Encyclopedia of Prophetic Hadiths

((مرۆڤێ ب هێز ئه‌و نینه‌ یێ د زۆڕانبازییێدا یێ ب هێز بیت‌، به‌لكی مرۆڤێ ب هێز ئه‌وه‌ یێ ل ده‌مێ توڕه‌بوونێ بشێت خۆ ڕاگریت و كونتڕۆلێ ل سه‌ر خۆ بكه‌ت)).

پێغه‌مبه‌ر (صه‌لات و سه‌لامێن خودێ ل سه‌ر بن) د به‌ر دوو گۆڕاندا ده‌ربازبوو و گۆت: ((ئه‌و هه‌ردوو یێن دهێنه‌ سزادان و ئه‌و ل سه‌ر تشته‌كێ وه‌سا ناهێنه‌ سزادان كو ل ده‌ڤ هه‌وه‌ یێ مه‌زن بیت (به‌لێ ل ده‌ڤ خودێ یێ مه‌زنه‌)، یێ ئێكێ خۆ ژ میزێ نه‌دپاراست، یێ دی ژی ئاخڤتن ڤه‌دگوهاستن (فه‌سادی دكر))). پاشی چه‌قه‌كێ ته‌ڕ یێ دارخورمێ ئینا و كره‌ دوو كه‌ر و ل سه‌ر هه‌ر گۆڕه‌كی ئێك چكلاند. گۆتنێ: ئه‌ی پێغه‌مبه‌رێ خودێ، ته بۆچی‌ ئه‌ڤه‌ كر؟ گۆت: ((دا به‌لكی هندی هشك نه‌بووین سزای ل سه‌ر وان سڤك بكه‌ن)).

((ئه‌وا خه‌لك ڤێڕا گه‌هشتی ژ گۆتنا پێغه‌مبه‌رێن ده‌ستپێكێ (ئه‌ڤ تشته‌ ژ گۆتنا وان پێغه‌مبه‌ران یا بۆ مایه‌ڤه‌ و هنده‌كان ژ هنده‌كێن دی یا ڤه‌گێڕای)، ئه‌ڤه‌یه‌ كو ئه‌گه‌ر ته‌ شه‌رم نه‌كر؛ تشتێ ته‌ دڤێت بكه‌)).

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) پاشڤه‌برن ژ قه‌زه‌عێ كر (قه‌زه‌ع ژی ئه‌ڤه‌یه‌ مرۆڤ هنده‌ك ژ پرچا خۆ بتڕاشیت و هنده‌كێ بهێلیت).

((خودێ دلۆڤانییێ ب زه‌لامه‌كی ببه‌ت كو یێ ب ساناهی بیت ئه‌گه‌ر تشته‌ك فرۆت و ئه‌گه‌ر تشته‌ك كڕی و ئه‌گه‌ر داخوازا ده‌ینێ خۆ كر)).

((نه‌خۆشتڤیترین كه‌س ل ده‌ڤ خودێ ئه‌وه‌ یێ ب توندی دچیته‌ د ناڤ گه‌نگه‌شێدا و زێده‌گاڤییێ تێدا دكه‌ت)).

پێغه‌مبه‌ر (صه‌لات و سه‌لامێن خودێ ل سه‌ر بن) كه‌سه‌كێ ئه‌زمانڕه‌ش و خه‌به‌ربێژ نه‌بوو، وی دگۆت: ((ب ڕاستی ژ باشترینێ هه‌وه‌ ئه‌و كه‌سه‌ یێ ڕه‌وشتێ وی ژ یێ هه‌می كه‌سان جوانتر بیت)).

((خۆ ژ وان هه‌ر حه‌فت گونه‌هێن مرۆڤی دبه‌نه‌ هیلاكێ دویربێخن. گۆتن: ئه‌و كیژكن ئه‌ی پێغه‌مبه‌رێ خودێ؟ گۆت: شرك و هه‌ڤپشك دروستكرن بۆ خودێ، سحر و سێره‌به‌ندی، كوشتنا وێ نه‌فسا خودێ حه‌رامكری بهێته‌ كوشتن، ئه‌و تێنه‌بیت ئه‌گه‌ر ئه‌ڤ كوشتنه‌ ب حه‌قی بیت، خوارنا ڕیبایێ، خوارنا مالێ ئێتیمی، ڕه‌ڤینا ژ به‌رووكا شه‌ڕی ل ده‌مێ جیهادێ و تاوانباركرنا ژنێن پاقژ و باوه‌ردار و بێئاگه‌ھ ب كرنا زینایێ)).