایێ ته‌ تێدا و داخوازا هاریكارییێ ژ خودێ بكه‌ و سست نه‌به‌، و ئه‌گه‌ر تشته‌كێ نه‌خۆش ب سه‌رێ ته‌ هات، نه‌بێژه‌: ئه‌گه‌ر من فلان تشت كربا؛ دا هۆسا و هۆسا چێبیت، به‌لكی بێژه‌: ئه‌ڤه‌ قه‌ده‌را خودێیه‌ و تشتێ وی ڤیایی كر، چونكی ب ڕاستی په‌یڤا (ئه‌گه‌ر - لَوْ) ده‌رگه‌هێ كریارێن شه‌یتانی ڤه‌دكه‌ت)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيأعمال القلوب، الإيمان بالقضاء والقدر، الإيمانموضوعات الحديثحفظ اللسان، أقسام الإيمان، الإيمان بالقدر خيره وشره، التوكل، الرضا