Encyclopedia of Prophetic Hadiths

((ئيسلام ل سه‌ر پێنج ستوینان هاتییه‌ ئاڤاكرن: شاهده‌دان كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و موحه‌ممه‌د پێغه‌مبه‌رێ خودێیه‌، كرنا نڤێژێ، دانا زه‌كاتێ، چوونا حه‌جێ و گرتنا ڕۆژییێن هه‌یڤا ڕه‌مه‌زانێ)).

((ئه‌گه‌ر ل ڕۆژا ئه‌ینییێ ل ده‌مێ گۆتارخوین گۆتارێ دخوینیت ته‌ گۆته‌ هه‌ڤالێ خۆ: بێده‌نگ به‌؛ ئه‌ڤه‌ ته‌ گۆتنه‌كا بێمفا و به‌تال كر)).

ئۆم سه‌له‌مه‌یێ بۆ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) به‌حسێ كەنیسەیەکێ كر كو وێ یا ل ئه‌ردێ حه‌به‌شه‌ دیتی، دگۆتنێ (ماریا)، ڤێجا به‌حسێ وان وێنەیێن وێ تێدا دیتین بۆ وی كر، ئینا پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((‌ ئه‌و ملله‌ته‌كه‌ ئه‌گه‌ر عه‌بده‌كێ باش یان زه‌لامه‌كێ باش د ناڤ واندا مربا؛ دا مزگه‌فته‌كێ ل سه‌ر گۆڕێ وی ئاڤا كه‌ن و دا ئه‌وان وێنه‌یان تێدا چێكه‌ن، ب ڕاستی ئه‌و‌ خرابترین چێكرینه‌ ل ده‌ڤ خودێ)).

پێغه‌مبه‌ری (صه‌لات و سه‌لامێن خودێ ل سه‌ر بن) پشتی هه‌ر نڤێژه‌كا فه‌ڕز دگۆت: «لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ، اللَّهُمَّ لَا مَانِعَ لِمَا أَعْطَيْتَ، وَلَا مُعْطِيَ لِمَا مَنَعْتَ، وَلَا يَنْفَعُ ذَا الْجَدِّ مِنْكَ الْجَدُّ»، ئانكو: ((ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئه‌و ئێكێ ب تنێیه‌ و وی چ شریك و هه‌ڤال نینن، مولك و ده‌ستهه‌لات و حه‌مد و سوپاسی هه‌می بۆ وینه‌، ئه‌و ل سه‌ر هه‌ر تشته‌كی یێ خودان شیانه‌، خودایێ من؛ چ ڕێگر نینن بۆ تشته‌كێ ته‌ دابیت و بۆ تشته‌كێ ته‌ قه‌ده‌غه‌ كربیت كه‌سه‌ك نه‌شێت بده‌ت، مال و سامان و مه‌زناهی (ل ڕۆژا قیامه‌تێ) مفای ناگه‌هیننه‌ خودانێ خۆ ل هه‌مبه‌ر ته‌)).

((ئه‌گه‌ر هه‌وه‌ گوهـ ل بانگهلدێری بوو؛ هنگی هوین ژی هه‌مان گۆتنێن وی بێژن، پاشی صه‌له‌واتان بده‌نه‌ سه‌ر من، چونكی هه‌ر كه‌سێ صه‌له‌واته‌كێ بده‌ته‌ سه‌ر من؛ خودێ دێ ده‌هـ صه‌له‌واتان ده‌ته‌ سه‌ر وی. پاشی داخوازا (وه‌سیلێ) بۆ من ژ خودێ بكه‌ن، چونكی ئه‌و پله‌یه‌كه‌ د به‌حه‌شتێدا و ب تنێ دێ بۆ عه‌بده‌كی ژ عه‌بدێن خودێ ‌بیت و ئه‌ز هيڤیدارم ئه‌و كه‌سه‌ ئه‌ز بم، ڤێجا هه‌ر كه‌سێ داخوازا (وه‌سیلێ) بۆ من بكه‌ت؛ شه‌فاعه‌تا من بۆ وی حه‌لال بوو)).

((هنده‌ك زكرێن هه‌ین یێ پشتی هه‌ر نڤێژه‌كا فه‌ڕز بخوینیت په‌شیمان نابیت: سیهـ و سێ جاران "سبحان الله"، سیهـ و سێ جاران "الحمدلله"، سیهـ و چوار جاران "الله أكبر")).

((هه‌ر كه‌سێ شه‌ڤا ب بها (لیلة القدر)ـێ ڕابیته‌ڤه‌ و وێ شه‌ڤێ ب كرنا عیباده‌تی ساخ بكه‌ت، باوه‌ری پێ هه‌بیت و بۆ خۆ ب خێر بهژمێریت و ل هیڤییا خه‌لاتێ وێ بیت، گونه‌هێن وی یێن بووری هه‌می دێ هێنه‌ ژێبرن))

((نڤێژه‌ك د ڤێ مزگه‌فتا منڤه‌؛ چێتر و بخێرتره‌‌ ژ هزار نڤێژان د جهێن دیڤه‌، ژ بلی مزگه‌فتا حه‌رام (ل مه‌كه‌هێ) )).