Encyclopedia of Prophetic Hadiths

((خودێ نڤێژا ئێك ژ هه‌وه‌ قه‌بویل ناكه‌ت ده‌مێ ده‌ستنڤێژا وی دشكێت، هه‌تا ده‌ستنڤێژێ نه‌گریت)).

((پێنج تشت ژ خۆرستییێنه‌: سوننه‌تكرن، تڕاشینا وان مویێن ل دۆرێن عه‌وره‌تی هه‌ین، كورتكرنا سمبێلان، بڕینا نینۆكان و هه‌لكێشانا مویێن بنكه‌فشان)).

((ئه‌گه‌ر ئێك ژ هه‌وه‌ ده‌ستنڤێژ گرت، بلا ئاڤێ بكه‌ته‌ د دفنا خۆدا و پاشی ده‌ربێخیت، و هه‌ر كه‌سێ خۆ ب به‌ران پاقژ بكه‌ت بلا هژمارا به‌رێن خۆ بكه‌ته‌ تاك، و ده‌مێ ئێك ژ هه‌وه‌ ژ خه‌و ڕابوو؛ بلا ده‌ستێ خۆ بشۆت به‌ری بكه‌ته‌ د ئاڤا ده‌ستنڤێژێدا، چونكی ئێك ژ هه‌وه‌ نزانیت كا ب شه‌ڤ ده‌ستێ وی ل كیرێ مایه‌)). و د ڤه‌گوهاستنا موسلمیدا هاتییه‌: ((ده‌مێ ئێك ژ هه‌وه‌ ژ خه‌و ڕابوو؛ بلا ده‌ستێ خۆ نه‌كه‌ته‌ د ناڤ ئامانیدا هه‌تا سێ جاران نه‌شۆت، چونكی ئه‌و نزانیت كا ب شه‌ڤ ده‌ستێ وی ل كیرێ مایه‌)).