Encyclopedia of Prophetic Hadiths

((ئيسلام ل سه‌ر پێنج ستوینان هاتییه‌ ئاڤاكرن: شاهده‌دان كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و موحه‌ممه‌د پێغه‌مبه‌رێ خودێیه‌، كرنا نڤێژێ، دانا زه‌كاتێ، چوونا حه‌جێ و گرتنا ڕۆژییێن هه‌یڤا ڕه‌مه‌زانێ)).

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ده‌مێ ده‌ست ب نڤێژێ دكر ده‌ستێن خۆ هه‌تا ڕاستا هه‌ردوو ملێن خۆ بلند دكرن، ده‌مێ ته‌كبیرا چوونا ڕكوعێ دكر و ده‌مێ سه‌رێ خۆ ژ ڕوكوعێ بلند دكر، هه‌ر ده‌ستێن خۆ بلند دكرن و دگۆت: «سَمِعَ اللَّهُ لِمَنْ حَمِدَهُ، رَبَّنَا وَلَكَ الحَمْدُ»، و ئه‌ڤه‌ د سوجدێدا نه‌دكر.

من ده‌ھ ڕكاعه‌ت (یێن سوننه‌ت) ژ پێغه‌مبه‌ری (صه‌لات و سه‌لامێن خودێ ل سه‌ر بن) ژبه‌ركرن‌: دوو ڕكاعه‌ت به‌ری نڤێژا نیڤڕۆ، دوو ڕكاعه‌ت پشتی وێ، دوو ڕكاعه‌ت پشتی نڤێژا مه‌غره‌ب ل مالا وی، دوو ڕكاعه‌ت پشتی نڤێژا عه‌یشا ل مالا وی و دوو ڕكاعه‌ت به‌ری نڤێژا سپێدێ، ئه‌و ده‌مه‌ك بوو كه‌س تێدا نه‌دچوو ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن). حه‌فصایێ بۆ من گۆت كو ده‌مێ بانگهلدێری بانگ ددا و ده‌مێ نڤێژێ هاتبا سپێده‌ هه‌لاتبا ؛ وی دوو ڕكاعه‌ت دكرن. د ڤه‌گوهاستنه‌كا دیدا هاتییه‌: پێغه‌مبه‌ری (صه‌لات و سه‌لامێن خودێ ل سه‌ر بن) پشتی نڤێژا ئه‌ینییێ ژی دوو ڕكاعه‌ت دكرن.