Encyclopedia of Prophetic Hadiths

((ئه‌گه‌ر ئێك ژ هه‌وه‌ خوارن خوار، بلا ب ده‌ستێ خۆ یێ ڕاستێ بخۆت، و ئه‌گه‌ر ڤه‌خوار، بلا ب ده‌ستێ خۆ یێ ڕاستێ ڤه‌خۆت، چونكی شه‌یتان ب ده‌ستێ خۆ یێ چه‌پێ دخۆت و ڤه‌دخۆت)).

پێغه‌مبه‌ری (صه‌لات و سه‌لامێن خودێ ل سه‌ر بن) بێهنخۆشی ڕه‌د نه‌دكر.

((مافێ موسلمانی ل سه‌ر موسلمانی پێنجن: به‌رسڤدانا سلاڤێ، سه‌ره‌دانا نه‌ساخی، دویكه‌ڤتنا جه‌نازه‌ی، د به‌رسڤ چوونا گازییێ (مه‌عزومكرنێ) و به‌رسڤدانا كه‌سێ دبێهنشیت (و دبێژیت: (الحمدلله)، تو دێ بێژییێ: یرحمك الله))).

((بلا زه‌لام به‌رێ خۆ نه‌ده‌ته‌ عه‌وره‌تێ زه‌لامی و بلا ژن به‌رێ خۆ نه‌ده‌ته‌ عه‌وره‌تێ ژنێ، بلا زه‌لام د گه‌ل زه‌لامی د بن ئێك جلكدا نه‌بیت و بلا ژن د گه‌ل ژنێ د بن ئێك جلكدا نه‌بیت)).

پێغه‌مبه‌ر (صه‌لات و سه‌لامێن خودێ ل سه‌ر بن) هاته‌ ده‌ڤ مه‌، ڤێجا مه‌ گۆت: ئه‌ی پێغه‌مبه‌رێ خودێ؛ مه‌ زانی دێ چاوا سلاڤ كه‌ینه‌ ته‌‌، به‌لێ پا دێ چاوا صه‌له‌واتان ده‌ینه‌ سه‌ر ته‌؟ گۆت: ((بێژن: ((اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى آلِ إِبْرَاهِيمَ، إِنَّكَ حَمِيدٌ مَجِيدٌ))، ئانكو: ((خودایێ من؛ صه‌له‌واتان بده‌ سه‌ر موحه‌ممه‌دی و مالباتا موحه‌ممه‌دی، هه‌روه‌كی كا چاوا ته‌ صه‌له‌وات داینه‌ سه‌ر مالباتا ئیبراهیمی، ب ڕاستی تو یێ ژ هه‌ژی سوپاسییێی و یێ خودان مه‌زناهی، خودایێ من؛ به‌ره‌كه‌تێ بڕێژه‌‌ سه‌ر موحه‌ممه‌دی و مالباتا موحه‌ممه‌دی،؛ هه‌روه‌كی كا چاوا ته‌ به‌ره‌كه‌ت ڕێژتییه‌ سه‌ر مالباتا ئیبراهیمی، ب ڕاستی تو یێ ژ هه‌ژی سوپاسییێی و یێ خودان مه‌زناهی)).

«ئاڤرمیشی و دیباجی نه‌كه‌نه‌ به‌ر خۆ و د ئامانێن زێڕ و زیڤیدا ئاڤێ ڤه‌نه‌خۆن و د واندا خوارنێ ژی نه‌خۆن، چونكی ئه‌و ل دونیایێ بۆ وانه‌ و ل ئاخره‌تێ بۆ مه‌نه‌».

((ئەگەر ئێكی حه‌ز ژ برایێ خۆ (یێ موسلمان) كر، هنگی بلا بێژیته‌ وی كو حه‌ز ژێ دكه‌ت)).